簡介

每個啱啱入大學嘅新仔就算未聽過校規都一定會聽過讀大學必做嘅五件事「讀書.上莊,住Hall,Part Time,同埋......拍拖。」 冇錯,一般既學生的確係會有五條法則黎作為佢地渡過大學生涯既法則,而我都唔例外,但我跟住既戈五條規則同佢地既有啲唔同,雖然話就話唔同,但係其實都宥六成相似,我既大學生存法則就係「讀書.上莊,住Hall,做任務,同埋......等出糧。」 老老實實,細佬其實係第一次寫文,可能會寫得好差,所以如果對細佬寫既文有任何見解或者支持,細佬都各位歡迎留言架



我冇打錯,而你冇睇錯,我既大學生涯除咗要讀書之外,仲要去做一份唔似正職既正職,點解我要話佢係一份唔似正職既正職呢?

係因為呢份工唔需要任既入職手續,連份勞工合同都冇,真係好話唔好聽如果有一日你訓醒收到佢既大信封話你比佢炒咗,你都吹佢唔脹,而佢地所需要既係精英中既精英,所以佢地炒人係成日都會有既事,而佢呢個冇合約既制度亦都係為咗令到佢呢個換血制度可以永遠暢通無阻咁樣實行落去。


點解我會知咁多嘢? 唔好亂估我係咪老世啦,我唔會做到佢呢個位,一世唔會做到,我只不過係佢地換血制度入面既一個失敗品,一個特異點,因為佢地一直想搵一個比同我有同等能力,什至係一個比我既能力仲要突出既人黎頂我個位,但係佢地一直以黎都搵唔到,唔好講話要搵一個勁過我既人,佢地連一個同我差唔多程度既人都搵唔到,所以只好聲好氣咁出糧養住我呢條過期既萬年油炸鬼。

佢地話唔炒我既原因係我對突發事件既觸覺同埋處理突發事件既手法同速度係佢地搵過咁多代既人入面係最好既,而我有一樣嘢,一種能力係佢地搵過既咁多代入面都冇既,但係又對組織工作既執行成功率起到決定性作用—我可以預計到所有可能會發生既情況同埋佢地會發生既條件同時間。

係喎,講咗咁耐,好似都未講我打緊份咩工喎,我份工好普通架咋,就係每晚係到等老世既Order,之後就跟住老世既Order做嘢,每晚既任務都係唔同架,但係好彩老世睇住我既能力,通常都係叫我去現場做下Back Up 咁樣,但係出既糧同上去打真軍既隊友係一樣,呢樣算係我份工惟一既好處掛。你問我晚黑就開工,咁朝早做咩?



唔好唔記得細佬我都仲係一個學生黎架,朝早就梗係做返一個大學生要做既嘢—上堂…唔係唔係,係走堂先啱。

我都想講得出呢句啊,可惜細佬讀既唔係咩Hea科,而係最忙既數學系,人地啲Hea科就幾個星期一份功課,我地系就一個星期幾份功課。所以簡單講我每日都係喺到來回地獄又折返地獄,唉,鬼叫我中學最好戈科就係數學,Hea考都比我考到入數學系咩…唔講啦,趁仲有啲時時間,眠一眠先。 

已有 0 人追稿