香港八九六四: Chapter 5 Part 6

1
數星期後，情況沒有如阿澤所想般，全校大部分男生只談論「新女神」Angel，而Nanoha就如陳偉霆沒有人記得她，Nanoha的女神地位被Angel取代了。
 
「阿James，今日係咪測驗呀？」Tom摸著他的頭髮，似乎相當緊張。
 
「係呀，你無溫書呀？」
 
「屌！尋日掛著同人唱K，搞到我唔記得咗呢件事！」Tom拍枱，看來相當憤怒。
 
「話時話，James，今日考乜？」




 
「數學囉。你仲唔溫？」James把他的數學書借給Tom，Tom連數學書也忘記了帶。
 
「個個圍著Angel做乜？」James看見一眾學生在課室圍著Angel，似乎因今天數學測驗而請教功課成績好的Angel。
 
「我想問呢個題目點做？」
 
「呢條公式點解？」大部分學生向Angel問關於數學的問題，坐在Angel旁邊的Nanoha數學成績同樣標青，但沒有人問她，Nanoha尤如不存在般，她滿不是味兒。她突然拍枱，並跳起來，向著一眾學生大叫。
 
「你哋個個無溫書呀，唔好煩住人哋自己溫！」眾學生聽到此話，沒趣地走回自己座位。




 
「Nanoha，妳做咩嘢？」Angel似乎對Nanoha的舉動感到不悅。
 
「無嘢。」Nanoha坐回自己座位上。
 
「佢係咪M到？」Tom笑著問James。
 
「佢可能因為人哋問Angel而唔問佢就嬲。」Tom與James相視而笑。
 
2




「唔識做…」阿澤呆望著數學試卷，一臉茫然。
 
「嗰時無人問Nanoha數學，應該係好機會問佢。可惜我怕醜…」阿澤越想越情緒低落，忘記了要做試卷。
「專心D！」陳老師拍了正在遊魂的阿澤的頭一下，阿澤立刻將視線移回試卷，並開始勉強地做。
 
「大撚鑊！無溫書真係唔知條題目講乜！」Tom雙手抱著頭，看似相當苦惱。「早知響屋企溫書，唔去唱K！」Tom開始為昨天去屯門Neway唱卡啦OK感到後悔。
 
「頭先因為Angel單嘢發老脾，搞到我唔記得咗呢條數點做！」Nanoha不斷轉著筆，感到不耐煩。自從Angel到來，她開始因女神地位被Angel取代而心煩氣燥。
 
「已經做完啦，唔知其他同學點呢？」Angel放下她的原子筆，胸有成竹。
 
3
測驗過後的小息，Tom在學校五樓的男廁抽煙，他坐在地上，樣子相當頹廢。
 
「測驗卷有超過一半題目唔識，實唔合格啦屌！」Tom一邊抽煙，一邊喃喃道。白煙填滿了整個男廁。




 
「嘩，男廁著火呀？」有人走進男廁。Tom沒有理會該男學生，繼續抽煙。突然，該男學生拿出手提電話拍下Tom抽煙的照片。
 
「仆街，你影乜嘢？」Tom拋下煙頭，並指著該男生。他細看之下，發現該男生正是當日被Tom毆打的眼鏡男學生。
 
「撚樣你之前打我，我要話給老師知，等你條仆街被人記小過！」眼鏡男學生說後便奪門而逃。
 
「唔准走！」Tom立刻用盡全力追著該男生，以防Tom他自己因被老師知道他抽煙而被記小過。
 
Tom從五樓跑下數層，咬著該男生不放，樓梯擺放著譚芬中學陳姓校友破格被科技大學取錄的報章。
 
「再走就打死你！」Tom追著該男生追到地下操場走廊，此時，Angel於走廊與女同學談話，而她於Tom和該男生面前。
 
眼鏡男生穿過Angel身邊，但Tom不知是否怒氣沖沖沒有留意Angel和數個女同學在他前面。一不小心，他撞到Angel，與Angel倒在地上，Tom右手摸到Angel豐滿的胸部。
「Tom，起身呀！你責住我，我好辛苦！」Angel面色灰白，看似很辛苦。




 
「哦！你非禮女同學！」眼鏡男生借此機會，向Tom發難。一眾同學又用手指指著Tom，Tom不知所措。此刻，Tom想拿刀把周圍學生斬死，逃出學校。
 
4
「屌，因為Angel同條仆街屈我非禮，同埋條友話我食煙，搞到我無得返學一個禮拜！仆街，仲俾老師記大過！」Tom於他家裡房間用電話，向James吐苦水。
 
「條女咁仆街，屈你非禮？」James對此件事反應強烈。
 
「枉班同學叫佢女神，原來佢咁攻心計！」Tom越說越激動，彷彿想把Angel用棍打死。
 
「Tom，喺你被你阿媽接走之後，Nanoha喺課室撞跌Angel的水樽，之後鬧佢講佢是非喎！」
 
「吓，Nanoha都發老脾？」
 
「我聽人講，話Angel講Nanoha勾引我哋師兄阿城！」




 
「嘩，我以為同學知道佢哋拍拖架！」
 
「其實全校除咗我哋班幾個知，唔係好多人知佢哋拍拖。」
 
「之後點呀？」
 
「Angel又話佢燥底，恰佢喎！」James嘆氣，夜幕低垂。
 
「仲有咩我無返學嗰時我唔知架？」
 
「我見到條毒男阿澤偷偷咁將寫住八婆的字條塞響Angel的locker度，唔知佢想點。」
 
「你有無話俾人知？」
 




「無呀，不過Angel見到，又話Nanoha塞將字條落佢locker度。」
 
「條女嚟咗之後，搞到我哋班人越嚟越煩呀，屌！」Tom低下頭，噘著嘴。
 
5
「都係我，搞到女神被人話。」阿澤在回家路上，低著頭想道。今天，他偷偷把寫上八婆的字條塞進Angel的貯物櫃。阿澤以為這樣可以幫助他的女神Nanoha，實際上他的字條不但沒有效用，反而令Nanoha的名聲低落，被批評為欺負新同學，簡直越幫越忙。
 
「死啦，搞到咁，如果我同Nanoha講，話放字條單嘢我做嘅，佢會唔會憎死我？」阿澤想著想著，不經不覺走到他家門前。
 
6
在晚上，Nanoha和她男友阿城坐在屯門市鎮公園裡的長椅，Nanoha依偎著阿城肩膀，樣子相當陶醉。
 
「我阿爸同我阿媽今日離咗婚。」Nanoha冷冷地道。
 
「吓？」阿城呆了，不知如何回應。
 
「你記唔記我講過，話我好憎我阿媽？」
 
「究竟咩嘢事？」
 
「我阿媽好衰，我細個嗰陣時佢成日打我，問佢功課點做嗰時，阿媽就掛著打麻雀。有一次佢打麻雀輸咗好多，佢發脾氣將我鎖響衣櫃，話累到佢輸錢所以唔要我。我好驚，拍著門要佢放我出來，佢寧願瞓覺都唔理我。」
 
「吓，妳阿媽咁衰嘅！」阿城差點跳起。
 
「嗰次最後阿爸放工返嚟，阿爸威脅要離婚阿媽先肯放我出嚟。依家佢終於都走咗喇，唔再返嚟。」Nanoha眼泛淚光，她向阿城說其秘密付出很大勇氣。
 
「你會唔會將來對我好似我阿媽咁衰？」Nanoha雙眼望著阿城。
 
「唔會。」