唉...諗住同三個friend去澳門叫雞，點知比班女友發現咗...: 60

是Yoyo的來電，我的心情頓時變得相當緊張。她主動與我聯絡，事必有因，不能不接。我沖沖地跟阿Ted和阿佳說了一聲失陪，便走到戶外接電話了。

我盡量遠離嘈吵的Club house，慢慢走到停車場的附近。我背身倚著一條黃色的欄杆，抬頭仰望著天空上的明月。原來今天是月圓之夜，難怪喚醒了我們的狼子野心。

我從褲袋內取出手機，以母指在螢幕上向橫一掃，最後再把聽筒湊近耳邊，道「喂...？」

Yoyo的語氣十分平靜，她道「Matthew...老老實實話比我知，你地而家係邊？」

我點起一根煙，輕輕吸了一口，方才道「無可奉告...」



Yoyo道「點解？」

我道「要我出賣朋友？無可能」

Yoyo的語氣開始變得強烈，她道「王浩銘，你應該好清楚我條底線喺邊度」

我沈默。

Yoyo又道「你平時去應酬，出去玩，逢場作興，我幾時有怪過你啊？我同自己講，你只要識得返屋企就得喇」



我道「我知道...」

Yoyo道「但而家唔係淨係我一個人嘅事啊，Cherry以為係阿佳帶壞你地，佢好內疚，喊住咁話要自殺啊！你地作為男人嘅，係咪好應該出嚟認咗佢啊？我怪嘅，就係你依樣野咋！」

我無言以對。