《亡命者》「選擇」「領袖」: 第四十七章 破釜沉舟

面對大群的綠魔，三兄弟沒有任何害怕的感覺，破釜沉舟的氣勢令三兄弟越戰越強。

三隻綠魔正衝向步行的鄭家榮，後者一挑一刺一斬，用最直接的方式令三隻綠魔身首異處，把劍用力搖向後，令劍上的血濺在地上然後繼續進攻。

Kinglam用雙刀直刺綠魔的眼球，直接破壞綠魔的腦神經，接著拔出雙刀原地一個旋轉把接近自己的綠魔身首異處。

飛宏用武士刀在綠魔群中使出武士的基本招式：側刺，立刀和正握法，大量綠魔被鋒利的武士刀砍掉頭部。

鄭家榮慢步前行，身邊的綠魔屍體無一不是以一劍被擊殺，因面對他們只需要出一劍，這就是劍皇天下的強大之處，kinglam以直刺的方式不斷擊殺綠魔，猶如篤魚蛋一樣，飛宏就像武士一樣手起刀落，把綠魔切豆腐咁切。







本應擁有人數優勢的綠魔現在已經被三人解決。

看見最後一隻也被飛宏用立刀法解決後，三兄弟坐在地上不斷喘氣，反射神經和肌肉組織也終於可以休息一會兒，飛宏再從口袋裡拿出煙，三兄弟藉著一支煙的時間休息。

此刻再沒有綠魔出現，三兄弟也誠心感謝上帝。

Kinglam説：『屌…手都震埋…』





飛宏吐出一口煙説：『屌…未死就由佢啦』

鄭家榮説：『啱呀，咁都死唔去，我返到去應該真係信耶穌』

飛宏説：『我返到去想陪下心姐』

Kinglam：『我要溝班單身女』

鄭家榮吐出最後一口煙説：『我想同樂兒琪琪食飯』





飛宏彈走煙頭，站起來説：『返去喇』

Kinglam説：『啱啱係停車場見到幾架四人警車，用個幾架走』

三兄弟承受剛才的爆炸傷痕纍纍地慢慢走去停車場。



入境處 停車場。

飛宏用槍柄打破警車的玻璃，但這時才想起一個重要的問題。

『仆街…無車匙…』

鄭家榮忽然搭著飛宏的膊頭，示意他能解決，家榮熟悉地坐在椅子上，用西洋劍挑開車匙下方的電路箱，拿出兩條主幹線嘗試通電，動作流暢得自然和純熟，飛宏和kinglam對望，他們也不記得訓練時有教過電路接駁。





『阿榮，你係邊度…學返嚟？』


鄭家榮聽見後嘗試回憶，但腦部神經馬上感到劇烈痛楚，有一段記憶彷彿屬於自己但又不是，不斷在腦海中掙扎想浮現但又像有一道枷鎖鎖著。

鄭家榮抱頭痛叫，接著昏迷，最後kinglam和飛宏聯手抱他去後座並馬上開車回倖存區。
。
。
。
。
雍盛臨時病房 ( 鄭家榮視覺 )


『返到嚟之後醫生話你只係疲勞過度暈左，休息幾日就無事，件事就係咁…』





我認真地問：『咁究竟…你地有無綁住個兩件蛋散係牆上面？』

『緊係有啦！kinglam練箭練到佢哋喊住叫救命』

『咁都好，啲相比左朱達明未？』

『比左喇，新政府支援二日內就會到，朱逹明開心到跳起，重升左我地三個做戰神級戰力，重話咩以後叫我地做…戰神三兄弟』

我笑著說：『戰神三兄弟係咪天水圍陳浩南啲朋友』

飛宏無奈説：『呢個問題唔講住』


飛宏看著我認真地説：『究竟你個日回憶到啲咩搞到到暈左？』





我搖頭説：『唔知，好似有段記憶我唔記得左但係潛意識就好自然用到出嚟』

『我總係覺得你讀左VTC之後成個人唔同曬』

『有咩唔同？』

『個人沉穩左好多，知識多到成個教授咁，又成日都好似好忙，總之好多嘢全部唔同曬，但係綠魔爆發前個排你又好似變返以前咁』

『老細你講野好空泛喎…』

『是但啦妖！』







此時樂兒醒來，看見我望著她，開心得跳起攬實我，飛宏留下小麻袋靜靜離開，不打擾我們。

『樂兒』我輕拍樂兒的頭説。

『做咩？』她緊抱我説。

『一陣同埋琪琪一齊…食餐飯，就我地三個人』