《亡命者》「選擇」「領袖」: 第四十四章 昏迷前後

雍盛倖存區。( 鄭家榮視覺 )


我張開眼，發現自己在一間臨時病房內，我在思考自己為何在這裏時，發現樂兒睡在旁邊捉緊我的右手，淺呼吸的她明顯之前一直沒有睡覺，到撐不住的時候才在我旁邊淺睡。

『傻妹…』我左手輕摸著她的頭心想

此時，飛宏走進來房間，看見我醒了非常激動，我左手食指放在嘴唇，示意樂兒正在睡覺，飛宏靜靜地坐在我的左邊，等待我問問題。

『我訓左幾耐？』我輕輕旭動四肢，除了右手不想驚醒樂兒外，四肢也沒有問題，身體也只是小量擦傷。





『你昏迷左三日…』

飛宏認真的樣子令我明白這不是開玩笑。

『琪琪佢地點？』

『佢地成班啱啱先探完你，但係樂兒堅持要留低係到睇你甦醒，我送埋佢地返去之後返嚟就見到你醒左』

『倖存區有無咩事發生？』





『十強新兵，兔仔，肥巫同candy被派出任務，呢幾日新政府派左啲新政幣比市民可以買賣，重有公會出現同埋懸賞令』

『咩料呀……』

飛宏拿出一個小麻袋，從中拿出三種幣放在我左手裏，我仔細一看，這是一個前後也刻有洋紫荊的金幣，大小像一個五元大餅，另外兩個是銀色和銅色。

『金幣對返港幣係一千蚊，銀幣二百，銅幣就二十蚊，尋日朱達明比住五十幾個金幣我地先，重有好多都未比埋我地』

『我地幾時有咁多錢？』





『朱達明講話係你做任務的奬金，佢重話你做緊嘅嘢係幫到新政府好多嘢，所以先有咁多』

『公會同懸賞令遲啲先講，我想知我搞咩昏迷左三日？』

飛宏疑惑地説：『你真係完全唔記得？』

『我個樣似講笑咩？』

飛宏一聲嘆氣：『好啦，件事就係……』
。
。
。
。
三日前 雍盛倖存區。





鄭家榮，飛宏，kinglam和三名新兵要去羅湖口岸偵查綠魔的數量並拍照向新政府要求支援倖存區。

這次Kinglam會帶上祕密武器，家榮堅決不準樂兒同行，樂兒也只能留在倖存區等待家榮歸來。

小隊各人正在整理自己的裝備，新兵們也是基本裝備為主，這次加多把輕機槍減低風險。


其中一名新兵向鄭家榮敬禮後説：『sir，我係黃冠行新兵』

『咩事？』鄭家榮放下武器翹起雙手説。

『我想問今次任務係咩原因？』

在鄭家榮解答黃冠行的問題時，旁邊準備武器和相機的飛宏和kinglam對話。







飛宏説：『黃冠行個名咁熟嘅？』

Kinglam點頭説：『好似係邊度聽過』

二人不斷回想之前的事，終於想起第一天入訓練營時的畫面。

『佢就係嗰個温書一星期嘅新兵？！』

Kinglam笑著說：『個日忍笑忍得好辛苦』

飛宏笑著説：『啱呀，差啲笑到訓低』





二人笑著繼續整理武器，再加多幾件鄭家榮要求的底牌。



鄭家榮説：『重有無問題？』

黃冠行立正説：『No sir！』

『good，準備出發』

『Yes Sir！』