簡介

主角老爸因為當兵而戰死,主角原本不想同軍事嘅野有關係,但因為一D問題,只可以入軍事學校「明明我只係個普通高中生...點解會遇上D咁嘅事...」主角居住嘅人工殖民地被攻擊,原本諗住去救人,點知又弄巧反拙咁比AG機甲包圍...正係度惆悵點逃跑嘅時候,一部灰色機甲,灰色的AG機甲係毫無先兆之下從天而降 “AGT00-重新啟動確定...” https://sfmfiction.weebly.com/ldquo26426240392610220195-26234330212642621160rdquo.html



3017年
人造衛星殖民地「天鷹座」
軍事學校-國鋒高中

「AG機甲...即係裝甲巨人,内設核子能源爐,所以謹記,處理呢個步骤時一定要。。。」
老師向同學授課,大部分同學都好專心,係度抄筆記,除左。。。

“皓平!你試下再訓覺!!!”
“呀…呀!係,我好專心咁係度上緊堂,嗯嗯”
皓平強行被睡夢中拖回現實


「真係吖。。。成績好都要上課架」老師嘅注意力又返到黑板上。
「成績好仲要讀咩姐...如果唔係老豆同之前學校嘅問題...我先唔會嚟呢度讀書...」皓平再次脱離現實世界 「讀軍事學校不一定要做軍人嘅...畢左業我就搵其他工作」

「邊個識答呢題吖?出嚟答下」如果話皓平上次是被拉回現實,咁今次係被AG炮炸返嚟,因為老師嘅視角突然轉到佢身上,黑板上嘅問題他唔識,因為返屋企預習嘅時間仲未到!

「咦?有人自己出嚟答喎」老師嘅視線仍然無轉移
到皓平身後傳嚟嘅凳聲,皓平身後嘅轉校生企起身,走到黑板前寫下近乎完美嘅答案,轉身走返自己個位

「哦!轉校生學霸!」
「唔止係學霸,仲係女神添!」


「太誇張啦啩?」
​ 「唔係呀,佢尋日先嚟,聽講佢今天已收到三封情信啦!」
「真定假呀??」
周圍響起唔同嘅討論
當轉校生--千夏轉身返座位時
皓平望左佢一眼「話佢女神都未免太誇張。。。」皓平心諗
但係。。。金色長髮,藍色眼睛,有禮貌。。。的確,學校根本就搵唔到!但係。。。
點解呢種人要嚟軍事學校?

「鐺~鐺,鐺,鐺!鐺~鐺鐺鐺」


中午12:30 食晏時間,學生嘅救星
「咁今天先到呢度」老師直綫踏出课室
「走啦」
「去邊食飯?」
「去hec啦!最新套餐買二送一呀!」
「走啦走啦」

班上嘅人都走哂,平時嚟講,班上只剩低皓平係度等人
但從昨天起,食晏時間開始有兩個人比較遲走
轉校生--千夏,她都係課室入面
「大概係因為佢啱啱轉過嚟冇朋友同佢吃飯?」皓平諗左一諗,轉身過去,千夏好似低著頭,用緊手機send信息喎?皓平唔知道點開口,但也無拎番轉頭
咁樣大概維持左十秒。。。

千夏唔知道係咪已經send好信息,定係知道有人望住自己,但係都注意到
​「你...你搵我?」皓平係個爽快的人


「嗯...要唔要一齊去食飯,附近有好多餐廳」
「呀…我自己有帶飯盒,所以…」
「咁下次先啦」
皓平轉身回去,课室出面傳出腳步聲,課室門口被拉開
「皓平,sorry呀,啱啱遲左落堂」
「杰克!等左好耐啦!」
「行啦,hec海陸堡套餐買二送一!我請客!」
「又係hec呀。。。算了」
皓平企起身行出課室
「下次咪帶飯盒啦,係學校好無聊架。」
皓平離開課室五秒之後,某個反應遲純嘅人先知道呢句係同佢講
千夏:「佢啱啱係咪同我講野?」

​十分鐘後。。。



人造衛星殖民地“天鷹座”
快餐店-hec
杰克拎住三人份嘅海陸堡套餐返到位上,作將一份比皓平,自己左右手各拎一個漢堡狼吞虎咽
「杰克除左有D貪吃,脂肪比例有D高外。。。都幾好相處嘅」正因為有杰克呢種貪吃嘅朋友,皓平先熟悉附近所有嘅餐廳
皓平食住自己個漢堡,又望住對面脂肪比例有D高嘅人拎住兩個漢堡狼吞虎咽「你咁樣唔會吃得太多咩?雖然你好似天天都係咁。。。」

杰克平均三天就回答呢個问题一次 「你...你講咩呢…唔」
總算將漢堡吞落去「軍訓所消耗嘅能量!只有咁樣先可以補番嚟!係啦,先唔講呢樣…」杰克突然轉話題
皓平:「咩呀?」
「你班上嚟左位轉校生喎」
「係呀」皓平仍然咬住漢堡」
「死契弟,有女神坐你後面,你就爽皮啦」
「喂,連你都係咁啊」
「我想你幫我做樣野」
「吓?」皓平放低手中嘅漢堡,望住杰克


杰克係袋入面拎出部相機「幫我偷拍幾張相吖」
皓平呆左兩秒:「咁係犯法架!你仲記得你係軍事學校架!」

杰克面不改容。。。一臉認真令皓平心寒

但呢種情况只係维持左三秒
“哈哈哈哈”
杰克敲一敲下部相機,原来只係相機形嘅盒
「嚇死我。。。」皓平放鬆落嚟
「嗱,比你嘅」杰克係盒入面拎出一堆相比皓平,皓平接過D相一睇
係一堆AG嘅相
「呢D係!」
「你之前唔係話要嘅咩?我有個朋友係軍隊做工程師,我就叫他幫手影囉」
皓平目不轉睛 「多謝哂!你幫左我好多!」
「話說。。。」


​「嗯?」皓平收起D相
「你唔係因為老豆戰死而討厭呢D野咩?”
杰克搶左皓平條頸鏈,係佢面前搖條鏈
呢樣係皓平老豆嘅遺物,頸鏈上半部分係用金屬打造,下半部分係透明嘅,睇起嚟似塑胶,皓平都唔知道呢樣係咩嚟,但因為係老豆嘅遺物,所以先一直直帶住。。。
「比番嚟啦」皓平拎番頸鏈,一邊解釋
「雖然老豆戰死,但我唔討厭老豆同AG」
「哦?」
「我自小係AG迷,果個軍人老爸係戰場上揸住部AG同敵人搏鬥,我真係佩服他」
「咁你之前又話不想踏入有關軍事嘅野?」
「因为。。。老爸就是咁樣戰死左,係戰場隨時都有生命危險。。。我唔想犯同一個錯。。。」

人造衛星殖民地「天鷹座」外邊

兩架AG運輸機分別係兩個地方停係度,從兩部中型飛行運輸機中,其中一部格納庫度門打開左,一隻AG量産型拎住火箭炮炸開左天鹰座嘅外殼,空氣從天鷹座泄露,幾隻AG逆氣流咁跳左落去…

人造衛星殖民地「天鷹座」
快餐店-hec

皓平吃左四分三個漢堡
他望一望隻手錶,仲有半粒鐘

​ 「boom...」

街上突然出現左幾隻AG,雖然唔知道意圖係D咩...
但又有邊個會揸AG闖入人造卫衛星?
街上嘅人都趕緊逃走!
造成街上一片混亂嘅,係AG手上嘅步槍
超越音速嘅子彈穿過金屬槍管,正係度到處破壞
皓平瞬間吞左個漢堡,拉住杰克直線跑出hec,跑向自己架灰色電單車
皓平係袋子入面搵出鎖匙

“boom...”

AG破壞左附近嘅店鋪
皓平嚇到跌左鎖匙,杰克立即接住锁匙交番比皓平
杰克:「快D!」
皓平:「我知道呀!上車」
皓平撻著電,杰克跳左上去 ,皓平不理路上嘅速度限制,控制架車全速前進
已有 0 人追稿