那年，我在補習社遇上她..: 第二十章 相見 ( 1 )

到左第二朝，好彩呢日係星期六，我望一望部手機，原來到左朝早7點..我見到手機通知彈左3個未接來電同埋3個wts..全部都係Angela..
 
「喂，你點呀😰8:15 pm」
「唔好嚇我呀😭8:16pm」
「應下我得唔得呀😰8:30pm」
 
「sorry呀，琴晚訓左，我冇野呀，係拗柴拗得嚴重左少少咋🙈」
 
我望一望床邊，原來crystal成晚冇翻過屋企，佢仲係我身邊到訓緊…
 


佢訓緊教嘅時候仲係咁靚，只不過係多左一份傻氣..
 
點解佢地會無啦啦咁關心我…
 
我望著堆係地下同床邊嘅禮物，我一份一份咁拆開佢，每份禮物都好有心機，我見到唔知邊個靜係送左比香口膠比我，唔洗審，一定係仆佳，因為佢生日我都靜係送左包香口糖比佢，我隨口啪左兩粒入口，其實份份禮物都好有誠意，但係點都唔夠crystal嘅咁有心…
 
我諗著起身去個廁所到刷牙，為左唔驚動crystal，我自己起身，仆街，張輪椅唔知比邊個收埋左，我唯有用我隻左腳跳下跳下咁去廁所。唔知係咪琴晚太班籃打得太激烈，隻腳啲肌肉仲係好痛，我捉實床邊，一跳落地果下
 
「嘩」
 


我感受到隻腳嘅無力感，張床比我搞到震左一震，搞到crystal醒左
 
「死蠢，你去邊呀」佢扮哂嬲咁問
 
「冇…冇呀，我諗著去廁所刷牙姐，我見你訓得咁冧，唔想吵醒你姐..」
 
 
「死蠢，咩叫唔想吵醒我呀，你以後去邊都要同我講呀」
 
之後，佢將我隻手疊左係佢個膊頭上面，一步一步咁扶著我..


 
「對唔住呀..」
 
我衝口而出..因為我..根本唔值得你對我咁好..
 
我中意嘅係Angela…
 
「做咩無啦啦同我講對唔住呀，死蠢」佢問
 
「冇呀…我好似成日麻煩到你咁，對唔住呀」我冇勇氣同佢講…
 
「陳逸希，你望著我」crystal命令住我
 
然後佢個嘴突然之間錫左落我個嘴到，好撚彩我食左香口膠姐，佢用隻手攬著我條頸…
 


「中意一個人係無論點都唔會嫌棄佢，我之後已經傷過你一次，我唔會再要小火龍hurt多次，我要你陪我一生一世，我真係好愛你呀，蠢豬」佢咁同我講
 
「行啦，好甜呀」我咁講
 
Crystal對我愈好，我就愈內疚…
 
之後我地又坐左係張病床上面，一直等緊醫生帶我去照x光…
 
「其實你知唔知你果陣講話對我冇feel我有幾難受」crystal同我講
 
「我知架，對唔住呀」
 
我知，對唔住根本代表唔到啲咩⋯⋯
 
「你以後都唔準咁講呀，知唔知呀」佢扮曬嬲咁講..


 
「哦，知啦」
 
之後睇完醫生，佢比左個類似定位器我，之後醫生講左一樣我最唔想聽到嘅野…由於我有一條韌帶撕裂，短時間內都唔可以再打波…個重點係，佢叫crystal好好睇著我…
 
醫生呀醫生，你知唔知阻人打波會比人燒春袋…
 
「喂，你夜晚係咪去補習呀，我都報左呀，可以睇實你」原來crystal都報左Ben Chan個live班，原來都差唔多12月，補習果度都開左新一期
 
「係呀，咁一齊去啦」我同佢咁講。
 
之後crystal幫我拎曬醫院啲禮物同送左我翻屋企就走左
 
我訓左係自己張床到，不停係到諗…
 


我明明中意angela…
 
我係一個無用嘅懦夫…
點解我連同crystal講清講楚嘅勇氣都冇? 點解當時我會因為驚而自動棄權?
 
我係一個無用嘅騙徒…
利用crystal對我嘅感情去慰藉自己空虛嘅心靈
 
我係一個貪得無厭嘅賤人…
Crystal對我咁好，點解我仲唔知足?點解我個心仲未可以接受到佢，反而繼續迷戀angela?
 
我幫部iphone 7插上電話卡，呢個時候angela打左過黎…
 
「你點呀，你今日仲去唔去到補習?」angela把聲仲係咁甜美…
 


聽到佢把聲之後，我塊面紅曬…我知，我最中意嘅始終唔係crystal…
點解你仲要咁關心我…你對我愈好，只會令我愈中意你…
 
我好辛苦….
 
「我冇事呀，應該去到」
 
「我今日都黎呀，我報左live」
 
咁咪即係佢地兩個去會見到面?????????
 
今次真係死得火….我一望到angela就會好緊張，心跳加速，你叫我點對著crystal….
 
待續…