【忍左好耐】【包包】某女歌星和我的一霎光輝: 【五.一】
【五.一】
再次再次重臨呢一個公園仔,
長椅旁邊既花轉哂做聖誕花 ;
而背後既一棵榕樹
已經因為聖誕而佈置得好有冬日感覺
隨住樹枝圍繞住一條著哂彩色閃光球燈既電線
樹椏上又蓋上一層白白人造雪,
而係榕樹旁邊有一個新既三角琴
個琴打開左個蓋, 應該有人用完唔記得闔番好,
而係每一盞唔同色既閃光燈同公園街燈互相輝影著
令到成日黑夜變得淒美.
好奇怪上次黎都無呢D野,
大樹依舊
感受卻完全唔同
或者, 呢一年既"提早"聖誕會係我其中一個唔會忘記到既日子
我睇睇手上既錶
一點了, 我開始準備我要做既野.
可能呢邊呢個公園比較少人行到,
主要出入都唔會點過到黎
所以就算係怕"於"都唔會咁驚.
可能一邊準備, 一邊緊張
一邊感覺時間過得好慢,
"kock koCk kOCK KOCK "
係夜晚入面好安靜
就算自己既透氣聲都會聽度.
突然間由遠處傳黎既腳步聲開始響過,
我知道我一直等緊既人
好快會出現
由呢度睇住果個身影行過黎之後
突然之間又兜左路.
我果時好驚
佢係咪見到我所以唔過黎,?
佢唔想見到我.,??
果個身影係另一條路一直行,
我估計佢應該係想去個琴度.
由於佢愈黎愈近我既視線
我慢慢就知道果一個熟悉既身影
就係我拖過擁抱過
一直掛住既包包
包包行到琴既前面,
佢放低佢手袋係琴椅度
然後行去三角琴前將個琴蓋闔番好.
包包望住個琴停左一停
然後又番番去琴椅度.
佢開始開琴彈歌.
雖然我肯定佢既彈得好細聲
但我知道佢彈既係一段英文歌既開頭
當去到CHROUS 時候
XX XXXX XXXXXXXX
XXXX XX..XX..XX
只見到包包彈左果一段開始彈得好差
重覆彈左幾次
然後突然一切都黎得好快.
佢垂下頭,
音樂安靜了.
換來的是一絲絲既飲泣聲
(續)