全班同學參加咗一場死亡遊戲之後，結果就死剩我一個！？: 第9話：《夜闖餐廳》
「咁，跟住落嚟嘅行動，應該係點？」盛凱嵐首先打破寂靜，問道。
「仲有廿九個鐘，得翻十七個人，點死都夠殺曬佢哋嘅。」陳子朗說。
然而，我仍然沈溺在雅蕊去世的傷痛中，無意插嘴。
「但如果係咁嘅話，跟住我哋應該去攻擊邊到？」凱嵐問。
「嗯…」子朗正在思量。「餐廳！我哋要去咗餐廳先！」
「但餐廳應該會有好多人，我哋貿貿然衝入去，睇怕勝率唔大。」凱嵐回答。
「但我哋嘅糧食已經食得七七八八，我哋食嘅嘢都係喺其他人嘅行李到搵出嚟㗎咋，我諗佢哋都唔會帶太多食物。」子朗解釋。
「但我哋未去過餐廳，都唔知嗰到嘅情況係點，對我哋好不利㗎喎！」凱嵐又說。
「冇計啦！我哋點都要頂硬上㗎啦！」子朗說。「今次行動，我哋四個都要去。」
「咁我哋幾時開始行動？」凱嵐問。
「嗯…我哋啱啱嗰一個鐘殺咗人，即係之後嗰一個鐘唔駛驚。我哋抖九個字，抖完先出去啦！」子朗說。
說罷，子朗就開始拿起一些從房間裡找到的武器，分發給我們。
「你哋好好休息啦，一陣嘅行動一定會幸苦過頭先，始終有太多未知數啦！」陳子朗說。
現在是凌晨三時多，比起剛剛只是去旁邊的渡假屋，現在連到達餐廳也是一個問題，何況要打倒其他人。
我們一會兒，一定要摸黑行動，因為如果被別人發現我們了，行動一定會失敗。
我躺在沙發上，抱著一個枕頭，回想著我與雅蕊的點點滴滴。
誰知道，想著想著，我就睡著了。
「喂！張璋！醒啦！我哋要出發啦！」在我睡到朦朦朧朧的時候，突然有個女生在我身邊拍醒我。
我心想，那個會不會是雅蕊呢？
於是我睜開眼睛一看，才發現原來只是盛凱嵐。
原來我已經睡了這麼久了，也是時候出發了。
我的心情，不比剛才行動時輕鬆。因為我怕，只要我有什麼失誤，就會下去見到雅蕊了。
我帶著剛剛陳子朗分發給我的武器，打開了渡假屋的大門。
外面的環境黑的很，幸好有一兩盞街燈的光線照著地面，要不然，我想我走著走著，應該會跌倒。
可是，在這時候，我們卻不知道，在光線底下的影子，早就已經把我們出賣了。
我們一行四人，偷偷摸摸地走了大概五分鐘，就到達了餐廳。
餐廳裡黑漆漆的，仿佛一個人都沒有，他們應該是都去了休息吧。
陳子朗向我們打眼色，吩咐我們從正門進去。
我走到前面，嘗試扭開門柄。我以為他們不管有多麼的粗心，也會注意到要鎖門這回事，可是我一扭，卻發現門可以打開，他們根本沒有鎖上。
陳子朗見狀，就叫我們進去。但，這未免順利得太奇怪了吧！
進去以後，因為環境也太黑，我們只能一直前行。
怎知道，突然間「嘭」一聲響起。我回頭一望，卻發現大門被關上了。
接著，整間餐廳的燈光也忽然亮了。
我看一看四周，卻發現我們四人都被包圍。
餐廳裡一共有七個人，分別有林飛帆、潘世樂、賴基隆、張梓峰、吳映輝、連紫若和林曉昕。
我本打算後退逃走，卻發現我們已經被完全包圍，毫無退路。
「紫若！曉昕！點解你哋會喺到痴埋啲衰人到㗎！」盛凱嵐大喊。
「衰人？妳有乜資格話佢哋係衰人？你哋，唔係都係喺到殺人㗎咋咩？」連紫若反駁道。
「盛凱嵐啊盛凱嵐，你係咪折墮到要甩咗陳俊逸，嚟確保自己嘅安全啊！」林曉昕問。「估唔到你哋平時咁恩愛，結果都係大難臨頭各自飛！」
「陳子朗，張璋，估唔到你哋喺到都制服到兩條女！」說話的是林飛帆，他應該是這裡的「大佬」。「嗱，只要你哋留低呢兩條女喺到，我就畀你哋加入我哋！」
「加入你哋，我唔稀罕啊！」盛凱嵐大喊。
「盛凱嵐啊盛凱嵐，點解你死到臨頭都係唔肯放低你啲女神架子嘅啫？」連紫若說。「喺呢到邊個幫到我哋，就梗係跟邊個㗎啦！你唔係諗住呢兩條友可以救到你離開呢到啊？」
接著，連紫若就抱著在他旁邊的潘世樂，吻了下去。她和潘世樂互相纏綿著，潘世樂更加不客氣，打算把她的衣服脫下。
「點解你要咁樣折磨自己啊！」凱嵐的情緒接近崩潰。
「呢個世界，適者生存。靠我自己一個，根本冇可能生存落去，所以我咪要用我所擁有嘅本錢，作個交易囉！」連紫若說。「女班長，係咪咁簡單，你都唔明啊？」
「你哋四個，真係好蠢。蠢到冇人有！竟然咁大搖大擺走過嚟，驚死我哋見唔到你哋過嚟咁！哈哈哈哈！」賴基隆說。
「仲同佢哋講咁多做咩嘢啊！兄弟們，郁手啦！但唔好傷嗰兩條女喎！佢哋係我林飛帆㗎！」林飛帆說。
「我死都唔要畀你搞啊！」盛凱嵐說。
現在的情況，根本是一個對三個。我們的能力，跟對方的，根本無得比。
不消兩三分鐘，我和陳子朗都被打倒了。
「哈哈哈哈！你哋嘅實力，就得咁多咋咩？哈哈哈！真係好廢啊！」林飛帆說。
難道，我今天真得要死在這裡嗎？
突然間，我的頭很痛，不是平時頭痛這麼簡單，是痛得，頭都要裂了那種痛。
然後，我眼前一黑，就沒有知覺了。
「張璋！張璋！」一把女聲在我耳邊響起。
是你嗎？雅蕊。
頭，依然很痛。痛得我無法起來。
我只想見你一面，雅蕊。
「唔好瞓啦！張璋！」不對，這不是雅蕊的聲音。
這…是凱嵐啊！
我睜開眼睛，除了見到凱嵐外，還見到一片狼藉的餐廳。
「發生咗…乜嘢事…？」我用盡渾身的氣力問。
「係你…殺曬佢哋…」凱嵐說。「頭先你冇啦啦企咗起身，用你把刀仔殺曬佢哋。」
我看凱嵐說話時的神情和語氣，她不像在說謊。
但奈何我有多大的能耐，也不可能把這麼多人殺掉啊！
「遊戲尚餘二十七小時，
遊戲總人數：31
生存人數：10
死亡人數：21」
馬教練的聲音從廣播傳出，原來，我已經睡了一個多小時。
「啊！係啦，陳子朗呢？」我問。
「佢受嘅傷比較重，佢啱啱醒過一次，但又瞓翻。海賢係嗰邊照顧緊佢。」凱嵐說。「仲有啊，啱啱林飛帆制服咗你哋之後，佢捉住咗海賢想搞佢。係你救咗佢，我唔知佢而家點，佢慣咗唔講嘢，你知㗎啦！」
遊戲總人數：31
生存人數：10
死亡人數：21