「開學,真系一個令人又愛又恨既日子」講野果個人系我,王家樂。

大家好我叫王家樂,今年中三,因為我嘅成績幾好,所以系學校都幾出名。

「米講咁多野,快啲刷牙洗面換衫番學。我同你老豆走先,你快啲出門口,小心遲到。」  

講野果個系我阿媽,佢同老豆系同一間公司做野,所以佢地日日都一齊番工。

「得啦,你走啦,一定唔會遲。」



我未講完佢就已經出左門口,好快我就搞掂好曬,出埋門口。

由於屋企好近學校,所以唔洗半個鐘我就到左學校,一番到學校我就到有人系我後面叫我。

「喂!大佬樂早晨。」
 
講野果個系我個死黨,李進杰。佢隔離仲企左個女仔。望真啲,好似有啲熟口面。

啊!我記得喇!佢系隔離班女神,王小雪。



不過點解佢會同阿杰一齊番學,我一手扯走阿杰,阿雪見到之後就急急腳咁走左。

「喂!阿杰,點解你會同佢一齊番學?你溝左佢?」

「系啊!阿雪系我女朋友!至於我點溝佢,就遲啲先話你知。」

我帶住所有疑問同佢番課室,番到去我聽到有人叫我。我望一望原來系我另一個死黨,家明。

「家明早晨!」



「早晨啊大佬樂!因為你暑假前果單野,葉家進轉左校。」

「屌!你唔好再提佢。」我好嬲咁同佢講。

「大佬息怒,我收到風今年我地班有插班生。」

之後阿杰同家明一齊坐左系我前面,而我坐系佢地後面,隔離仲有一個空位。

「喂大佬樂,冇人敢同你坐喎。」佢笑住咁同我講。

「你米戇鳩啦米有個插班生同我坐囉,話唔定系靚女嚟。」

「喂!大佬,你有女朋友架喎。」佢地異口同聲咁講。

就系呢個時候,鐘聲響起了,我亦都好期待插班生到底系咩樣。
已有 0 人追稿