《亡命者》「選擇」「領袖」: 第四十章 家

軍車在回倖存區的路上。

我牽著樂兒的小手，樂兒依靠我的膊頭睡覺，雖然車程不用太久，但我也想珍惜一起的時間，我閉眼沉思，輕輕依靠著樂兒的頭上，思考往後的計劃。



『家榮…』『家榮』『家榮！』

我驚醒，發現樂兒摸著我的臉叫醒了我，原來在沉思中的時候被樂兒的髮香讓我放鬆入睡，軍車已到達倖存區，現在軍車裏只剩下我和樂兒兩人。





樂兒説：『原本想訓多陣，但係軍人要泊車入停車場，今晚先訓啦好無？』

我攬著樂兒的小纖腰説：『緊係好啦傻妹』

樂兒甜笑地説：『係啦，落車睇你個女啦傻佬，嘻』

『緊係要啦，一個月無見啦』

我孭上背囊，牽著樂兒的手，雙雙下車，回到這個短暫的家。





在我扶樂兒下車的時候，我感覺到身後有人跑過來，但我不作任何閃避，任由這個女孩直接攬實我的腰。


『榮哥哥！』琪琪攬實我的腰説

我扶樂兒下車後，馬上單手抱起這個小女孩，就像出差的父親久違回到家中一樣。

我笑著説：『有無掛住我呀？琪琪』

她雙手環在我的頸説：『緊係有啦』





我抱著琪琪時秤一秤體重：『做乜琪琪你好似輕左咁多嘅？』

琪琪扁嘴説：『邊有呀！姨姨話我重左嫁！』

在旁的樂兒笑著用手指輕按琪琪的鼻。

『小心變肥妹仔呀你』

『我唔怕！重有榮哥哥同樂兒姐姐陪我，哈』

我和樂兒對望一笑，享受短暫的三人時光。







此時朱達明走過來，整個溫馨的場面被他完美破壞。

『龍級戰力鄭家榮』

『咩事？』

『嚟一嚟我辦公室』

『點解？』

『我地之前講過嘅條件』

我一聲嘆氣，身邊兩個小美女也明白我有緊要事做。

琪琪説：『榮哥哥你要加油呀，打走班壞人』





『嗯，榮哥哥應承你，搞掂左今晚陪你啦好無』

『好嘢！，我地要勾手指尾』

我和琪琪勾手指尾後我親琪琪的臉，然後讓樂兒抱著琪琪時再親樂兒的小嘴。
。
。
。
。
朱達明辦公室。

這個好聽一點是辦公室，難聽一點只是以前用屋苑管理處改建而成。

我坐在朱達明枱前的椅子上，等待著他的説話。





『聽講你係軍營入面好把炮喎，又第一名又試劍』

『你唔係搵我嚟就係想講呢啲嘢呀？』

『當然唔係啦，你宜家點睇呢個倖存區？』

『短時間內防守還可以，長時間的話附近唔會有足夠物資比我地用』

『無錯，呢排附近都無物資可以用，而且綠魔的攻擊開始頻密，但係新政府寧願死守都唔比我地揀地方遷移』

『咁你叫我嚟都無補於事嫁喎…』

『錯，你嘅影響力比你想像中強大，你絕對有影響力去令新政府批準』





『批準之後去邊先得嫁？到時有新地方又需要大量軍人去殲滅綠魔』

『所以重有第二個選擇』

『講呢聽下』

朱達明拿出新界地圖，指著粉嶺雍盛苑。

『呢個係我地的倖存區，最接近我們的倖存區也是大埔，如果把這個倖存區改裝為軍營…』

我搶答説：『咁呢到就會被新政府高度重視同發展，成為第一防線倖存區，大量軍人會受令係到準備應戰』

『無錯，咁民眾就可以去到大埔倖存區個邊居住』

『但係你需要一啲證據先可以提議呢個計劃』

『所以宜家有兩個任務要你做，第一個係去上水廣場尋找相機並帶回來，第二個係帶領軍人去羅湖口岸攝影綠魔的數量，等我唔洗揾咁多理由去要求支援』

我不禁問：『咁任務幾時要完成？』

『越快越好啦，對你同我都有好處』

『我呢兩日應該會帶隊去上水廣場，你自動批準啦』

『無問題，祝你成功』

『武器個邊呢？我要自己揀槍』

『今日已經跟你地車送埋過嚟，出任務前拎就得』

『ok，我返去先』

我説完轉身離開。


目前要做的計劃非常多，尋找相機也尚算簡單，但潛行需要的軍人一定要精英，否則一定會被綠魔發現並被追殺，我現在必須制定多個計劃保障安全，但今天就讓自己休息一天吧。

休息，是為了走更遠的路

在回那個一個月前的家時，我看見周圍的居民開始捉象棋，聊天，公園裏不再是MK仔的地盤，現在小孩們也在挽捉迷藏。

我對天感歎，有時沒有智能手機可能是一件好事，小孩不再玩手機搞到近視，大人也不再成為低頭族，抬起頭認識身邊的人。

人類是一種奇怪的生物，永遠只去到失去時才珍惜自己一直擁有的東西。

呀，我都係人類喎。

我看著眼前的景象笑而不語，離開這裏回去有兩個小美女等待我的家。



其實人類最可悲的是，失去了也不懂得珍惜