[校園][愛情]《個女仔衝咗出馬路然後俾我救番》: 「第十六章(下)-介紹」

第十六章-下



蒨頤視角

呢個傻仔整咁多野比我，佢遲啲生日我都唔知送咩比佢好

「阿媽叫我帶埋你去飲茶」阿言好認真咁望住我



咁快見家長？？

「下...係咪架，好老尷喎」

「係呀」
「你等我一陣」佢講呢句就入咗房

唔通佢拎禮物比我？
講笑咩，佢為我做嘅已經足夠



「送比你架」

佢真係送禮物比我......
我要忍住，唔可以喊

「嘩...好靚呀...」

「犀利呀呢」阿言chok咗一下
「親手整架」



「多謝你呀」

「傻妹」

「傻仔」

之後我哋繼續睇電視

......好眼訓......zzZ......

******

「！！」

嗯...？出面咁嘈嘅...？



「咔嚓」

突然間有個女人入咗嚟望住我

阿言....你喺邊......

呢個時候，我望佢喺個女人後面，我就安心哂

隔咗一陣，出面好嘈

「HiHi阿妹！」

咩事啊......
等我聽日先去嘈...番...佢..zzZ



******

「起身喇傻豬」

好攰啊...

「嗯......？」

「出去食嘢啦」阿言坐咗喺床邊

呢度係邊度

「呢度係你屋企...？」



「係呀」阿言笑一笑

我呆咗幾秒，之後就去咗廁所

咦...冇牙刷嘅...

「蒨頤，牙刷呀」
阿怡行咗過嚟，拎咗支未拆嘅牙刷

之後我刷完牙洗完面就出咗街，去咗間唔知咩酒樓

死火啦，陣間點算
我不自覺咁用力拖實阿言

「唔使驚喎，我屋企人好nice架」



對住你梗係nice啦

「係啫，但都會有種感覺架嘛」

「我會喺你身邊架嘛」

「多謝你...」

我哋入咗去坐低，傾傾下計唔知點解好似忘記咗嗰種緊張

直到呢一秒我都係咁諗

「阿妹點稱呼啊」
呢個應該係阿言爸爸

「我…我叫蒨……蒨頤！」

「唔洗咁生硬喎，何況我哋又唔會食咗你」

我真係驚你會食咗我

「係呢，你同呢個衰仔點識㗎？」

好唔好講話我上次因為衝出馬路而識咗佢呢？
算啦都係唔好搞咁多問題

「我哋同班㗎」

「點解睇得上我哋個仔嘅？」
嘩…一嚟就咁直接

嗯...諗到喇

「阿言佢其實好細心，好體貼架」
「我上次唔舒服，佢仲特登去買藥比我呀」
「佢好叻㗎，上次我差啲比車撞到呢，佢救返我㗎」 
講下講係我自己都笑咗

「你唔講我都唔知自己個仔咁叻添」 
auntie笑一笑，之後突然間認真
「阿妹」

呢一下嘅氣勢，我嚇親

「係！」

「要好好哋對我個仔呀」
Auntie講完呢一句，就望住阿言講
「如果畀我知道你蝦佢，我哋真係食咗你都似」

即係點…？
認同咗？
Oh......！！！！！！！！

「唔使驚訝喇，食野啦」

嘩！！！！！！！！

「阿妹，食嘢呀」
「呢度啲蝦餃好好味」

我好想嗌佢一聲阿媽！！！

「嗯」

之後食完嘢我哋出咗旺角喇， 夜晚上咗阿言屋企食，場景好溫馨








『從前未講，今次要說多謝你』