《亡命者》「選擇」「領袖」: 外傳：彊屍真菌
時間線：狐狸接見神後
接見『神』後的狐狸回到自己的宮殿，不同以往的是這次狐狸按下座位上的機關。
『咚咚咚咚咚咚咚咚咚咚！』一道地門在座位後出現
狐狸和少女雙雙進入地門，走進宮殿下的基地。
下方的基地有著不為人知的祕密，這裏有著大量的研究人員，基地中的科技比現世領先至少數年。
基地中的人看見二人無一不低頭鞠躬，二人沒有反應，直接走到其中一個實驗室內。
實驗室內，豎立了一支又一支的玻璃試管。
其中有三十五支玻璃試管中，除了充滿著奇異的藍水，管子內也盛載著一個個體型怪異的懷死胚胎。
這些懷死胚胎，正是超級士兵計劃中的失敗品，一共三十五名。
近二十年前的36號超級士兵終於被譚少風博士研究成功，但他竟然帶著實驗品逃離組織。
狐狸觸摸37號玻璃試管的表面。
少女問：「狐狸之子就係由呢到出世？」
狐狸點頭：「無錯，狐狸之子就係我改造出嚟擁有最強基因的超級士兵」
狐狸回頭看著少女：「而你…就係我改造出嚟，擁有獨一無二戰鬥力的女兒：黑狐狸」
黑狐狸點頭：「當初你點樣改造我地？」
狐狸解釋：「人類的基因大約有30億DNA鹼基對，儲存人類發育，生存和繁衍所需要的資料，而我就係你地胚胎期時改變你地既胚胎基因」
「我地以cas37新基因編輯技術永遠改造你地既基因，而係基因組源頭我地亦大量加入可以增加免疫力同埋身體機能的化學藥物，經過無數實驗，只有你同埋狐狸之子成功存活」
「不過實驗一成功，狐狸之子既數據已經儲藏」
黑狐狸聽後便道：「所以宜家可以量產狐狸之子」
狐狸嘴角上揚：「無錯，我已經密謀左幾個『十二星座』準備行動，只要我地偉大既『神』捉左狐狸之子返嚟，『殺神計劃』就可以開始」
狐狸説後看著其餘的玻璃試管，黑狐狸也一同看著試管中的…『狐狸之子』
至少數百個…狐狸之子
狐狸説：「我係上面既實驗室都有三十個『狐狸之子』複製人，個批我會比『神』使用，而呢批複製人就會為狐狸之子所用，方便我個乖仔執行未來的計劃」
黑狐狸問：「未來的計劃？」
狐狸把食指放在唇邊：「天機不可洩漏，呢個係『處女座』比我既提示」
黑狐狸正想再問時，狐狸拍手：「好喇，再問都無時間比你問，跟我嚟」
狐狸説後離開實驗室，黑狐狸馬上從後跟上。
二人來到一個更深入的地下室，狐狸為首進入。
地下室內，有一個浴缸正在盛裝著大量發出綠螢光的『帝皇血』，而浴缺旁邊還放著一小瓶『帝皇血』。
但狐狸沒有在意，他只是看著浴缸旁兩個牢房，牢房內各自有一人。
其中一人的牢房是以高科技能量牆壁包圍，沒有『帝皇血』的情況下沒有力量打破，似乎牢房內的人實力只是僅次於『帝皇血』使用者。
而狐狸只是和另一個牢房中背著自己的人談話。
「二十年無見，對我咁冷淡呀？…譚少風」
背向狐狸的譚少風轉身，他的臉有一半也失去皮膚，現在的他絕對可以稱為一個『半臉人』
譚少風仇視狐狸：「多得你個仔」
接著譚少風眼球一轉，仇視狐狸身後的黑狐狸：「同埋你個女『照顧』，唔係個一夜你個女搶左張河支『帝皇血』，我一早就可以量產『帝皇血』使用者」
狐狸張手無奈：「如果當初你唔背叛組織，我都唔洗派個女過嚟搶返支含有彊屍真菌『帝皇血』」
譚少風憤怒地雙手捉著鐵柱：「原來就係你放左彊屍真菌入『帝皇血』！」
狐狸非常無奈：「你都知道我只是研究複製技術，基因改造同埋武器，彊屍真菌呢種病毒又點會係出自我手」
譚少風依舊仇視狐狸：「咁姐係你知道邊個係兇手？」
狐狸負手：「我唔會比答案你，就算宜家我放你出嚟，唔洗三分鐘你已經被幾十個士兵包圍」
譚少風不放棄：「咁你有咩高見？」
狐狸微笑：「就同你做一場交易，只要你幫狐狸之子坐上『神』寶座，我會話你知邊個係兇手」
譚少風怨恨地說：「成交」
狐狸彷彿奸計得逞：「好，咁第一步就講下你係『帝皇血』身上研究到既資料」
譚少風不情願開口：「『帝皇血』入面會係人體體内突變出新能力，如果張河可以擺脫彊屍真菌控制，佢就可以自己控制綠魔，帝皇猩就只係身體能力提升，未發現新能力」
「而洪迪植入左係帝皇猩身上探集返嚟既『帝皇血』，某程度上洪迪有機會可以變身成為一隻猩猩，而且可以控制我整出嚟既海軍，因為佢地既『帝皇血』係一樣」
「而你個仔：榮凱，佢…」
狐狸微笑著：「未發現任何突變能力？」
譚少風錯愕一下：「點解你會知道？」
「係編寫狐狸之子DNA個陣，除左『超級士兵』呢種基本改造，我加多左幾對空白『染色體』」
譚少風非常驚訝：「空白『染色體』，咁姐係話…」
狐狸點頭：「狐狸之子可以吸收其他『帝皇血』能力而不受血液排擠」
譚少風陷入沉思：「難怪佢可以完美植入『帝皇血』」
狐狸不意外：「我個乖仔一定會發現到自己既新能力，只係呢種能力佢需要大量時間掌握，但係佢一完美掌握自己既新能力，唔好話『帝皇血』使用者…連『神』狐狸之子都可以解決」
譚少風皺眉：「睇你個樣肯定已經知道佢會開發咩能力」
狐狸神祕説：「狐狸之子會開發：『血修羅』形態」
譚少風沉思後説：「好，就睇下你個仔可唔可以成為『弑神者』」
狐狸微笑：「好，宜家籌備計劃要用既所有嘢，只要狐狸之子歸來…『殺神計劃』就可以正式開始」