[真人真事][校園][純愛]《最陌生的人，就是曾經最熟悉的人》: 第六章

miss:「好喇今日都夠鐘,
後日再見,拜拜 」
大家都知我係小毒勁,
平時放左學就梗係第一時間快過小明咁走
咁今次補完習,
當然係慣例拿拿臨返屋企
就喺我執完書包,
準備行出補習社之際,
突然間聽到呀琳叫我
呀琳:「咁急去邊丫 」




我:「返屋企呀.」
呀琳:「有野做 」
我:「冇呀.」
呀琳:「哈哈,
冇野做又咁早返 」
佢又展露佢個殺死人嘅笑容
刨冰都可以俾佢整溶
我:「係咯,我都唔知 」
呀琳:「咁搞笑嘅,
自己都唔知 」




我:「慣左掛.」
呀琳:「既然冇野做不如去附近行下
呢個商場幾多野行 」
呀琳咁樣算唔算約我......
我梗係打死都話好,
我:「好!好呀 」
呀琳:「你好想同我行? 」
死火頭先太激動
會唔會當左我係狗公
我:「唔係唔係 」




呀琳:「哦,即係唔想同我行啦 」
我:「梗係唔係 」
呀琳:「即係想啦 」
我:「又唔係喎 」
呀琳:「你想點架
又係又唔係 」
我:「er……」
呀琳:「好啦唔玩你喇
我地行啦 」

咁行緊嗰陣我真係好緊張
大佬,
依家同女神行喎
仲要之前係完全冇諗過
我知你地又想鬧我使唔使咁淆呀




但你地應該企喺我個角度諗丫嘛
咁行行下,
呀琳同我講:「做乜唔講野嘅 」
我:「下,點解咁講嘅 」
呀琳:「平時見你好多野講架
有一次行樓梯跟你後面聽你講野好好笑呀 」
我:「死喇我完全唔記得左添 」
呀琳:「咁證明你平時好多野講所以唔記得啦 」
我:「拿講真啦,
其實我好少同靚女一齊行架 」
呀琳:「口花啦你
咁樣算唔算氹我?」
我:「真心呀 」
呀琳:「真係 」
我:「真,從來唔呃人 」




我好想加多句「尤其係你」落去
不過梗係唔夠吉士啦
事實上我都做唔到
講多左少少,
返返嚟先,
呀琳:「把咁口花有冇拖拍呀 」
我:「冇呀,
又唔靚仔又冇錢 」
呀琳:「真唔真呀,
有把口咪得囉 」
我:「真係冇呀,
唔呃你 」
呀琳:「信住你先啦 」
我:「咁......你有冇拍拖呀 」
我見佢問我,我先問返佢




一嚟咁樣好似自然啲,
二嚟又可以知道我想知嘅野
呀琳:「冇呀,
冇人追呀 」
yeah女神親口證實佢單身
我:「咪講笑啦你會冇人追 」
呀琳:「真係冇呀,
有都係以前嘅時候.」
我:「有冇受溝?」
呀琳:「冇,都唔啱feel嘅 」
都估到佢實有人追,
咁靚女又咁有氣質,
點會冇丫
我:「係喇話時話,
有一樣野我想問你好耐 」




呀琳:「做咩呀 」
我:「點解你會識我嘅
印象中我地未同過班.」
可能傾得多左,
狀大左個膽去問
事實上我又真係想知,
呀琳:「你識Candice嘛,
有幾次你同佢傾計就認得你
同埋......」
我:「同埋咩呀 」
呀琳:「唔話你知住,嘻嘻 」
竟然仲有第二個原因?
死喇我完全冇頭緒,
遲啲問下Candice先
呀琳:「唔講唔覺都行左好耐,
要返去喇
我行呢邊搭巴士 」
我:「原來你住咁遠要搭巴士架 」
呀琳:「其實好近架,
車程兩三個字,好快架咋 」
我:「咁好啦,拜拜 」
呀琳:「聽日見啦,拜拜 」
望住呀琳嘅背影,
作為毒勁嘅我,
又點會咁大膽送佢返屋企丫
不過希望總有一日可以啦