最後我們成功逃脫。很快,便回到公安所的門外。我盯著手上那條黑色喱士內褲,上面那個小小的紅色蝴蝶結,讓我想起小蝶。眼淚從眼眶內滲出,我發覺,我有一點愛上了她。

不知道那是虛幻的假象還是真正的現實。可能是她的犧牲刺激了我的情緒,使我一時頭腦發熱。亦有可能是她的活潑天真,使我真的心動了。

不清楚。

只知道,不能就此掉棄了她。

我停下腳步,慢慢抬起頭,道「你地入去先,我要返走救班女仔」



他們轉身凝視著我。

阿佳歪著頭道「依個時候你仲講啲咁嘅嘢?」

我激動地道「嗰度係龍潭虎穴SM王國,啲女比人溶撚咗都唔知咩事啊!」

Jayden道「頭先咪講過囉,佢地係專業嫁,你仲擔心咁多做咩?」

我道「我唔似得你地咁冷血啊,眼白白睇住啲女比人捉去強姦都可以唔撚理,自己拍拍蘿友走咗去就算」



Jayden攤開雙手道「What!?你估我想?如果有得揀我唔想大家開開心心拖住手一齊走?但個問題係情況唔許可吖嘛!班古惑仔追到嚟,我諗咗一萬幾千個辦法,但都無一樣係行得通。為咗救阿Ted,我地無時間再同佢地拖啊!」

我大聲道「唔好話你一早諗住犧牲啲女!」

Jayden理直氣壯地道「係啊!我係專登引班女咁做,又如何啊?唔好唔記得,佢地雞嚟咋,預撚咗比人屌嫁!出得嚟做雞嘅,無一個係無辜」

我勃然大怒,用力抓著Jayden的肩膀道「唔準你咁講小蝶啊!!!」

Jayden緊緊凝視著我,輕笑了一聲,道「哈,你鍾意咗條骨妹呀?」



我心虛,躲避著他的眼神,道「痴撚線」

Jayden道「你唔撚洗呃我喇,我識左你十幾年,你趷起條尾巴我就知你諗緊乜啦。答我啊!係定唔係啊?」

我不忿地道 「係啊!咁又點撚樣啊!」

「屌!」他突然揮拳打在我的臉頰上。

我應聲倒地。

阿佳馬上抓著Jayden,大聲道「又郁手,癲撚咗呀!」

Jayden怒道「我今日就要打醒依個仆街」他用力擺脫束縛,衝了過來,抓著我的衣領道「你係咪第一日出嚟玩啊!?叫雞基本法第一條係咩啊?叫雞勿沈船啊!仲早撚過扑野要帶套啊!」

我輕笑道「你有資格話我咩?」



Jayden道「係,我係玩得癲,但我玩嗰陣心入面一直都有Jasmine啊,你頭先都見到啦!但你唔同喎,拎個出嚟同隻臭雞玩,跌撚死你啊!」

我道「鍾唔鍾意控制得到嫁咩?唔通多情又有錯?」

他又再一拳打在我的臉頰上,大聲道「你醒未啊!講埋啲咁嘅閪嘢!你對唔對得住Yoyo啊?」

一提起Yoyo,我的心馬上一沉。

Jayden接著道「Yoyo又幾愛你,我地全部人都見證到。可能你自己唔知道,當日我地幾個一齊去瑞士滑雪,你意外撞親個頭,腦震盪,昏迷咗三日三夜,Yoyo就不眠不休咁照顧你,嘢又唔食,晚晚以睙洗面。佢個失落樣,我同Jasmine 見到都覺得心痛啊!佢同我地講,寧願自己無咗條命都唔想你有事啊!你對唔對得住一個咁愛你嘅人啊!」

他罵醒了我。

我想起Yoyo一直以來為我做的一切。她對我的包容,她對我的諒解。我情緒低落時,她默默地在身邊陪伴著我。所有的錯敗,所有的難關,都是她與我一起渡過。這十年間回憶,九成都是她。這麼好的女人,到底要在那裡找啊?



Jayden道「醒未啊?情聖」

我點頭。

Jayden道「記住啊,女人可以唔介意你喺出面屌一千個女人,但就一定會介意你屌一個女人一千次」

人的心很小,若然再分一半,那就甚麼也不剩了。

我道「明喇,個心永遠擺喺屋企個嗰度吖嘛」

他把手遞向我,笑道「起身啦,衰鬼」

我以他的手臂借力,站起身來,道「衰鬼...」

化干戈為玉帛,二人擁抱在一起。



「喂,漏左我啊」

對不起,三人才對...