[真人真事][校園][純愛]《最陌生的人，就是曾經最熟悉的人》: 第二十七章

終於搭完車
呀琳:「我地去邊呀 」
我:「下
你約我乜唔係你諗咩 」
呀琳:「邊有女仔諗行程架 」
我:「死喇
真係唔講唔知添 」
呀琳:「睇你個樣.
即係你都冇諗啦 」
我:「哈哈係呀 」


估唔到我會出師不利
呀琳:「都唔知話你咩好
唉 」
我:「咁你想做乜 」
呀琳:「冇所謂呀 」
以我嗰陣嘅認知,
出到嚟,
嚟嚟去去都係睇戲,唱k,行街同食飯
好就咁做
先做睇戲或者唱k,


之後就行街同食飯,
弗晒
我:「我俾你揀
睇戲定唱k 」
呀琳:「睇戲啦
還掂好耐冇睇過 」
之後我地就去左百老匯
大家都知架啦,
除夕睇戲係好貴
不過算啦


除夕做乜都貴架啦
我:「你想睇咩片 」
呀琳:「我冇所謂呀
你話事啦 」
我:「我都冇所謂呀
反正都係望住你 」
呀琳:「你講咩話 」
我:「冇呀,
我話冇所謂 」
呀琳:「之後呢
你仲講左句架 」
我:「冇喎你咪聽錯呀 」
呀琳隻耳咁靈嘅
好彩唔係好大聲姐
呀琳:「算啦


唔講就算啦 」
我:「小姐咁你想睇咩片 」
呀琳:「不如睇恐怖片囉
難得有人陪我睇
平時自己一個唔敢睇呀 」
我:「就恐怖片囉 」
呀琳:「你唔驚咩 」
我:「少少啦 」
之後我去買飛
買埋呀琳嗰張
買完之後,
呀琳:「幾錢呀
俾返錢你丫 」
雖然真係有少少貴
但係為左請呀琳


呢啲錢算係乜
之後我求其作左個藉口話請佢
我:「唔使喇我俾啦
還掂今日我唔記得左諗行程 」
呀琳笑左一笑
之後講:「傻仔
一陣食飯唔使幫我俾喇 」
原來請呀琳去睇戲
係可以見到佢呢個笑容,
乜都抵返晒啦.

入到戲院,
大家都知戲院係好q凍
對我呢啲怕凍人士嚟講,
仲慘過叫我去殮房


但係呀琳坐我隔離,
如果我而家凍到係咁震,
咁咪好冇面
所以我要死忍住
呀琳真係犀利
面不改容,
完全唔覺得凍
之後我地就睇戲啦
巴打們唔使諗喇,
冇甜野發生呀
我地只係好專心咁睇戲
呀唔係,
係呀琳好專心咁睇戲先啱
我只係掛住望佢
特別係去到啲緊張情節,


佢隻手成日揸實我手臂
佢又係搞笑
又要驚又想睇
當有恐佈鏡頭嗰陣,
佢成個頭縮左落我個膊頭到
之後有一個情節,
係全程都好恐怖
咩情節我就唔記得左喇
點解會唔記得
因為喺嗰陣,
呀琳個頭縮左落我個膊頭到啦
佢隻手又揸實我手臂喎
但我頭先講左,
佢驚得嚟又想睇
所以佢周不時會岳高個頭
望住個螢幕,
你試諗下,
佢要方便佢自己
萬一無啦啦有一個驚險鏡頭出嚟嗰陣,
佢坐喺原位,
佢就實嚇死,
所以去到嗰個情節,
基本上佢係喺我個膊頭度睇
一驚就伏落我膊頭度,
唔係好驚嗰陣,
佢個頭就黐住我個膊頭咁望前面
但係嗰陣,
我塊面同佢塊面係好接近
所以我係好緊張
成塊面紅晒
自己聽到自己嘅心跳跳得好快
霎時間完全唔凍
反而好熱
呢個就係我唔記得左個情節個原因喇
咁緊張,
乜都唔記得晒

睇完之後,
呀琳:「啱啱真係好驚呀 」
我:「係呀真係好恐佈 」
呀琳:「但又好刺激喎
恐怖片一定要搵個人陪著睇
你驚唔驚呀 」
唔通我答佢我掛住望你冇睇咩
咁樣實死啦,
所以焗住答驚
我:「驚呀.」
呀琳:「唔怪得啦
見你面都紅埋
係咪驚到好熱呀 」
梗係唔係啦
你咁樣縮落嚟係我個膊頭度,
好難唔緊張到熱架喎
但我照答:「係.」
呀琳:「戲就睇完喇,
不如行陣先 」
我:「好呀 」