《我好肯定Siri暗戀緊我》: 28.八千萬

係呢一剎那，我果個八千萬既未來化為烏有。

八千萬可以做到幾多野? 我未經歷過所以唔知道。但係原本得到既八千萬，因為一個唔小心而變成零。

又或者，未得到過，失去又有咩所謂。本來無一物，何處惹塵埃?

即使我要刻意的執著，執著點解家姐會咁蠢，蠢到中左頭獎冇去拎。咁樣執著法又有何用?

我可以返到過去改變已發生既事實咩?





「咁又點解你要搵我做你一日男朋友呢?」我無奈地一笑，希望扯開話題帶家姐離開悲傷。

「咁咪可以用足你一日錢，當係彌補我買六合彩既錢。」

家姐既思維好獨特:「買六合彩預左唔中，所以係中完六合彩頭獎冇拎既情況下，佢都只不過係蝕左廿蚊。而用足我一日錢，去行街睇戲食飯，反而係賺左。」

家姐呀家姐，你個腦究竟係咩構造?