迷失於這個石屎森林裡: 第三章︰香港．黑幫．蛇貓鬥 Part 3
5
大佬連與Joe於凌晨慢慢步向該來電者所指示的停車場，兩人鐵青著臉，走進了停車場後，Joe終於開口，想緩和緊張氣氛。
「大佬連，有無聽過江湖傳聞的女殺手…」
「無乜印象…」
「大佬連，聽講佢每次殺人，都會著好靚嘅衫，唔知係癮定係佢嘅style，另外有人話佢身上有好重嘅香水味，用嚟冚住佢身上的血腥味…」
「有無咁誇呀，阿Joe，我唔信…」兩人望到了黑色房車，突然Joe四腳朝天倒下，大佬連轉頭一看，一臉驚愕。只見Joe額頭多了一個彈孔，他已魂歸天國。
「我收到阿頭話，淨係你自己一個人嚟…」大佬連一轉身，額頭已被槍口壓住，於他眼前是帶著墨鏡、口罩及一身西裝男子。
「同我行，唔係我一槍送你去見佢…」大佬連別無選擇，只得聽從西裝男指示走向黑色房車，房車掛上了黑色簾布，大佬連拉開房車車門，坐上司機位後方座位，西裝男同時上車，左手關上車門。
「碰！」西裝男握著曲尺手槍的右手揮向大佬連。
「為甚麼…為甚麼你們拋棄了我？我從來沒有想過與你們分開…
為何，為何你們不去嘗試找我…我對於你們而言不重要嗎…答我…
爸爸，你不要走…媽媽妳放開我…
為何我要淪落至成為妓女…為甚麼…」阿蓮正於紅色走廊追著大佬連與他父親，右手拿著左輪手槍。
「砰砰…」大佬連父親閃避不及，頭部中槍倒在地上。大佬連亦不能倖免，右腳中槍，面朝地面倒下。大佬連轉身，望著雙手握著手槍的阿蓮…
「你…你…不可原諒…」阿蓮雙手震著，情緒快將崩潰。
「我…我」大佬連想向阿蓮解釋，但已遲了，她向著大佬連開了數槍…
「呀…」大佬連眼前一亮，身體感到自己被綁著坐於木椅上，他望著前方，放著四方桌，而坐於他對面的是一身電影Scream殺手衣著，戴著面具的人。
「Welcome…」大佬連認得那把陰陽怪氣的聲線，是那名來電者。
「連生…我收到風，你大佬喪飛死咗…我諗你之前諗住搵佢保你同嗰位死咗嘅…叫乜嘢名呢…呀！阿Joe…聽講你大佬喪飛心臟病發死嘅，又點會喺李小姐落哂追殺令殺你嘅時候死呢…真係死得好…好唔啱Timing呀，哈哈…」大佬連面色一沉，但望著後方拿著槍指著他的西裝男，不敢妄動。
「好似你大佬喪飛得力助手…阿蔣，即刻話佢係新話事人，話唔會保連生你…同埋你啲馬，咁快劃清界線…」面具男瘋狂大笑。
「又話幫手做三件事，點幫…」大佬連開始不耐煩了。
「真係心急呀，咁想救你個妹呀，喺連生後面嗰位呀，呢啲叫真情…唔係，親情呀！定係諗住贖罪呀，咁耐都無搵過佢，折墮到要做雞，唉…好慘…眼濕濕添…」
「點幫呀！」
「好啦，連生，唔再玩你啦！我同你講第一件事要做乜，後面嗰位會俾包嘢你，而你要交俾一個人…」
「去邊度交…」大佬連未問完，頭部感到一痛，被人擊暈。
6
大佬連醒來，發現自己身處房車裡，衣服已被人換上了西裝，右耳被人戴上了藍芽耳機。他望著坐於他旁邊的西裝男，西裝男從褲袋拿出了一袋白色粉末，遞向大佬連。
「攞去…唔明呀，俾人呀…」大佬連聽到後右手拿去那袋白色粉末，放回自己褲袋。
「毒品嚟架…叫我做運毒咁無聊嘅嘢…」大佬連抱怨著。
「咁多嘢講做乜，叫你做就做啦，唔好唔記得…」
「我做…」大佬連悻悻然的望著西裝男，西裝男左手拉開車門，示意對方下車。大佬連走出黑色房車，發現自己前方是新墟街市。
「行…一直行…」大佬連從藍芽耳機聽到另一名用了變聲器的神秘人，大佬連於街市處，低著頭一直走向前方。
「連生…見唔見到行緊你面前有個人，著住綠色長袖格仔衫嗰位呀…」大佬連聽到後抬起頭望見於他前方有名身穿綠色長袖格子恤衫的人，樣子令他難以辨認他是男還是女。
「衝埋佢撞佢，將你褲袋袋嘢塞入佢褲袋…」大佬連聽到後照辦，飛快地衝向那位人仕，「碰」的一聲，那人叫出聲來，引致大佬連身後一名軍裝警員注意。
「對唔住…」大佬連對住那人道歉，心想剛才叫聲，那人是否女性。大佬連快步走向街道盡頭，走著走著望著身後警員示意他人拿出身分證。
「唔好理嗰個人啦，快啲行去南洋商業銀行前面，有架黑色房車會接你走…」大佬連聽到後不再理會那名警察與綠衫人。他走到銀行門口前，望到了黑色房車，車門突然打開。
「上車…」那名戴著口罩的西裝男示意大佬連上車，他走上車後西裝男關上車門。西裝男手中拿著黑色布條，大佬連望著他，神色凝重。
「唔好郁…」西裝男雙手用黑色布條蒙上大佬連雙眼。
「特別新聞報道，警方今日於新墟街市發現一名女青年身上藏有一袋海洛英，懷疑販毒將佢拘捕，疑犯名字馬詩美，係立法會議員馬偉力女兒…」
大佬連睜開眼，發現自己身處一間灰色房間，燈光昏暗，他坐在木椅，身旁有兩名戴上墨鏡及口罩的西裝男用槍指著他。他右方坐著一名女性，黑色長髮，身穿粉紅色無領長袖衫，藍色牛仔褲及粉紅色涼鞋，一臉興奮。
「啲衫同對鞋咁姣嘅…」大佬連心裡評價著那女子衣著，她望著前方的70吋電視機，大佬連不明所以，也望著電視機。忽然，電視機開著了，屏幕顯示著一名身穿Scream衣著的人站立著，看似是之前與大佬連會面的面具男。
「大家好，我係阿Paul。歡迎大家收睇一人一個故事環節…」大佬連望著電視機，疑惑著他究竟葫蘆裡賣什麼藥。畫面突然轉了，變成一名男子於床上壓著一名短髮女性上下摩擦，兩人赤裸著。該男子樣子看似毫無快感，狀甚痛苦，而那名女性目無表睛。
「等我介紹吓個男仔係邊位…」面具男那令大佬連毛骨悚然的聲線響起。
「佢叫阿金，原本同一位女仔…叫小君拍拖嘅…拍得好地地，突然有個女仔出現咗佢哋面前…就係嗰位短頭髮嘅女仔，成個TB咁嘅…索性叫佢TB啦！」大佬連望著他右方的女性，她樣子看似開始高潮般。
「阿金條友居然變咗心，愛上咗TB喎…小君好嬲，跳哂制咁，咪叫佢老豆幫手囉…佢老豆呢，原來係江湖大佬嚟嘅。佢叫人捉哂阿金同埋佢屋企人，順便捉埋嗰位TB，做咩呢？原來叫阿金強姦阿TB，唔係殺咗佢同埋佢屋企人，大檸樂啦！佢阿金好愛TB嘅，唔想姦佢，但係屋企人被人哋威脅喎，無計啦，親情緊要啲，唯有霸王硬上弓！」畫面裡，那名女性雙眼流著眼淚，看得大佬連心驚膽跳，然而旁邊那名女子狂笑著，大佬連被她舉動嚇呆了。
「哈…想飛起我，無咁易！我要懲罰你哋兩位狗男女！」那女子瞪著眼望著電視機，大佬連心想著此女子想必是面具男口中的小君。
「順帶一提，呢條之後會upload上youtube嘅，有正嘢梗係派俾街坊慢慢睇啦！好啦，依家我收聲，你哋慢慢睇啦…」面具男看似收口了，聲音變成了阿金二人的呻吟聲。
「咁撚毒嘅，咁樣報仇法，真係天下最毒婦人心…」大佬連暗暗嘆了氣，繼續望著小君，而她轉頭望著大佬連，露出詭異的笑容。
「嘭！」大佬連又被人擊暈了。