《我好肯定Siri暗戀緊我》: 38.六九神功

我望向天上，雖然四周都被樹木所遮蓋，我仍然感受到一絲絲既陽光。

突然之間，我感受到身體內息於四肢百駭間洶湧澎湃，頃刻間衝破左十幾個穴道。從前修練到樽頸位突破唔到既「六九神功」，當中各個未練成既穴道好似係瞬間就練成一樣。原來人係瀕死窒息關頭，體內真氣會怕走火入魔而向體外衝出，而正因如此，從此未練到既穴道就係瞬間被真氣注滿而練成。未黎得切反應，內息又如一條萬馬奔騰既瀑布一樣，由頭頂直衝至丹田，又由丹田流至頭頂。

我只感到全身精力源源不絕，全身都係無可發洩既力氣，向外微一用力。對方既雙手已經被我震開。我再順勢打出一掌「碎石掌」，排山倒海既威力擊係對方既胸口上。只聽到一聲巨響，身前既佢飛到老遠，倒在地上。

腳尖喺地上輕輕一點，我已經躍到佢身前。只見眼前既佢皮膚慢慢脫落，漸漸失去左呀爸既樣貌，變成一個冷冰冰既機械人，同之前係鏡中所見既一樣。

正當我大惑不解之時，腦海中傳來呀爸既聲音:「好! 你既潛能比我所想像大好多。哈哈!」





說罷，眼前既機械人逐漸變成一個黑洞，將周圍既事物吸入去。我拖住身旁既家姐向外用力一躍，居然成功脫離黑洞。睇黎「夢界」真係唔受物理定律所限制。