心跳。回憶: 第五章-驚人大發現

我開始適應中學生活，成績亦慢慢好起來，無論自己班及鄰班，我都開始跟同學混熟了。 
每天，我都會打聽他的消息，我希望可以見到他，每天都希望可以見到他，見到他，我就感到無比幸福。 
有一天，我從鄰班同學文詠珊口中得知到一個對我來說驚人的消息:「今日返學時方SIR車埋我呀~~原來我同佢住同一個屋苑架，佢住E座而我住F座，本來我跟爸爸車返，今日見到佢，佢同我爸爸講車埋我返學，我爸爸幾開心呀~~終於今日有人車我返學，佢唔洗特登車我啦~~方SIR架車原來只係泊響我爸爸架車隔離架咋。佢今日仲係同佢老婆一齊落樓架，佢老婆自己揸一架車，佢揸一架車。」 
一聽到方SIR的消息，我的瞳孔即時放大了，十分十分開心，但同時感到很失望，多希望我是坐在車上的那位。原來佢結左婚...好失落。 
我忍不住問她:「咁你住邊呀?」 
阿珊回答我:「馬鞍山，錦明苑。做咩呀，你要知黎做乜?」 
我回答:「冇咩呀，問下之嘛…」 
阿珊說:「聽聞你成日都問起方SIR既野喎，你唔係鍾意左佢呀?」 
我回答:「當然唔係啦。」 
我心想，就算是，我都不會告訴你啦~~人言可畏，就算是中一生，我仍然知道的。可是，這一問，卻為我帶來了嚴重的後果… 


啊，我終於知道方SIR是住在馬鞍山的。 
馬鞍山…對當時的我是多麼的遙遠哦…