《亡命者》「選擇」「領袖」: 第五十七章 Candy篇(前)

(Candy 視覺)

時間線：鄭家榮昏迷時



看著鄭家榮滿身傷痕睡在病床上，樂兒在旁邊捉著他的手，擔心的眼神那怕我們只是看著背影也深深感受得到。


我的拳頭不自覺緊握。






點解！點解你總係為左我地一個人衝去最前邊！


為左我地的安全一次又一次受傷！


做完一次又一次的任務，都總是笑著回來，完全不提及任務的事！






我們一路也只是看著你的背影，被你保護著！


點解…點解你總係一個人


你知唔知你咁樣…好自私






我也是NCO！我也要成為領袖！！


此時，一名身穿警服的人走來，我印象中他的名字叫朱達明。


朱達明拿著鮮花，放到床邊的花樽裏，靠牆説。

『佢重未醒？』

樂兒點頭説：『係，已經第二日，都無醒的跡象』

朱達明聽見樂兒的話，笑著道：『呢個男人絕對唔會死係到，佢嘅能力同意志力都異於常人』

樂兒一直握緊家榮的手説：『我知，我男朋友係最勁』





朱達明認同地閉眼一笑，隨後對我們説：『宜家有任務比你地，係鄭家榮做完的任務』

肥巫説：『咩任務？』

『好簡單，係羅湖入境處內清理生還的綠魔，飛宏報告條橋可能炸毀，我要你地去確認，完成任務我會升級你地』

兔仔問：『有幾多人去？』

『夏小龍，王凡，周子誠，張百城會和你地幾個一齊任務』

我看看在場的人，肥巫，兔仔，榮sir，詩詩和馬嬲。

樂兒和Madam Poon應該留在這裏陪著鄭家榮。





我走出一步説：『幾時可以開始？』


朱達明笑著説：『隨時』

。
。
。
。

(Candy 視覺)

此刻在入境處內，十人持武器戒備前進，地上充滿了戰鬥後的血腥味和屍體，還在火車站內看見爆炸後的痕迹。

此刻這個地方充滿矛盾之極，堆積如山的屍體突顯出人類戰勝綠魔的那份希望和勇氣，但同時人類到最後損失最多的也是人類。






我們看著滿地的死屍和聞著屍臭味，我們四個女生最後撐不住不禁嘔吐。


好辛苦！


『呃…唔！ 呃…』四人的嘔吐聲不斷。


我嘔吐時還看見周圍的屍體頸上都有割痕，明顯是用刀和劍造成。

榮Sir扶著我説：『有無事？』





我嘔吐著搖頭，心想為何他們可以忍耐這些味道。

張百城好像看穿我的想法，道：『因為鄭家榮講過：有啲事我地唔去做，就無人會去做』

兔仔忍耐嘔吐説：『呢啲綠魔邊個殺死？』

夏小龍笑著説：『重洗問，緊係個三兄弟啦』

周子誠説：『份口供話佢地好似每人殺左百幾隻綠魔，宜家係軍營入面成為軍中偶像』


我此刻才知道，原來他們一直默默為了我們忍受著這些惡臭和面對這些怪物，而我們卻一直發大小姐脾氣增加他們的負擔。

肥巫説：『有嘢講嘅返到去先講，宜家專心任務』


我用手槍托眼鏡説：『緊係啦，返到去要請佢哋食飯添』