[校園][愛情]《個女仔衝咗出馬路然後俾我救番》: 「第七章(上)-認識」

第七章-上

「無能力做大情聖~你已消失了身影~」電話播住(哈利路亞！chance！)嘅鬧鐘，然而我醒咗

我照舊都係去咗刷牙換衫，然後出門口，落到樓下同蒨頤一齊返學，去到canteen買蘋果綠飲，傾嘅話題都係圍繞尋晚cctbb套戲有幾膠之類，呢幾日都係咁，但我對蒨頤其實並唔了解

「其實我到而家都未了解你」我行去佢前面

「唔了解咪親自去了解囉！」
「反正我又唔會介意嘅」佢笑一笑

「又係喎，哈哈」我好唔爭氣咁笑咗

上到班房，我同蒨頤都番位，我行咗去浩峰到

「尋晚你好雷囉！」佢用嫌棄嘅眼神望我

「做咩啫？鍾意咗個轉校生？」

「你話蒨頤？」

「嘩~嗌埋蒨頤咁親切添啊~」

「痴線架咩」

「你講你係咪鍾意佢！」佢笑笑口咁

「唔知啊！」

佢突然間收起咗笑容好認真咁搭住我膊頭

「老實講，你遇到劉蒨頤之後成個人開心咗咁多，我都好感動，起碼你唔再係之前頽到成隻喪屍嘅嗰個若晞言，我都放心咗唔少，若果你真係鍾意咗人嘅話，就去追啦，機會唔等人，更何況，佢嘅條件，一定不乏追求者，佢睇得起你，你就應該去珍惜機會啦！」

「同埋我餐pool飯靠你喇！

」浩峰嘅笑容提醒咗我，機會係唔等人

好快阿周sir又入咗尼，一如既往咁幫我哋點完名，之後同我哋傾計

「今日放咗學就要搞好哂個攤位！

」周sir微微一笑很傾城咁講

「搞掂晒啦！

」逸軒自信爆哂棚

「咁就得喇！」
「完咗之後，打邊爐我請！

」

「係嘅大佬！

」我哋好集心咁嗌

「另外，新同學有冇咩唔適應？

」佢望住蒨頤

「冇啊！唔錯啊！」蒨頤笑住咁講

嘩......好甜啊.....
其實我放得低紫晴未？我都唔想去諗，我淨係知道有一個我更值得去愛，去守護嘅人，喺我眼前，我唔可以令佢受傷

鏡頭一轉，就去到放飯前一堂，講真呢堂我又冇乜興趣，所以就係咁，我去咗撩蒨頤傾偈

「喂，轉頭跟唔跟我食」我特登伏喺佢後面，以免比阿sir捉咁Seven

「好啊！」佢表情係好專心咁上堂，但同緊我傾偈
「咁食咩？」

「不如食壽司？」

「好啊！