屍殺大廈: Ch.11
不經不覺，已到了朝早。達叔所說的行動亦開始了
「執齊嘢！」肥雪說
「我幫你啊」眼見小纓在搬動物件，我便主動走去幫她
啊文悶悶不樂的，一不留神，他將剛才執好的都撞跌了
「我妖你！食嘢唔做嘢，做嘢打爛嘢！你返屋企瞓啦」肥雪十分暴躁
「雪！」達叔喝止他「啊文，你冇嘢呀嘛？」
「冇……冇事」他回答
「達叔！搞掂晒喇」坤仔說
「好！起程……」達叔說
「等陣！咁我點啊？」突然，後面傳來一把女人聲。回頭一望，先發現原來我之前救的師奶還在，好似忽略了她的存在……
「你乜水啊？」肥雪無奈地問
「佢係我救個個師奶…」我答
「跟到就跟喇」達叔說「齊人就走啦！」
「等陣！啊迪呢？」小纓問
「係喎……」坤仔說
隨即，啊文便裝作不知發生甚麼事
「咪撚煩喇！走喇！」肥雪開始不耐煩
「究竟我哋去邊」我和小纓在隊伍後面
「我哋要搬遷，每幾個月就要搬一次，如果唔係會畀殭屍突襲。」小櫻解釋「睇你靚靚仔仔，一表人才……但原來你咁naive，用下個腦啦」她輕輕拍打我的頭
「有腦……但係唔曉用…」我笑
你問我係咪想溝佢，我可以話係，我想溝佢。小纓佢身材又好，心地又好，分人又nice。還掂都出唔到去，不如搵啲目標，令自己充實啲，唔好咁dry
「有殭屍！」突然啊文大叫
我們回頭一望，見到啊文在打殭屍。此時，肥雪和達叔走到後面打殭屍。
「小纓睇住師奶！」我說「坤仔！我哋去幫手！」
啲人成日都話喺適當嘅時侯做適當嘅嘢，我依家已經係好好嘅例子，喺呢個時候緊係 show off 自己嘅實力畀小纓睇架啦。
「命！用呢個！」達叔遞了一個有刀刺的呼拉圈
「咩嚟架？」我問
「奪命呼拉圈呀！箍喺啲殭屍嗰身到然後轉佢！」坤仔解釋
我便拋下呼拉圈，然後出勁地轉。屍血五花四濺，場景就像公園裏的噴水池。
達叔和肥雪這最佳拍檔便照平時一樣，左右夾攻。就好似當殭屍係波一樣推來推去。
突然，又有一隻殭屍，『他』從後襲擊啊文，啊文隨即跌倒，畀殭屍壓實。
「啊迪？！」啊文說，此時大家都望着他「係我啊……啊文啊……啊迪！……」
殭屍便站起來，望了啊文一眼，然後再望向達叔他們，便走了。
眾人們都無任何反應，只是沉默着。