飛一次大阪，談了一場六天的「同地戀」: 45

回到香港，簡直就是地獄。


甫下機，我就已經感覺到那種溫度和濕度，香港猶如一個又濕又熱的大焗爐。


「好熱呀～！！！！」我大呼，旁人都以為我瘋了。


「唔洗咁大聲嘅。」他們說。




「好掛住日本呀！」我說。


「哩啲天氣真係......」阿包也加一把口。


在等了延誤近一小時的行李後，我們終於離開香港機場。




「攰死。可以返屋企啦。」我說。


「仲要還wifi蛋。」阿包說。


「.........」




結果我們在機場玩起奪命時速來，不消幾秒就還好wifi蛋，也到正式離別的時候。


「咁我地係度散啦。」


「拜拜。」


「拜拜。」


三人各自分開，這次的日本之旅告一段落。




拖著笨重的行李上車，人流擠迫，由於行李架已滿，我只好在下層待著。


巴士在深夜的馬路上飛奔，戴上耳機，聽著君がドアを閉めた後。


不知為何，這一次眼眶有溫熱的感覺。


「無得坐啫，唔洗喊呀？」旁邊的一個大叔說。


擦一擦眼淚後，我說：「無呀......我有啲掛住日本啫。」




對，好想念日本。


「痴線。」大叔罵了我一句。


或許他所說的不錯。


在去完日本的一星期後，我就正式出發到尼泊爾。


尼泊爾對比日本......我真不懂形容，真是一個marvelous的國家




經歷滑翔傘，我以為我會死。經歷山泥傾瀉，我也以為我會死。經歷被賣豬仔，我也以為我會死。


但又讓我死不去，活著的回到香港。


回到香港不到兩天，就收到前度的Facetime。


「喂，我嘅手信呢？」她劈頭第一句就是。


「你嘅手信？啊！我漏咗係尼泊爾呀！」




「去死啦你。」


「講笑啫，我當然有帶啦。」


「幾時畀我呀？」


「隨時都得啦。」


「聽住先，一陣你又放飛機。」


「妳同佢好返啲未？」


「聽咗你啲建議去做，關係係有好改善咗嘅。」


「咁咪好囉，鬧少陣架。」


「聽講你以前都係成日同我嗌交架啵。」


「所以妳要檢討下啦。」


「唔同你講，我出去。」


「等等！妳床頭嗰隻......？」


「做咩？」


「無呀.......未見過嘅？係人地新送畀你嘅？」


「係呀，人地送。」


「邊個送架？」


「我親愛嘅人囉，唔話你知呀，總之唔係佢啦。」


「......好啦，拜拜。」


「拜拜。」


我笑了一笑，呷一口咖啡，然後把剛才畫面中，坐在床邊的那一隻新式的小熊維尼那一幕忘記掉。


只是我還是忘記不了，在日本的第一晚，於夜寂內超市的我們。 


妳眺望著遠處問：「喂，你好鍾意你個ex架？」


「嗯。」




她停在超市的中心裡問道：「究竟人係因為鍾意而鍾意，定係因為失去而鍾意？」


「重要咩？」


「我覺得重要。」


「我覺得我自己係前者其他人唔知。」


她沒有說話繼續闊步向前。


「咁冷淡嘅.......」我問答完得不到任何回應。


「你都仲未答我問題。」她轉身向後說。


「我咪答咗囉。」


「我唔係指哩條，我係指機場問你嗰條。」


「重要咩？」我問。


「我覺得重要。」她說。


「點解？」


「因為......」她笑容很燦爛的說：「我覺得我地係天生一對～」


耳邊不時迴盪著那稚嫩的聲音，還有牧童笛聲。


我還是有點掛念大阪。




妳呢？