港女的校園生活: 中學的事故
之後因機緣巧合之下Kitty就再冇係小學同Elaine同班，反而係中學又撞返Elaine，仲要同一班添。因為小學同中學係一條龍，所以中學係100%收曬所有學生，除非自己報出面學校讀，否則都係中學部度讀書家啦。中學係拍拖嘅高峰期，Elaine係小學嘅時候都有拍拖，不過Kitty係開學嘅時候都唔知Elaine男朋友係邊個。有一日，Kitty唔知因為咩事所以早退，第日返到嚟學校，就俾Elaine同Elaine嘅朋友bully，平時同Kitty玩開嘅一班朋友都唔理Kitty反而同Elaine玩。Kitty都唔知咩事 ，就不斷問人，後來得知原來Elaine比唔知乜嘢傳言聽到Kitty同Elaine個男朋友有私情，但係明明Kitty連Elaine個男朋友都唔知係邊個， 又點樣有私情？之後又因為佢嘅港女脾氣，搞到好多人都好憎佢，所以Elaine啲朋友就決定同Kitty一齊bully返Elaine，就連Elaine男朋友同埋佢啲朋友都一齊bully Elaine，搞到Elaine同佢男朋友分手，喺bully期間，因為佢冇朋友，所以同左一班邊緣人一齊玩。中二嘅時候， Kitty同Elaine嘅關係都好返啲，所以學校旅行嘅分組Kitty係同Elaine，Dorothy，Carmen仲有Gogo一組。 當日，大家都除咗Elaine之外，大家都好努力咁樣起爐BBQ，只有Elaine係到嘈住曬話要食野，不斷喺度鬧Kitty佢哋，結果Kitty佢哋好不滿，所以就唔俾Elaine係佢哋嗰組到燒嘢食，但係Elaine除咗佢哋之外就再無其他班嘅朋友，結果Elaine成日淨係坐喺度，一樣嘢都冇食過。返到學校之後，大家都不斷咁樣搵人影相， Elaine都唔例外，但係因為燒嘢食嗰件事傳到全級都知道所以，冇人同佢影相。Elaine返到屋企之後喊住咁同佢媽講話Kitty佢哋蝦佢，唔俾佢一齊起爐唔俾佢食嘢，但係明明就係佢自己乜都唔做淨係識喺度嘈。