心的距離: 5a. 褪色的從前

a

「啲啲。」對講機響起。
「何永基先生，有人係站頭等緊你。何永基先生，有人係站頭等緊你。」發叔模彷著酒樓的廣播，神似非常。
駕駛中的我當堂「噗」一聲笑了起來，真是個童心未泯的大叔。
我笑著搖搖頭，回應：「你叫佢等陣啦，我兩個字後到。」

莫非是薛文穎？
難得可以碰到一位可令我放心暢談的人，還不介意我現在的窘態（至少言語上是這樣），心裡自不免有點期待。
這個感覺，實在是久違了。





對上一次是何時呢......我忘記了是哪個夏天，僅記得阿澄。

我們都是饞嘴之人，當然最愛談食經。
「喂我覺得 Burgeroom 啲漢堡包好正呀，個包勁大，塊漢堡排又多汁！」
「係咩，我食過時新嗰個都覺得好掂喎。」
「吓，但係時新個包得塊漢堡排﹑芝士同汁咋喎。」
「個汁先係重點！甜甜地又開胃，食到完全停唔到！」
「係咩，塊漢堡排就真係令我停唔到口啦。食到我肥晒，哈哈！」
那時我們又怎會明白，美式和港式的漢堡，其實沒有比較的餘地，只有一道清晰的楚河漢界。




那時我們又怎會明白，一個只能負擔港式漢堡的人，與一個美式漢堡的粉絲，其實都無法跨越某道隱形的界限，到對方的世界裡面去暸解他的想法。
不是不想，而是不能。所以只能各自訴說著己方的好。

「喂何永基，不如星期六去睇 3D 阿凡達呀。」
那可是當時最貴的電影票呢。
「吓，我今個禮拜我使突咗，無錢睇戲。」說是「使突咗」，但其實有苦自己知。
「得啦，我幫你畀住先啦，你儲到錢再還咪得囉！」
沒有她，或許我只能靠盜版光碟才能一窺其貌。
那時的我以為，我倆可以一同跨過那道界限。
但這個盼望沒有成真，全因一個謠言。





———
按：點解分 a b 兩部份？因為中間隔咗一段秘密嘅幕後內容，會視乎反應公開。
b 部份會於 12 點發佈。（已發佈）