「我諗差唔多喇」Jayden道。 痛哭過後,心情經已平伏了不少。我拖著小蝶,慢慢走到Jayden的身前。 Jayden接著道「啲公安已經散哂,我地可以隨時出發」然後把目光轉向女技師們,又道「你地有無邊個可以幫我地解開更衣室入面個locker?我地啲銀包、電話同埋衫褲鞋襪都喺哂入面」 阿Ted的技師雪兒舉高手道「我可以,我知道後備鎖鑰放在那裡」 我們回到桑拿內的更衣室,換好衣服後,便走到樓下的馬路旁攔截的士。 Jayden看見四位女技師仍然沒有離開的意思,大感不解,因道「你地可以走喇,我地知道間差館點去」 小蝶聽見後卻依然抱著我的手臂不放。 我望著她道「你先走吧,我們之後可以再聯絡」 她合著嘴巴,搖著頭。 接著雪兒站了出來,道「我們不走,Ted哥哥為了幫助我們脫身而犧牲了自己。所以我們一定要陪著你們,直到把他救出來為止」 她們雖然是風塵女子,但在大難臨頭的時候,卻沒有各散東西,反而選擇與我共同作戰。此等氣概,問世上又有多少女子能及? Jayden望著四名女技師,默然了一會,方才嚴肅地道「有咩危險,我唔負責」 她們大力點頭表示明白。攔下的士,短短五分鐘的車程,便到了差館的門外。下車後,Jayden吩附我們在原地等一陣子,他率先過去跟在門外站崗的公安周旋一下。三分鐘左右,他回來了,然後對著我們道「拎哂你地手頭上嘅現金出嚟」 我困惑地道「你唔係律師嚟咩?應該有權利入差館見client」 Jayden道「唔好傻啦,大陸邊講法律嫁」 接著Jayden便把我們身上的所有現金都交給了在門外站崗的公安,說了一會,又走回來。 我問道「得唔得?」 Jayden點一點頭,道「得,不過只可以兩個人入去」 我急道「咁我同你入去啦」 Jayden想了一想,道「嗯,咁阿佳你同四條女喺度等住先」 阿佳點一點頭。然後我和Jayden走進差館,一個公安在前面引領著,把我們帶到一個類似口供室的地方。 房間的冷氣十分之冷。中間只有四張椅子和一張桌子。我和Jayden並肩而坐,完全不知道接下來將會發生甚麼事情,心裏剩下的,只有恐懼與不安。 Jayden道「放心啦,再難嘅難關我地都一樣可以跨得過」 我道「嗯」