G·A·M·E: mission 1 揀人
我：「喂，阿連，近排有隻game 好hit 喎，佢而家beta 版，免費俾人試玩啊，不如一齊啊？」
阿連：「都唔係唔得嘅，但係你知啦，我老母好麻煩架嘛，佢成日就叫我唔好打咁多機。」
我：「唉，你理得佢咩，打下機又唔洗死嘅。」
阿連係我嘅好朋友，佢係我level 7開始識嘅朋友，如果用以前嘅方法計，level 7應該就係form 1，話晒依家都過左十幾年，成個香港都變晒lu。
講返正題，阿連平時讀書成績麻麻地，所以佢阿媽都唔會比佢打咁多機，成日都叫佢讀書la，讀書la。
而家最新嘅科技TVR 其實就係Vr 嘅進化版，佢嘅真實感比Vr 強。
所以玩家唔再係淨係帶住個Vr 眼鏡，佢更加需要著住一件特製嘅衫去模仿遊戲入面嘅各類型感覺。
亦都需要坐上一部類似跑步機嘅野度模仿返行路嘅感覺。
當然，嚟啲新科技一定有啲bugs，TVR 係唔可以突然間斷電或者突然間離開，因為一旦啟動咗遊戲程式，部機會自動鎖死。
斷電嘅話部機都唔會打開。
如果強制打開部機就有機會令入面嘅人受傷甚至死亡。
為咗預防有突發事件發生，例如停電，TVR 係有一個後備電源，嚟個電源足夠提供12個鐘嘅電力供應。
以上嚟啲資料都係我由wiki 度抄，咁多年嚟嘅香港好多嘢都變晒，唯一無變嘅就係學生照舊抄維基。
阿連：「咁好啦，我最多都係每日玩一兩個鐘」
我：「唉，得啦得啦，玩你就玩啦，咁多嗲」
阿連：「但係得我地兩個好似好悶咁喎」
我：「都係嘅，啊不如搵埋阿軒，阿達同啊瑜一齊玩？」
阿連：「好吖」
就係甘，我哋五條友一齊入左game
一入game，照舊都係個啲垃圾教學，有時我都唔明，隻隻rpg 都係咁架啦，點解一定要有個教學係度煩住晒
阿軒：「我頂，揸劍你到同我教同我係白痴啊」
阿達：「唔係當你係白痴，因為你根本就係一個on9 仔」
阿軒：「收皮la 7 頭，you too」
阿達：「you three」
阿瑜：「你兩個唔好鬧交la」
阿達：「留意返，我哋冇鬧交，係我單方面小緊佢」
阿軒：「收皮啦，你連我3成功力都冇啊」
我：「阿瑜，你唔洗理佢地la，識咗咁耐你都知佢哋咩料」
阿連：「冇錯，我懷疑佢兩個咁鍾意係度打情罵俏，應該係hehe緊」
阿軒：「又關你咩事呢阿連哥」
阿連：「其實就唔多關我事嘅」
阿達：「咁如果唔多關你事嘅話不如你出返去先啦」
阿軒同阿達係好朋友兼夾死對頭，佢兩個呢就好好感情嘅，但係佢地嘅溝通方法就係鬧交。
阿瑜係一個女仔，個樣試試正正，唔係豬扒或者恐龍妹嚟架，其實我就暗戀緊佢嘅，所以我就把心一橫，諗住叫佢同我一齊打下機，增進下感情，估唔到佢又真係肯架喎。
其實嚟隻game真係做得好好，場面十分嘅逼真，啲場景都好靚，淨係攞嚟睇風景都一流。
阿瑜：「咦，打完la，咁而家要點啊？」
阿達：「打完米要射lor」
我：「阿達你唔好咁變態好唔好啫，佢女仔嚟架嘛」
阿軒：「唉，女仔就唔會打機la，打得機就一定係女兄弟」
阿達：「嘩，你講咗咁x 多廢話，終於有句係合理架啦」
阿軒：「can you shut the fxxk up？」
阿達：「could 啊 7 頭，英文都未撚讀好」
阿軒：「你就未撚讀好，could 係有禮貌先用，對住你，洗撚有禮貌」
我：「阿瑜，我哋唔好理佢哋，你跟我來，我帶你去交任務」
阿瑜：「哦，好呀」
阿連：「喂，等埋我啊，唔好淨係掛住囡囡啊」
阿軒&阿達：「喂等埋」
阿軒：「你又做乜抄9 我講野」
阿達：「小學雞」
就係咁，我哋五條友就去左新手村交任務
npc（護衛軍—中將—希爾）：「你哋就係新嘅勇者」
好啦，等我為大家簡單講下佢件做啲咩，主要佢就係講緊依家嘅王國受侵襲，我哋要同心合力抵抗，但係同時，又有啲勇者會攻擊隊友。搞到成個局面十份混亂。
npc（希爾）：「而家你哋跟我嚟」
npc（希爾）：「你哋可以選擇一個職業（詳情請看角色選擇）」
阿連：「嘩，咁多嘅，點揀啊」
我：「係喎，啲職業仲要有得進化tim，嚟個係咩概念」
阿達：「阿軒，馴獸師啱你做啊」
阿軒：「點解呀」
阿達：「因為你係狗公lor」
阿軒：「屌你」
我：「唉，你兩個問問諗，阿瑜阿連，我哋揀咩好」
阿連：「我就梗係揀戰士la，咁型棍」
阿瑜：「er ，我都唔識打交嘅，咁我揀護士la，橫掂你地都唔會揀護士」
我：「啊，好難揀呀，隻隻都好似好勁咁」
阿軒：「我揀弓箭手，我射嘢最叻」
阿達：「收皮啦早泄仔，我揀法師，一陣轟爆你」
我：「咁我緊刺客la，好似好型咁」
npc（希爾）：「咁咁多位跟我嚟換一換衫先」
阿連：「嘩，好乸型棍啊，巨劍啊」
阿達：「嘩，你睇下阿軒個on9，着到成個女人咁，嘩，大家一齊笑7佢」
阿軒：「你都唔係好好多架咋，瀝實你支拐杖la，小心仆街啊」
阿達：「拐你老母，法杖嚟架」
我：「嘩，阿瑜，你着得好好睇啊」
阿瑜突然間紅都面哂
阿瑜：「係咩，你都著得好型啊」
我：「哈哈，我型就緊架啦」
阿達：「喂，阿宇，你平時唔係咁架喎，點解一同阿瑜傾計就咁君子嘅」
啊，我都唔記得自我介紹tim，我叫阿宇
阿軒：「你唔好篤爆佢la」
我：「你班仆街仔係唔係想死呀」
阿達：「唉，對唔住大佬」
就係甘，我哋就出發去緊新手村，準備接第一個任務...