呢晚過後, 我同惠宜之間就好似多左一層隔膜咁, 而家好多時晚飯過後, 惠宜就會粒聲唔出咁就番返入房內, 而且佢亦無再同我留響廳中度傾計同睇碟, 而惠姍就以為佢個妹緊係為左出便啲男仔而煩惱, 但我就估佢係嬲左我果晚同佢響公園度發生左關係, 所以而家我都唔知應該要點收科至好?
 
如是者過左一個星期之後, 呢個星期係惠姍每年一度嘅係公司大假, 惠姍已經一早就約左佢啲朋友會一齊過去馬來西亞度玩五日, 臨出發嘅前一晚, 我地三個響屋企度食飯嘅時候, 惠姍仲講笑咁話呢幾日就要委屈我同惠宜兩個留響屋企度睇住個門口, 而佢仲叫我地千祈唔好再打交同嗌交, 惠宜聽到之後依然係無咩表情, 而我就苦笑住咁叫老婆記住玩得開心啲。
 
第二日, 老婆終於都飛走左, 但惠宜一早就同我講話佢會唔番黎屋企度食飯, 唉, 我估佢真係為左要避開同我單獨留響屋企之內, 如果者, 一日, 兩日惠宜都係一早出門口後至到好夜先至番黎屋企度沖涼同瞓覺, 而佢亦真係同我一句說話都無再講過, 直到第三日之後。
 
呢一晚, 飯後, 我一個人坐響廳度,  正呆望住電視播住我剛新買嘅科幻大片, 但我個腦就正在雲游緊太空, 完全都唔知電視上究竟播放住啲咩野, 我個心係咁諗住惠宜, 我諗緊果晚我地響公園度所發生過嘅事, 我諗緊我地而家變得好疏離, 我諗緊其實佢個心而家到底係諗緊啲咩野咁。

諗到好耐, 我起身去行去雪柜諗住攞支啤酒出黎飲, 雪柜門一開, 哦, 無哂添, 無計嘞, 咁唯有著番對鞋落街去些粉度入番啲貨先, 買左啤酒之後, 我正向住屋企大廈方向行去嘅時候, 咦,  對面馬路果個咪好似係惠宜黎嘅, 我望多一陣, 見佢正緩步咁一路向住前面方向咁行去, 似係一路行一路諗緊野咁。
 


我揸住袋啤酒跑過對面馬路之後, 跟住再好快就走到惠宜嘅面前, 「惠宜….」 惠宜呆呆咁望住我, 我見佢雙眼好似已經開始紅哂, 似乎好快佢就要喊住出黎咁, 「姐夫……」 我同惠宜上番樓之後, 我正將啲啤酒放入雪柜嘅時候, 但惠宜就已經番左入房內刪埋度門, 我開左支啤酒之後, 飲左一陣, 跟住我發覺我係唔可以同惠宜再咁樣繼續落去, 終於, 我都係忍唔住咁就去拍住惠宜度房門, 「惠宜…..」
 
隔左一陣, 惠宜終於都打開房門, 「惠宜, 我地不如坐低好好咁傾下, 我唔想我地一路都要咁樣繼續面左左落去!」 同惠宜坐低左之後, 我就同惠宜講, 「惠宜…., 我知果晚係我一時衝動左, 唉, 好對唔住, 姐夫知道咁樣做真係唔啱, 惠宜妳講, 妳想姐夫點做妳先唔再咁樣落去….」
 
惠宜正耷低頭玩住手指, 我望住佢等左好耐, 惠宜終於都肯開口同我講, 「姐夫…, 我知我係會好荒謬, 果晚件事……, 我係想講……」 我等緊惠宜嘅繼續, 再等多一陣,  「姐夫…,我諗我係鍾意左你呀!」 一句極度震撼嘅說話, 我聽到後即時呆左響度, 唔係呀化, 我個姨仔居然話鍾意左佢姐夫亦即係我, 咪住, 咪住, 呢一刻居然又輪到我唔知點算至好。

「惠宜…妳係講真定……」  心意已表, 惠宜亦無需要再壓抑住心內嘅情緖, 見佢一個飛撲埋黎就將我攬住係咁喊過唔停, 「姐夫…嗚..…我真係鐘意左你呀, 嗚..…, 你比我響家姐背後做你嘅女人好唔好呀…嗚….」 
 
又再一句刺激住我心靈嘅說話, 點解? 點解結果會同我之前所諗嘅完全唔一樣咁嘅? 呢一刻, 我終於知道咩野係叫做人生交叉點嘞。