屍殺大廈: Ch.19
「搞咁大壇嘢有咩目的呀！啊昇！」神秘人被啊文綁住，然後摘下口罩
「啊華？！」肥雪又再次驚訝「乜…乜...乜你仲未死啊 ?！」
真係當堂嚇一跳，然後得啖笑。世事真係估你唔到。教主係小纓老豆，神秘人就係肥雪兄弟，全部人都認識大家。我眼前嘅嘢係咪只係幻象，其實我係咪發緊夢。
「溫馨嘅時光過得特別快，係時候講拜拜...」教主打斷了他們
「你究竟有咩陰謀！」啊華問
「神父！你應該好清楚《聖經》……啟示錄講過，當末日來臨，彌賽亞將會再次降臨到地上。」
「你哋就係要執行末日…迎接彌賽亞？哈！年輕人，你實在太年輕了…」達叔恥笑
「你講啱咗一半！我哋要依照啟示錄執行末日，但並唔係迎接彌賽亞……」啊文說
「因為我就係彌賽亞！」教主說
「屌！你係咪睇《聖經》睇到傻Q咗啊！」肥雪說
「都唔知你講乜撚嘢，九唔搭八」師奶說
「喺《聖經》入面，彌賽亞即係神嘅兒子…佢意思話……佢就係耶穌基督…」啊話解釋
「Sor9ry 我拜關二哥㗎！」肥雪又以客氣的語氣說
「本來迎接末日嘅儀式今晚就可以進行！但係，就係你哋班唔識死嘅人嚟搞事！」啊文說
「你知咁多嘢……即係話你不嬲都係同佢哋一黨！點解咁多年你都唔殺我哋！仲…仲幫我哋！」坤仔問啊文
「我哋明明殺咗你…點解你會冇事」師奶亦問
「四眼仔！驗下你隻眼睇清楚啦！我幫你？慳啲啦！」啊文輕輕拍打坤仔的臉 , 然後轉身望住師奶「你緊係好想我死啦…哈哈哈哈…係教主救咗我，我先可以報復，你哋點對我…我就點對返你！」啊文便舉起拳頭，意圖攻擊她，但被教主阻止…
「你哋班愚蠢嘅蟻民，為咗逞一時嘅英雄，竟然剝奪世人迎接天國，接受永生嘅機會！你哋要帶罪回到天國，接受主嘅審判！」教主說完便漸漸遞起雙手。
「都話呢棟嘢入面冇英雄得茂利架喇！」肥雪說完便站了起來，使出一拳，打擊教主
此時達叔和啊華亦解脫了麻繩，跳了出來，解決他們。
原來剛才只是拖延時間，表面上同教主講嘢，其實係拖延時間，等佢哋可以解開麻繩然後將大佬一網打盡，呢招果然厲害！
「你哋仲未領略到！你哋嘅死期到喇！」教主將肥雪他們推開，然後念咒語
此時，小纓在我後面，爲我解開麻繩
「對…對唔住呀……我…我…」小纓落淚，似乎起了後悔之心
「得…我明…佢始終係你老豆…」我冷淡地回答。本來我不想理會她，但我敵不過自己，因為我對她的感覺仍存在，而我亦相信小纓亦是這樣。
小纓解開了坤仔和師奶後，便走到她父親面前，跪地哀求
「阿爸！停手喇好冇！收手啦！呢個世界上係冇永……」突然教主徒手箍住小纓的頸，抬起小纓
「你已經冇利用價值！你同一班行屍走肉嘅人一齊啦！」此時小纓面色變得青白，無力自立。
我邊拿起鑊鏟，揮落教主的頭上「達叔！走啊！」我企圖分散教主，讓達叔他們脫離。同時我便抱起小纓逃走。