全班同學參加咗一場死亡遊戲之後，結果就死剩我一個！？: 第5話：《計劃》

「咁而家遊戲仲剩翻幾多時間到？」我問他們。

「我哋啱啱發現咗大會堂嗰個電子鐘變咗做一個倒數計時器，倒數遊戲嘅剩餘時間。」陳子朗答我。「我哋一開始都以為嗰個係一個普通嘅鐘，但睇吓睇吓就覺得好唔尋常，最後先知道原來係一個倒數計時器嚟。」

「而家大概剩翻三十一個鐘。」林雅蕊說。「我記得個馬sir講過，如果遊戲完結都未有勝利者，全部人都要死。我諗佢唔會講大話，因為佢呃我哋都冇好處嘅。」

「但如果佢講嘅係真嘅話…我哋全部人裡面只有一個人可以生存…」我說。

的確，如果要殺掉其餘的十九個同學，一點也不容易。





始終，已經認識了這麼久，一起相處了一年多了，如果要我親手殺掉他們，我也下不了手。

「喺呢到，唔係你死，就係我亡。」雅蕊說。「你要知道如果我哋手軟，死嘅就會係我哋㗎啦！頭先我哋殺劉兆佳嗰時都好清楚，而且差一啲，你就冇命啦！」

「係嘅，我明要殺死同學並唔容易。但頭先，你真係喺地獄遊咗一圈再上翻嚟。你今次好彩啫，但冇人可以保證你下次會平安無事㗎！」陳子朗說。「雅蕊講得冇錯㗎！如果你再咁重義氣，你真係會死㗎！你要知道出面班人冇人性㗎！」

陳子朗十分激動，他說話的聲線嘈醒了盛凱嵐和張海賢，她們仍然一面懵然的，不知道我們正在討論什麼。

「你哋…嗌交呀？」凱嵐問。「你哋唔好嘈啦，出面仲係咁亂，一陣引到其他人走入嚟殺你哋呀！」





「唔係呀，我哋冇嗌交，只係講嘢大聲咗啲啫！妳哋可以唔駛理我哋㗎！繼續休息啦！」我急忙解釋。

「抖乜鬼啫！而家經歷緊啲咁嘅嘢！抖到至奇呀！」然後，凱嵐的眼眶再一次染起泛紅。「況且…啱啱俊逸仲要…」

說到這裡，凱嵐再也說不下去了。她輕聲的抽泣著，似是怕被我們看見似的。

「凱嵐，你唔好咁唔開心啦！俊逸都唔希望見到你咁樣㗎！你要生存落去，咁樣俊逸見到你，先會放心㗎！」雅蕊勸道。

「不如我哋講吓我哋嘅計劃啦！如果要做最後嘅勝利者，咁喺我哋五個人入面，就要犧牲其中四個。」陳子朗分析道。「我哋，嚟緊嘅任務係出去，殺曬其他人。但你哋要有心理準備，出面真係好危險，你哋隨時會可能有生命危險，你哋準備好未？」





「對於我嚟講，係生係死都冇所謂啦。反正，俊逸都死咗囉…或者我快啲落去陪佢，會仲好啲㖭啊！」凱嵐說。

「我，都唔會介意。」雅蕊說。

「咁既然兩個女仔都唔驚囉，我又點會驚！」我自信地說。

「嘻，思婷都唔喺到囉，我死又有咩所謂…」子朗冷嘲道。「我中意咗佢四年啦…我本來諗住趁著呢個camp同佢表明心意㗎…但我諗，以後都冇機會㗎啦…」

陳子朗邊說，邊流下男兒淚。

的確，在這場遊戲裡面，很多人都失去了摯愛。這次死亡遊戲，的確教會了我們珍惜眼前人。

因為，大家都沒有想到，上一秒還在跟你談天說笑的同學，下一秒就變成了敵人。上一秒還在拼命保護你的人，下一秒，就已經不在了。

「海賢，咁你呢？」我問。





「嗯...」她回我。

說起來，張海賢也真是一個不太合群的人。我跟她同班四年，也沒見過她跟同學玩。

每逢小息、午飯時間，她也總是一個人，很孤獨的走去了。

然而，班中的同學完全沒有排擠或是欺凌她的行為。只是，她的性格太孤僻，曾經有人嘗試過進入她的世界，最後也是失敗而回。

也許，她還沒遇到一個真正懂她的人。

還沒有人，能讓她暢所欲言，倘開心房。

不過，老實說她的性格不差。我相信，她的「白馬王子」一定會在哪裡等著她的來臨。不過，大前提是要海賢能活著地，走出這個地獄。





「咁我哋不如開始傾吓我哋嘅計劃啦！」陳子朗提議。「首先，我知道其他同學嘅大概分佈係喺另一間渡假屋、活動室同埋餐廳。據我所知，未死嘅同學組成嘅團體都匿埋咗喺呢幾個地方。但都有啲係獨自行動嘅，佢哋嘅行蹤飄忽不定，我哋好難捕捉到佢哋。唯有喺殺死曬所有小圈子之後，再去搵佢哋啦！」

「離我哋而家最近嘅，就係隔離嗰間渡假屋。如果要展開攻擊，應該係由嗰間渡假屋落手先。」雅蕊提議。

「但我哋都唔知嗰邊係有邊啲人，如果魯莽行動嘅話，好易出事㗎！」凱嵐道。

「咁不如好似我哋嚟嗰時咁，喺落地玻璃窗睇咗有乜嘢人喺嗰邊先，確定咗安全，先再行動啦。」我說。

「我都係咁諗。不過如果咁樣做，就一定要有人留守喺呢間渡假屋。萬一去嘅人出咗咩事，仲有人去接應嘛！」陳子朗說。

「距離遊戲完結，仲有三十個鐘！」又是馬教練了，他的廣播仿佛在提醒我們，要是再不行動，就沒有時間了。
「遊戲總人數：31
生存人數：24
死亡人數：7」





死亡的人數依舊沒有增加，那就是說，要是我們在這小時裡再不行動，那麼，隨機射殺就會開始。

「咁樣嘅話，不如我哋喺十五分鐘之後開始行動啦！一嚟，畀我哋準備吓，二嚟，我哋再傾吓個plan啦！」雅蕊說。

「好啊！一於咁話！」我說。

在這十五分鐘裡面，我真的十分緊張。而渡假屋裡，也散發著一種認真的感覺。

也許是因為大家都明白，這次行動不是玩遊戲機。

「Game Over」後，就再也不能復活，也沒用翻身的機會了。

要是這次行動又什麼差池，我們有可能真的小命不保。

看來，行動一定會很艱鉅。





我看著時鐘，旁邊坐著正在講解行動計劃的陳子朗，大家的心情，都十分沈重。

我們最終決定了，把盛凱嵐和張海賢留在這所渡假屋裡，要是我們出了什麼事，就會高呼尖叫，讓她們知道我們的狀況。也可以順便讓她們好好休息，始終凱嵐剛剛經歷了一件這麼傷感的事，要她馬上行動再殺人，未免對她太殘忍了。

於是，我們在十五分鐘後，已經預備好武器，準備好行動。

我們五個人，在渡假屋裡，手疊著手，很老套地說了句「加油」，象徵著行動的開始。

遊戲總人數：31
生存人數：24
死亡人數：7