【忍左好耐】【包包】某女歌星和我的一霎光輝: 【一】
【一】
曾經我諗過, 我呢世人會溝到咩女呢..?可愛既.?溫柔抑或這些機會.,,,.?
我叫呀風, 一個無撚用既90後, 屋企老豆老母分居
係中學入面不但搵唔到女朋友, 係連朋友都無.
因為由中二開始, 我就開始俾人排斥. 至於排斥成點咁我唔多講.
仲之以上既野令我慢慢走向網上世界去尋找另一個自己, 去搵俾人愛既感覺
當時既我可以講做係狗公,
咩野著名狗公搵女網hk2l__e, 一_館......全部都唔難搵到我既相同留言
果時我見到個樣好少少既就狗衝過去.
希望佢地會肯餵我食"狗糧".
當時有時網上愛情既野, 一切都係講數字遊戲
比如話你cm10條女, 一定會有一個應你,
至於有無下場, 有無甜野就自己慢慢估
話說有一次我係hk2l__e個chatrm搵食,
講講先, 果度既chatrm係icon 有無相都得.
什至佢係仔定女都可以亂吹
咁我就如常放左學.
開首歌做backgroup music就用chatrm溝女等運到.
果時chatrm都係得50人到,,男有三十幾個女得十幾個到
仲未計D掛chatrm左既人
好多時我都係要主動打HI, D女女先會應番我,
但好奇怪, 果一日居然有個粉紅色名既人hi 我
我睇睇佢個名,,, ~人生如歌~
我再入去佢個profile度睇
icon無相, 得一個xanga既website,
入左去佢個xanga 有加密左.
果時心諗, 屌佢係咪男人黎玩尻我.?
因為果時個chatrm全部男女都係mk名,
呢個名咁正常又無圖無真相咁,
我絕對有理由覺得佢玩我.,
咁我就繼續同佢傾下, 睇下佢會唔會俾相我同chook下佢係咪玩我.
oo0紙哎瘋0oo(以前mk名, 唔好屌):我可以點叫你呀?
.
.
~人生如歌~: 包包
oo0紙哎瘋0oo: 你點解無相既,?
.
.
.
~人生如歌~:因為我都唔多影相,
oo0紙哎瘋0oo:可唔可以俾妳xanga pw 我,:) .
.
oo0紙哎瘋0oo:係咪忙緊呀.?
.
.
.
~人生如歌~:係呀, 不如俾你sms我, 我地之後再講呀.
俾左之後, 我都以為佢唔會再搵我
但點知係我有一日上上下堂既時候
部電話係個櫃筒度震
我睇一睇, 係一個我無入到電話既人sms我.
+852 6XXX XXX8 (果個女星呢家仲係呢個number)
我係包包, 之前係hk2l__e既, 記得我嗎,?
我就之後慢慢同佢傾,
但由果一個msg開始
原來我不但多左一個朋友
佢仲係我以後都忘記唔到既人
原來慢慢發現, 佢係佢學校都唔係一個好受歡迎既人,
因為佢比較中意表現自己, 所以係學校既女同學都好憎佢,
而更加因為佢既環境令佢少接觸異性
所以更加無朋友, 莫講話有愛情
而佢家屋企比較苛刻,, 好少比佢去街
因為佢地屋企好愛好音樂, 所以由細就培養佢學音樂彈琴.
雖然佢彈琴都ok叻
但佢反而鍾意唱歌
慢慢我地由講D好普通野
講到大家既心事,
學校既生活
屋企受既壓迫咁.
其實我當時一直想話打俾佢.
不過佢屋企人唔俾佢同男仔講電話
直到同佢msg左3, 4個月
佢突然問我,
係咪仲想知佢xanga pw 入去睇佢既真實一面......
(續)