唉...諗住同三個friend去澳門叫雞，點知比班女友發現咗...: 93

Jayden說他希望繼續玩下去，換轉是平時，我必定會奉陪到底。但看看手錶，現在差不多零晨五點鐘了。因為剛才的阻滯，我們那兩小時的絕對時間差優勢都經已通通付諸流水。若然還要勉強去唱淫k，必定會被女友們捕個正著。要知道Jayden每次離開一個地點時都會留下一點提示給女友們，她們不是笨蛋，用兩個小時來尋找我們，絕對綽綽有餘。

阿佳道「收手啦Jayden，天都光喇」

阿Ted道「下次再玩過啦，我唔想斷正啊...」

Jayden搖一搖頭，仰望著天空嘆道「唉...唔通連個天都唔鍾意我？」

我們都感到有點失落。但就在這個絕望之時，Jayden的手機突然響起...




Jayden從褲袋內取出手機，看一看來電顯示，然後表情略帶一點驚訝地對著我道「係Yoyo喎，點解佢唔打比你嘅？」

我稍稍退後一點，道「你聽咗先，不過千祈唔好話我喺度」

Jayden向我點一點頭，然後接聽了電話，道「喂？」


「謝子朗，即刻同我叫過嚟王浩銘聽電話！」Yoyo的聲音很大，看來相當生氣。



Jayden把手機遠離耳朵一點，道「佢唔喺度啊，有咩就同我講啦」

Yoyo道「ok，唔敢聽吖嘛，咁你幫我同條淆底獸講，佢已經無哂credit喇！」

Jayden道「等等，我可唔可以問究竟發生咩事先？」

Yoyo怒道「你自己問佢啦！」

Jayden道「okok，稍安無躁」



Yoyo道「仲有！你幫我同佢講，如果唔想做一件事嘅話，直接say no就可以，唔好喺度轉彎抹角搞埋哂啲小動作仲要帶我地遊花園，知唔知咁樣好撚幼稚啊！！！」說著，她便噗一聲把電話了。

Wow，我諗佢今次真係好嬲，平時唔講粗口嘅佢今日居然破介講咗個撚字。唉，睇嚟今鋪真係有排氹喇...

Jayden向我問道「咩事啊，Yoyo做乜咁好火？」

然後我便把”把手機掉進垃圾車”的事情告訴他們。

Jayden馬上擁抱著我道「好兄弟！」

阿Ted興奮道「勁啊Matthew，果然係何文田關鍵先生！」

Jayden忽然想起了一些事情，把我從懷抱內鬆開，道「唔得唔得，唔可以開心得太早，等我打電話比night club個Zoel confirm下先」說著，便立即拿起聽筒。

掛線後，Jayden道「果然，Zoel話佢地啱啱先喺night club拎走咗張提示。即係我地仲有大概個半鐘優勢」



阿Ted道「咁我地仲去唔去唱淫K？」

Jayden大聲道「老虎蟹都去啊！」

我道「咁快啲行喇，時間無多」並準備出發，但阿佳卻依然站在原地動也不動。

Jayden不耐煩地道「點啊佳哥？你去唔去啊？」

阿佳有點猶豫，但最終也敵不過群眾壓力，道「去囉！」


淫K在一間大酒店的七樓。到了後，馬上感受到一陣熱鬧的氣氛。那裡很嘈，音樂聲相當吵耳，中間還夾雜著可怕的歌聲。現在零晨五時許，淫K還依然這麼旺場，深圳果然是一個不夜天。

Jayden走到櫃台前登記。隔了半晌，工作人員便過來把我們引領到專屬的K房。進房前，我看了看房門上的號碼，718，跟Jayden在卡片背後所寫的提示完全吻合。



進入房間，我們馬上坐在沙發上，稍為放鬆身子，不竟也勞累了整整一個晚上。Jayden燃點了一根香煙，整個人沒入沙發中，看起來相當享受。Ted則傾前身子，臉上略略呈現緊張之色。

Jayden搭著阿Ted的肩膀道「緊張呀？第一次？」

阿Ted點著頭道「嗯，唔係好知依度咩玩法」

Jayden道「嗱，你聽我講，一陣啲女坐到埋嚟呢，唔洗比面佢嫁，一有機會就揸鳩佢個波，驗下貨都要啦」

阿Ted道「吓？會唔會收錢嫁？」

Jayden道「抽水免費嫁。總之一有咩唔啱心水，就即刻彈佢鐘。家陣五點幾，啲女趕住做埋最後一單然後收工，唔會介意咁多嘢嫁喇」

阿Ted道「咁好啦...」



不久，門外便傳來了一陣敲門聲...