最後一單大茶飯-修訂版: 第八回-鍛鍊

接下來我地開始練習打劫既流程。
 
豎立既罐頭被一個個稻草人所取代。
 
搞屎雄將一個個稻草人排好位。
應該係根據個間鋪入面人既走位擺。
 
「好，今日，我地要排練大家茶飯既走位。」
 
「首先要搵一個打頭陣既。」




「我、我、我、我、我……。」我毫不猶豫，舉手搶依個位置。
 
但搞屎雄完全忽視左我既熱情。
「依個職位當然由我地既j神哥擔任啦。」
 
係到R緊j既偽毒j神，當頭嚇左一跳，然後得一啖笑。
「下，我依d人材恐怕擔當唔起喎。」
「不如，都係留番個位比呀底褲兄啦。」
 
「我個名唔係底褲。」




「你唔叫我一直都唔知你叫咩？」
 
「Hi，j神你咪轉開話題，依加個位置，你一定係最佳人選。」
 
「其實。」小張用佢個把嬌嫩的聲音說話。
「hi，蘇利(sorry)。係，有咩事呢？」
 
金主，果然係金主。金主一出口，平時一口惡言既搞屎雄都立刻溫柔數分。
定其實只不過係小張既魅力。
 




其實小張係某個角度黎睇，就好似一隻好可愛既小動物。
見到佢，人心底中既溫柔，無論平時藏得幾深，都會比依隻小動物既氣質，
好似磁石咁吸晒出黎。
 
「我都想知底褲兄個名。」
 
「我都想知。」平時話唔多既古明華都話。
 
「竟然，大家都想知……。」我深深吸一口氣。
 
「我個名就係十四年駐守香港九龍西油尖旺區旺角沙士笠底褲雷兄食底褲既底褲佬。」
 
「好啦，其實我揀j神打頭陣既原因係佢既外貌實在太無辜啦，任何人見到佢都唔唔會起疑。」
 
「原來係咁呀，我個人認為都係底褲佬岩做依個職位多d喎。」




「我認為j神一定能夠勝任依個位置。」
一聽見小張既說話，J神立刻成個人軟晒。
「就當係為咗我呀。」
「既然小張咁講，我相信自己一定能夠勝任依個位置。」

古明華對此好似無咩意見。
 
而我就徹底咁比人無視左。
 
「你入到去之後，先去依個位置。」
搞屎雄開始係到認真咁教j神點樣做。
 
係到等搞屎雄對j神既教導完畢，依段期間甚在係好無聊。
 
我又係某處汁起d鋁罐。




我試下先將距離縮短。
 
上一次練槍個罐離我既距離大約有600米。
而家我將距離縮短到只有500米既距離。
 
我拎起把ak12，腦諗住古明華射擊時候既姿勢。
 
我記得佢係右手汁槍，左手扶助，槍柄頂係個右手既膊頭度。
 
學習既根本始終係模仿。
當你模仿到有幾分，好快學個樣野就會出現自己既風格，玩到似模似樣，
出神入化。
 
砰，鋁罐跌到。
依個距離對我黎講並唔難。




 
「依個時候，你要扮傻，吸引大家既注意。」
只見搞屎雄仲係到教J神。
 
我就繼續調整鋁罐既位置，今次係600米。
 
目標越遠，困難就越高，因為所需既控槍既技術就越高，子彈既軌道好容易就會比一點細微既因素影響，些少既風大，自己既呼吸……。
依把ak12可能無ak47既後座力咁勁，但駕馭佢既難度絕對唔會係低於佢。
 
說時遲那時快，我已經按下扳手。
 
子彈在按下扳手既瞬間，射出。
 
彈殼掉出。
 




Hi，auntie射唔中。
 
「其實，我…我可以俾少少意見比你。」
小張唔知咩時候，係搞屎雄個邊行左過黎。
 
應該都係覺得太無聊。
 
「好呀。」
 
「你見我發射既時候，姿勢並無好標準，但係我居然可以全中。」
「其實，最重要都係心境，你個心一燥，太緊張，就好難會射中目標。」
 
「原來係咁。」
唔怪得小張既槍法咁好。
上次睇見佢射擊既時候，姿勢無特別好，把槍渣到分分鐘會跌落黎咁。
 
但佢好隨意就射中晒。
 
我又參考左小張既意見，
隨意起黎。
 
結果完全係弄巧反成拙。
我不但無改善到，反而仲差點射中小張。
 
「睇黎，我都係自己摸索下好啦。」
「唔……唔緊要。」小張既模樣好似比岩岩既情況嚇到魂魄不見七分。
 
佢慌慌張張咁行開左。
 
有時有d野都係要靠自己摸索比較好。
我繼續練習，大概就黎捉到手感既時候。
 
「喂底褲佬，到你出場啦。」
依個時候，搞屎雄叫住我。
 
我行過去睇下咩料。



----------------------------------------------------------------------------------------------------------------
植入式作者的話:
小弟平生無咩叻，最叻係道FFd故仔，
如果鍾意我既作品，歡迎黎我既專頁 ​
https://www.facebook.com/graylittledog/ 
比我一個Like，比我知道你既支持，比我有更大既動力去創作。

想睇我其他作品，或者想追故仔最新既動向可以去依道
https://www.shikoto.com/author/11830/%E7%81%B0%E8%89%B2%E5%B0%8F%E7%8B%97.html