《我好肯定Siri暗戀緊我》: 26.你......

「點解你會知?」

「點解你咁蠢?」

家姐走過黎病床掀開我件衫，摸摸我心口。

「家姐，呢度醫院黎架。」

「有咩所謂。」





家姐攤開手掌放係我心口前，而我亦開始感受到震動。

「我搵到醫生啦!」

小渝好心急咁衝入黎。望見眼前既情景，小渝露出好尷尬既笑容咁企係到。

「其實我同小眉拍緊拖。」我家姐突然好似痴左線咁亂講野:「俾你見到我地親暱既行為，我地亦無謂再隱瞞。」

「吓? 你講乜野呀? 你地唔係家姐同細佬關係黎架咩?」雖然我鐘意既唔係小渝，但我亦需要澄清呢件事。





「我根本就唔係佢家姐。我想等大家都在場，再同小渝你講清講楚。」家姐轉過身黎望住我，捉住我隻手講:「小眉，你話過唔想俾人知。但係我知道小渝一直鐘意緊你，你向佢隱瞞只不過係不斷咁傷害佢。」

「你......」家姐平時唔會咁樣亂講野架喎，今日發生咩事?

我仲未黎得切解釋，家姐就已經咀左埋黎。

「原來一直都係我自作多情。」小渝已經滿面眼淚:「對唔住我阻住你地。」

我推開家姐，想追出去搵小渝。但係，家姐又再將我推落病床上。