亂數戰爭(39): 雷小田_6

亂數戰爭39
現在是非常之靜寂的，幾乎只能夠聽到自己那緊張的呼吸聲。
一呼，一吸，像帶著某種衝動又或恐懼，心中的不安也因此而流竄全身。
寂歌想不出解決方法來。
反而是，她愈是去想，自己愈是混亂，愈害怕。
今次的戰況太多變數。
不論是眼前這兩個望上去很危險的人物，自己隊伍包括自己在內極之惡劣的戰鬥力，以及一個「風暴」等級的玩家在這。
無不令寂歌愈想愈心驚。
她現在只能死死地瞪住前方，不讓這兩個男人有機可乘。
她真的很想，很想馬上回頭，望一望倒臥在地上的女孩子，希望這個女孩子已經回複精神。




那兩個如同精神病一樣的男人，其中的黑髮男人無故地，輕輕地渡步，走了數步上前。
他回望住寂歌，就像看穿了她說謊一樣，眼神具無比穿透力。
寂歌被嚇到心臟幾乎要跳出來，完全無法反應。
他再次開口道：「你唔相信我地？
你以為我地係無惡不作嘅小人？定係會殺人滅口嘅壞人？」
男人停頓數秒，似是等待寂歌的回應。
可是寂歌真的難以回答，她必須咬緊牙關才能勉強支撐現在那弱不禁風的自己。
黑髮男：「但係我地根本就唔想戰鬥……
我地黎，係為左同你地交涉，係為左增加勝利嘅本錢，又或者，係諗一個可以和平解決嘅方法。
但係，而加好似係你拒絕，仲要要脅我地。」




他指住寂歌，反問道。
寂歌馬上回應道：「你地想人相信，最起馬要比人知道你地嘅武器係咩野！
交涉唔係無條件架，如果唔肯嘅話，我地所謂嘅交涉就決裂！」
黑髮男攤起手：「我無任歡迎。
我隨時可以講比你知我嘅武器係咩野。」
寂歌大叫道：「好啊！咁你而加就拎你個武器出黎！」
黑髮男搖搖頭：「咁樣做嘅話，對我方就好唔公平。
如果我展示左武器，咁你知道左我地嘅武器咪對你好有利囉。
你可以利用呢一個有利嘅要素，去對付我地。」
寂歌開始被他弄困惑。




黑髮男：「我地需要嘅係平等，我地可以同一時間，展示各自嘅武器。
咁樣嘅話，對大家都唔會有唔公平嘅地方。」
寂歌潛意識開始動搖。
於理上，這個男人是說得合理的，沒有任何的理由，是可以單方先知道對方的底牌，然後才決定要不要合作。
要是寂歌真的掌握住一定威力的遠程武器，就算只是等級一也好，也足夠重創別人。
要是眼前這兩個人手上的武器只是輔助性質的武器，那寂歌的立場更加站不住腳。
寂歌的確是，單論這兩個人的第一印象，以及多疑的性格去認為對方有危險性。
但是，現實是，要是被他們知道自己的武器是「死神」，那就算是輔助性質的武器也足夠對付自己有餘了。
就算只有千萬個萬一也會令整件事惡化。
最好的情況是，等待那個女生醒來，四個隊友再思索對策。
為了不讓對方蠱惑，寂歌在心裡面，不停大聲喊道：「不要管他！、不要管他！不要管他！」
黑髮男似是不理寂歌的沉默，接著大聲說著：「就算你睇上去，只係一個平平無其嘅女仔……但係實際上，你可能已經掌握左好多不為人知嘅秘密。
又或者你根本就無驚過呢一個遊戲，你胸有成竹。」
寂歌完全聽不明白他在說什麼。
黑髮男：「我地係好人，係為左可以平安咁樣結束呢一個遊戲，結束呢一個鬧劇。




因為對我地黎講，呢一個地方係一個好危險環境黎。
係咁樣嘅情況之下，我地手無寸鐵，雙手都空空如也咁樣去尋找幫助。」
寂歌雖然還是聽不出個所以然，但不知為何，她開始感覺到不對勁。
黑髮男指著寂歌，大聲道：「而你，選擇唔同其他人合作，好明顯真正有問題，真正
唔想呢個遊戲結束嘅人，就係你！
唔單止，唔想同任何人交涉，合作。
而且獨行獨斷，你有無問過你嘅隊友，你有無問過佢地意見？
呢一個遊戲之所以仲會係度，就係因為有你呢種人！
不知所謂！惡毒！可惡！……」
在黑髮男大聲地咒罵，而寂歌還是一頭霧水的同時，寇歌身後的男同學，他大聲哭著慢慢走過來。