最後一單大茶飯-修訂版: 第十五回-二五仔
我繼續搵聲音既來源。
行返出樓梯口，探頭向下望。
係一對對黑色閃亮既靴，聲音既來源一定係佢所發出黎。
物似主人形，黑靴既主人們同樣係黑色既，佢地既臉上皆被漆黑掩蓋，只靜番兇狠既眼神，同埋性感既嘴唇。
敏銳既直覺話比我知，佢地唔好惹。
我即刻一個轉身入番安全屋。
果D致命既答答答聲音係我既耳邊消失，但我知道我地既時間變得好緊急，好短促。
「大護，出面成班黑衣特警。」我驚慌失措咁叫出黎。
屋內既人聽到我講既野，一一擺出驚慌既樣。
「無可能既，佢地點可能知我地係依道既？」
平時見慣大場面既搞屎雄，佢臉上既然出現一滴滴既汗水。
「J神，佢係邊？」
「我搵過厠所，唔見佢。」
「條契弟實係反骨仔！」
小張跪係一角開始係道作無聲既哭泣。
「J神，佢點可能係二伍仔呢？」
我諗起當日我地稱兄道弟、佢對我講出對小張個份真摰既感情。
酒後吐真言既俗語，唔通只係用黎扼一d未經世俗風塵沾過既人？
我用我對雙眼，見證J神由一個笨手笨腳既偽毒，蛻變成一個真材實料既漢子。
我唔相信，我唔相信J神會係一個咁既人。
整間屋此刻有一股好複雜既野係到盤旋緊，係被欺騙既悲痛，係被背叛既憤怒，係無法接受現實既沉默。
答答答…答答答，咁D令人煩躁既聲音又出現，而且越來越近。
「我地依家點算？」小張用佢個把無既聲線講將家拉返至現實。
搞屎雄並無理會佢，佢恢復咗冷靜，拎出電話。
「喂，古明華，而家咩狀況？」
「你就快到西貢？你後面係咪有車跟緊自己？未有！？咁你燒咗d貨佢。」
佢講完電話，
「砰」門口繼而係一道爆破。
說時遲，那時快，
我望見成個紅牛罐頭形狀既物體掉咗入黎。
我雙眼充滿既再唔係驚愕，而係一片光明，光到隻眼會痛果種光。
同時，我feel到我比人推咗落地下，跟住後頸傳黎劇烈既痛楚。
唔知過咗幾耐，視力終於勉強回復，只能望到朦朧既黑影係一片白光之中圍住我，果種feel真係同上咗天堂差唔多。
我覺得係依一刻我死左。
但係我諗真d，我去咗食大茶飯，點可能上到天堂。
我意識到我仲係活生生既。
我嘗試用雙手感受一下自己活生生既肉體，
遺憾既係我雙手都比人鎖住左。
沒幾耐，白光化為一盞燈，朦朧既黑影化為清昕既線條，係我面前既係一睇就知好有前途既年輕人，頭係周柏豪，臉係梁潮偉，身著住西裝，出到街一定大把女追。
「你終於都醒啦。」
無可能既，依把聲未係屬於J神既，點可能出現係一個有為青年既身上。
「你……你係J神？」
「衰鬼，好耐無見。」
聽到佢咁講，我即刻有一個衝動想揼佢。
「Wowowowo，take it easy man。」
佢一副好輕鬆既語氣，令我更加想揼爆佢塊死人臉。
「想打我呀？」
佢係身上某處拎咗串鎖匙出黎，係我面前搖下搖下。
「你知唔知，我做鬼做咗幾耐？」
「我剩係知你背叛左我地。」
「係三年…」
佢並無理會我，繼續係到講。
「三年之後，又三年，十年都黎啦。」
「你知唔知，我點樣係依十年既人生活過黎？」
「每日，我都要同自己講，我個名叫Jason，我從少就比人玩，所以我立志做古惑仔，玩番人地。我幾驚比人聽到依段心底話，但我終於捱到過黎。」
「唔通依D都係假既咩？」
「我阿頭話我外表點睇都係一個死毒男，實無人會懷疑我，所以就派我去做鬼。」
「唔通，你同我地一齊咁耐，一D感情都無咩？」
「你地班友諗野咁out data，依家道義可以當飯食咩？有奴性就得啦。你去食餐大菜飯，當你真係分到一百萬，剩係夠你上樓，做樓奴。上到報紙，上到電視，人地最多記住你一個月，之後大家繼續做生活既奴隸，而家D人淨係記得玩部電話。」
「而我就唔同，我可以番入去做番我本來就係既人，過番d我應該過既生活。」
「咁小張點？你唔理小張？你唔係想同小張結婚咩？」
「我講咗咁耐，你究竟有無聽既？」
「一切都係我既演技，我唔會再同你玩果d江湖道義既遊戲，小張的而且確係一個幾靚既女仔，但咁既事已經完全唔關我事啦。」
「無可能既，無可能既。」
係依一刻，我崩潰了。
「你不如諗下定樣坐少d好過啦。」
「刑事坐三到七年走唔甩。」
J神既語氣好似軟咗落黎，
但我已經咩都唔想理。
我只係想用雙手掐死眼前依個冚家拎。
----------------------------------------------------------------------------------------------------------------
植入式作者的話:
小弟平生無咩叻，最叻係道FFd故仔，
如果鍾意我既作品，歡迎黎我既專頁
https://www.facebook.com/graylittledog/
比我一個Like，比我知道你既支持，比我有更大既動力去創作。
想睇我其他作品，或者想追故仔最新既動向可以去依道
https://www.shikoto.com/author/11830/%E7%81%B0%E8%89%B2%E5%B0%8F%E7%8B%97.html