物業賣出左之後, 我攞番物業賣出之後屬於我一半嘅錢, 跟住我就響距離舊居好遠之處租左一個小單位黎居住, 我向公司遞左辭職信, 我連電話號碼亦都改埋, 我要將自己完全收埋, 我要完全唔比惠姍同佢身邊嘅人搵到, 我立誓以後響街再見到惠姍都會視佢如陌路人咁看待。

已經過左離婚後一段日子, 我亦要開始重新振作起黎, 我響工廠大廈租左一個小型單位,  我開始學習做一啲貿易上嘅小生意, 為左慳啲支出, 我索性搬埋去公司之內居住, 呢一晚收工過後, 我一個人到外邊一間露天嘅茶餐廳處食飯, 已經食左一半, 呢個時候, 響我檯前突然有一雙玉腿正企左響我面前, 我抬頭望下, 一個熟悉嘅人正望住我黎喊緊, 係惠宜。 

惠宜見到我一面落寞, 滿面鬚根嘅衰樣, 就已經控制唔住自己, 「嗚….姐夫…., 我搵左…你好耐嘞….嗚……, 你點解連一個電話都唔打比我呀? 你係咪連惠宜都嬲埋呀? 嗚….嗚…..」 我含住啖飯, 望住佢就連我都搞到眼濕濕埋一份, 「惠宜…, 我已經…唔再係你姐夫黎嘞,  妳…(索吓個鼻) 不如都係叫番我做呀偉會係好啲…..」 
 
我望左惠宜一陣, 跟住就再耷低頭繼續食埋我碟飯, 惠宜行過黎坐響我身邊, 正粒聲唔出咁靜靜響度等住我, 扒埋最後一粒飯後, 惠宜就開口同我講, 「姐夫,  我試過上你公司度搵你, 但你又已經辭左職無做, 我打電話比你又話停止服務, 姐夫, 你知唔知惠宜真係好擔心你架?」
 
惠宜邊講邊喊住, 但我都唔知應該再對佢講咩至好, 惠宜再同我講,  「姐夫, 你話比我知你近況係點吖?  我保証唔會將你啲事講番比家姐佢知道嘅!」 一隻柔軟嘅手正捉住我手臂係咁不斷地搖住, 唉, 我長嘆左一聲, 跟住就同惠起身一齊離開左茶餐廳之處。
 


惠宜跟我上左工廠大廈, 入到單位之後, 我就開始慢慢講番我離婚之後嘅近況比佢知, 惠宜正好留心咁聽住我講嘅每一句說話, 講完之後, 惠宜依然仲係粒聲唔出咁坐住響度, 隔左一陣, 惠宜終於都開口同我講。
 
「姐夫, 我知家姐係對你唔住, 我亦好明白而家你嘅心情, 但響呢段日子, 惠宜個心其實都係好難受架, 你知唔知呀? 我每日都諗緊點樣先至可以搵到你, 我而家每一晚都係呢件事而瞓唔著, 姐夫,
你話比我知, 到底惠宜有咩先可以幫倒你架? 嗚……!」
 
我拍住佢膊頭講, 「妳唔好咁啦, 都唔關妳嘅事, 成件事就只係妳家姐同果個賤人兩個先至會搞成咁, 不過….唉…., 我都估唔倒妳家姐居然會咁狠心, 算嘞, 反正我自己都曾經講過, 響我下半世同佢都唔會再有任何嘅轇轕架嘞!」
 
惠宜聽到咁仲咁喊得大聲啲, 「嗚….姐夫, 不如咁啦, 你比惠宜取代家姐嘅位置啦, 我以後就同你響埋一齊咁好唔好呀?」
 
唉, 呢個傻妹, 出便有咁多咁好條件嘅人追佢都唔要, 偏偏仲係要黏住以前嘅姐夫即係而家正兜踎緊嘅我,  我諗都唔諗就即時拒絕左佢, 唉, 講真, 以惠宜咁好條件, 根本就可以搵倒一個令佢衣食無憂嘅長期飯票, 但如果佢真係跟住我, 咁我咪盞累左佢, 而且全世界都知我曾經係佢姐夫, 如果佢真係同我響埋一齊, 出便啲人咪盞會講埋哂啲難聽說話。


 
惠宜比我拒絕之後, 正激動得攬住我黎係咁喊, 唉, 惠宜呀惠宜, 點解妳會係我嘅姨仔黎架?