[少年監獄] 感受沙咀: 22. 對策

「good afternoon sir, 我新人組學童有事搵楚sir. good afternoon sir thank you sir !」
我發著抖,說出這句
「私事啊? 」

楚sir問起
「Yes sir !」
「咁入黎沖涼房呢邊講.」
「Yes sir !」
終於,我獲得了一個機會,去反擊這個不公
「咩事啊,衡仔?」




「Yes sir,」我深呼一口氣

「同sir報, 我既培訓蝦我.......」
我開始說出呢五日夜晚的待遇,當然一啲真係會衰好大獲既細節,我都收埋無講
然後,楚sir聽完陷入了沉思
「你講既野,係唔係真?」
「Yes sir.」我用最真誠既眼神回答
「咁你地有無打交?」

「Sorry sir ! 同sir報無 !」




「三年班既人係有少少脾氣嫁啦,你真係忍唔到佢咩?」
「Sorry sir ..同sir報我忍左佢好耐....我其實可以忍埋新人組呢七日..但係佢話就算我落山都要繼續玩我...我..」
「哇..咁大口氣? 阿勇呢個仆街...好, 呢單野,我會處理,你做好你自己啲野先.」
「Yes sir ! 」
我帶著懷疑和不安,重新歸隊

但係楚sir會唔會hea鳩我嫁?

然後,我地回到大棚,磨了一陣鞋，
跟住楚sir就宣佈了個壞消息,原來即使係大衛day,我地新人組都要上PE的





之後我們跟住楚sir,重新來到膠地,接受紅sir既"鍛煉"
楚sir亦都暫時行開,嘆他的下午茶
在PE途中,我當然又陀衰了幾次大棚,但我盡力了,就不理了
不知是否錯覺,我覺得,附近的人即使比我陀衰,不過對我的怨氣,似乎沒有剛開始的重
就連紅sir,都有些少的鼓勵
「無錯啦, 呢個位 ! 出力推上去啊! hold 住啊! 你得嫁!」
我做住抬腿的動作,奮力拱起自己的身軀

上完PE後,汗水已經浸濕了我的底衫和衛衣,冬天的冷風吹過, 凍到我直打啰嗦.
我地跟隨楚sir匆匆回到B座,但係,B座的沖涼房,熱水爐一直都開唔到..
我們苦苦在門口集隊等候,但熱水爐始終發動不了
我不斷地打著冷震,那種冰冷就像會凍入身體內部的毒液.慢慢滲入

「喂 ! 熱水爐壞左啊!沖涼沖快啲啊! 」




WTF? 姐係要沖凍水?

上一批的人,開始入去了,聽到他們的低聲慘叫後,我就知道,真的是凍水
我發著啰嗦,忍著赤寒等著

終於,到我們入去
除了底褲,我地光脫脫忍著寒冷企係花灑下舉手等報開水喉

「唔撚使報啦! 快啲開啦! 」
「Yes sir !」
我地轉身,按下了水喉制

十二度的冬天沖凍水涼,真的很巴.特別係你本身已經係冰冷緊的身體

嘩啦啦啦啦~~~~





就好像酷刑般,冰冷的水滴由花灑直接打在我們身上,我甚至感到疼痛,因為那種冰凍的感覺已經係接近痛楚.

全身的皮膚不斷起著雞皮疙瘩,我淋著水,凍到連呼吸都開始震抖.全部人都凍到春袋都縮埋一舊.所以大家都費事擦梘液.拿拿聲淋完就算

「唔使報著衫啦! 沖完就快啲抹身著底褲啦! 」
「Yes ..sir !」
穿回了底衫底褲,衛衣和外套後,我才感到溫暖開始回來,甚至還有些熱起來

大廳集隊後,
「哎..做野先,全部人出B座集隊!」

楚sir指示了下一步
「Yes sir !」
我地出了B座集隊,然後向大棚前進




我地回到大棚,大概都四點多了,
長凳開始收曬,S和J的人都幫手汁番個場,而我地新人組就企埋左係一邊On 99

楚sir亦都暫時行開左

所以我地新人組就做住旁觀,食住花生,
睇住S的人幫手抬凳返體育館,睇住J既人幫手搬枱和搬水,睇住戈sir向我地呢邊行埋黎..................

! ! ? 戈sir ??

「喂 ! 肥閪 !」

戈sir既厚實說話震動空氣,向我們嗌話! !

我以為戈sir嗌我, 因為戈sir口中既肥閪, 應該都係得我一個




但好奇怪地,無論點睇都好,戈sir既眼神同語氣,都係對住阿壯嗌的!

阿壯get到同埋受驚後,立即踎低舉手嗌了句
「Sorry sir !」

「做咩嗌Sorry sir 啊? ! 你宜家知驚了咩? !」

「Sorry sir ..?」阿壯既回應,帶著疑問

「咩啊? 你夜晚係房同培訓唔係好撚威既咩? 」

我屌...原來阿勇已經做左野.就係戈sir.

但係戈sir認錯了人
我猶疑,但都踎低舉手嗌了句
「Sorry sir ..」

而這時,戈sir身後經過的阿代培訓亦都提醒
「sir , 唔係佢啊 !」

「下! ? 唔係佢咩!?」
戈sir對住自己選的"肥閪",充滿疑惑

呢到講下阿壯既特點,佢未剪頭髮之前,其實無乜特別
但剃頭變了和尚頭後,你先會發現,阿壯既頭其實都幾大

所以難怪戈sir黎遠望過黎,會認錯肥閪

然後,戈sir尷尬笑了笑
「哎屌..仆街佢既頭咁大睇錯添..哈哈哈」

戈sir被自己逗笑了
「喂, 唔好意思wor, 阿sir睇錯左人, 同你講聲對唔住啊.」

戈sir對阿壯輕聲道
「Sorry sir !」

阿壯簡直受寵若驚
「哎..企返身啦, 所以係你啦嘛? 阿勇既新人?」

戈sir這時對我正色道
「Yes sir !」

我回應,承認這個身份
接下來的問答，應該就要決定生死了！
「喂,聽講你好撚威wor , 唔撚做體能訓練, 你好撚fit咩? 」

戈sir點起了一支煙,說道
「Sorry sir !」

仆街啦..我在心中拼命思考,順便做好了心裡準備,迎接衝擊
「咁你點解唔做啊? 死肥閪 !」

說罷戈sir提起一腳,向我大腿掃來
我身體吃痛,但都勉強撐著.
「Sorry sir !」

我大聲回應
「你唔係話唔做既咩? 黎啊? 對住我講啊屌你老母 ! 你好撚中意逃避啊嘛! 」

戈sir向我既嘴面,大吼
我被震到心神恍惚,但我知道,呢個時候既回應,只有一句
「Sorry sir ! !」

我大嗌道.
我咬實了牙根,我預備下一次的衝擊
但戈sir只是吐了口煙, 白色的雲霧在空中飄著,散了

氣氛沈靜了一會兒，然後戈sir說了最後一句



「唔做,呵呵,唔做,唔緊要,反正你都係我既人,我就等到你落山, 慢慢伺候你啊.呵呵」

說罷戈sir吸了口煙,邊笑邊走,留下了愕然的我

我開始知道,阿勇既語氣係同邊個學的了

我真係超驚...真係超驚.心中既恐慌不斷擴散.

事情好似已經到了無法婉轉的地步.

我宜家就算捱到落山,都要繼續呢啲日子了......

心中有一股燥熱冒出，我全身開始流汗，不知道是憤怒還是絕望

果一刻，有啲乜野巴得過,知道自己既未來係絕望的,而你仲要無得選，繼續踏入去?

我抱著難受的心情,苦惱著一切

之後的事，還有之後可言嗎？