紙言

《我好肯定Siri暗戀緊我》: 9.狗衝





因為身形既分別，個肥佬睇黎要追上我應該唔係一件易事，況且我輕功亦有一定既水準。但係我一邊走，一邊聽到後面既地裂聲同埋旁人既慘叫聲。

我用盡全力，躍到一個屋邨平台上以確保安全。向後一望，發現個肥佬踩過既地，全部都會凹落去，啲路人亦順其自然咁跌哂落去。

「跑動既時候造成既威力居然可以咁大?」

但係，肥佬完全冇考慮過旁人既安危。佢憎恨既眼神亦都冇變過，不斷咁加速衝過黎。

平台離地有十幾米高。就算係我施展輕功，亦都要用盡全力先上到黎。何況眼前呢個肥佬?
已有 0 人追稿