[校園][愛情]《個女仔衝咗出馬路然後俾我救番》: 「第三章-初遇」

第三章 



話說，是咁的，小弟其實成績不太好，所以比老母逼去補習。  
咁我緊係帶埋我老死浩峰去一齊冇咁悶啦，其實個補習阿sir都幾靚仔((我唔係gay 
—————————————— 
「今日放學又要補習啊」 

「係wor！又要補習啊」 



「言哥，好頹咁喎」 

「今鋪真係唔方唔頹  」 

我哋去到就揀咗位角落坐，前前後後都好多人入咗嚟，咁過程我都唔多講喇，因為補習啲嘢都係差唔多 

「終於補完習喇！」 

「Hi Hi！唔記得咗約咗人交收！ 」 



「唔係咁大鑊呀」 

「唔講住！我趕住走」 

就係咁，得返我自己一條友，行去食飯......... 

「噠，噠，噠」 

等待紅燈嘅時間好漫長.......... 



突然間，有個身影喺我身邊穿過咗，沖咗出馬路， 
咁啱又有架車駛緊過嚟， 

「睇住啊啊啊啊啊」我發出咗一個震撼性嘅聲音 

我諗都冇諗就捉咗嗰個人返嚟，而然我捉咗佢返嚟，佢又失平衡咁，挨咗落我度，我望一望嗰個人 

咦？咪住！ 

咁熟口面嘅？ 

喺邊度見過呢？ 

我記得喇！補習社見過啊！  



但我諗完一輪先發現，個女仔原來喺度喊緊，我即刻放開咗佢 

「嗱！我冇心㗎！我見你沖咗出馬路先捉番你返嚟咋！」  

個女仔隻紅哂咁望我， 

我心諗「唔L係掛........」  

個女仔終於開口「點解你唔畀我死？」 
「你知唔知我好辛苦..........?」 

我即刻講咗句「你知唔知你死咗你屋企人會好唔開心？」 

個女仔突然間爆喊「屋企人唔會錫我！呢個世界冇人明白我！！」    



之後佢就喺度喊......... 
一喊就喊咗成半個鐘 
而我就喺側邊陪住佢 

—————半個鐘後————— 

佢終於喊完 

我望一望佢「冇事嘛？」 

佢面紅曬「我頭先係咪好樣衰」   

「唔係嘅，起碼喊咗舒服啲先啦」  



佢揞住塊面「多謝你。」 

「傻啦」 

「係呢你叫咩名？」 

佢望一望我「我叫劉蒨頤！你呢？」 

「我叫若晞言！」 

「下？你姓若㗎？」 

「係啊！」