［童叟無欺，真正短篇］香港都市傳說：判若「兩」人（實體書已登陸各大店鋪，希望大家多多支持）: （九）抉揀

（九）抉揀
 
「你好，我係偵探社嘅Tony，我哋搵到個同Lena一模一樣嘅人，不過搵到嘅女仔唔係叫Lena，而係叫做王彩亭。」
 
「王彩亭？」
 
「係，不過......呢個人有啲奇怪……」Tony的說話吞吞吐吐，好像不知如何跟阿儀解釋才好。
 
「奇怪，有咩奇怪？你直接啲啦好無！」
 




「其實呢個女仔喺五十年前神秘失踪咗，就算仲生存都已經唔後生。其他嘅我都唔識講，我將啲資料Email咗畀你，我唸你睇一次會清楚啲。」
 
阿儀掛斷電話後，便馬上檢查電郵。
 
「王彩亭，1942年生，失蹤嘅時候25歲。佢個樣……」
 
阿儀仔細看著電郵中的內容，王彩亭的樣貌跟Lena的確十分相似，但沒有Lena那麼漂亮，亦缺少了那份誘人的魔力。
 
王彩亭的資料沒有甚麼特別，她的一生都十分平淡，平凡得令人有點生厭的程度。
除了這點外，基本上沒有甚麼特別。




 
「呢啲資料有咩用呀！可惡……」正當阿儀想關掉電郵時，最後那張照片卻引起了阿儀的注意。
 
雖然那張只是普通的黑白照，整體上跟先前的照片沒有太大分別。
但是，阿儀從照片中也能感受到，她就是Lena！
 
應該說，她雖然仍是王彩亭，但她確實擁有了Lena那種獨有的魅力。
 
「無可能，點會噉……」
 




阿儀仔細觀察，幾乎已肯定照片中的正正是Lena。
而最令阿儀感到驚訝的，是照片下的資料，在王彩亭失蹤前的三個月，她改變了。
 
在那段期間，她跟阿儀一樣，可以說是要風得風，要雨得雨！
然後，到了第九十九天，王彩亭從這個世界上失蹤了，好像從沒有這個人存在過似的。
 
「Lena，佢就係Lena……」
 
阿儀不斷重覆看著王彩亭的資料，希望能找到一些可以助她解決這詛咒的方法，可惜卻一無所獲。
 
但是，阿儀卻發現了一個她和Lena的共通之處。
大概，阿儀就是這樣被Lena看上了。
 
之後，在無法找到Lena的情況下，阿儀迎來了第九十九天。
 




「你嚟啦？」阿儀在豪宅裡安坐著，總算等到Lena出現了。
 
「咦？睇嚟你過得唔錯喎，你果然同我好似，識得利用呢種力量去得到一切。」Lena手上拿著一杯雞尾酒，站在阿儀面前。
 
「王彩亭，點解你會變咗做Lena？」阿儀稍為激動地說。
 
「我都知道你一定會搵到我啲資料㗎啦。我點解會變做Lena唔重要，重要嘅係，你應該想知道，有咩方法可以唔畀另一個自己去取代你，係咪？」
 
「真……真係有辨法？」阿儀聽到後，不能置信地問。
 
「當然有啦！」Lena笑說。
 
「咪住……如果真係有辨法，點解你當初唔用呢個方法，而要變到依家噉？同埋，我嘅生辰八字、血形等等全部同你一樣，我唔覺得呢個會係偶然。我唔會畀你呃到！」阿儀緊張地說。
 
「你果然同我好似！不過你放心，我無呃你，當年嘅我都有提出相同嘅問題，只不過我失敗咗。」




 
「你……真係無呃我？」阿儀半信半疑地說。
 
「乜你覺得，你仲有得揀咩？」Lena笑著說，的確，眼下的情況，也不由得阿儀去選擇了。
 
「噉……究竟我要做啲咩先唔會消失？」
 
「好簡單，你只需要做出選擇！你要選擇，到底係你消失，定係你父母同細佬消失！哈哈哈哈！」
 
「咩……咩話？」阿儀不能置信地看著Lena。
 
「好簡單啫，你只需要講一句，佢哋三個就會變做我嘅能量，成為我嘅養份。你睇，呢度就係之前我收集嘅能量，因為能量會消耗，所以我先要不斷製造新嘅能量。你願意嘅話，你唔需要消失，我亦可以收集到更多嘅能量，對大家都好！」Lena變出一本收集了滿滿紅色卡紙的卡片簿，高興地展示給阿儀看。
 
阿儀看著Lena，腦海裡一片混亂，根本不知道如何選擇。
 




「阿儀，最後機會啦，仲有唔夠一分鐘，你就會消失。嚟啦，話畀我知你嘅選擇啦！」
 
Lena笑看著阿儀，到底，阿儀會如何選擇呢？