《我好肯定Siri暗戀緊我》: 21.哇
我將件衫除左，望向身前既全身鏡，發現自己胸口居然......
「哇!!!!!!!!!」
本身係房出面等我既小渝被我大叫聲嚇到衝左入黎。
「哇!!!!!!」「哇!!!!!!」
就係咁，我地兩個雙眼對望咁大叫。
到心情開始平伏既時候，天色已經漸漸昏暗。
「冷靜啲先......」小渝捉住我隻手安慰我。
但係似乎佢呢家先發覺我裸露上身。
「你呀，係咪又同人打架呀? 」小渝背向我問，突然聲線變得嗚咽:「......個心口搞成咁。」
我冇答小渝，只係再次望向塊鏡度。胸口有一個黑色既長方形，好似變左我身體既一部分咁。