30歲的最後一個月， 我成為了一個職業賭徒。: 第四章

 
到底是什麼人發明了俄羅斯輪盤?
 
我在發財車裏面用手機搜尋著這無謂的冷知識， 結果發現原來地球上第一次出現「俄羅斯輪盤 」的原型是在文學小說裏面，那是一個接近一百年前身處美國的小說家，飽歷貧富懸殊，最後透過寫作冒險故事維生，在他數個關於一次大戰故事裏面有所提及。當然，「俄羅斯輪盤 」是指在左輪手槍入了一發子彈的那種玩法。
 
 
「都叫咗你好收手㗎啦 ! 」 隔離行座位的女生說。 她看起來20歲左右，T恤熱褲，青春無敵。
 
「啊 !  而家就怪我 !!! 贏得好開心嗰陣冇你份嘅  ?」  另外一個男生說，他穿著 hollister T恤，短褲波鞋，普通大學生的模樣。不必多說他們一定是情侶。
 




「贏左開心又唔得嘅 !  咁輸返少少個陣都仲叫有贏丫! 叫你走你又唔聽 !!! 」
 
「 咁我見你話好開心吖嘛 !!!可以買好多嘢畀你吖嘛!!! 輸咗咪唔夠錢買囉!! 咁我咪想追返囉!! ! 」
 
「啊 ! 即係而家你輸錢就賴我 !!!  我有要你買好多嘢畀我咩 !! 你知唔知你輸咗嘅錢夠買幾多個葡撻呀  ??」
 
接著他們互相埋怨， 男的開始怪女的給予壓力 ，  連平時大學飯堂請食頹飯也開始拿出來計數。女的開始讚頌自己慳儉的和忍耐，埋怨男的好勝和不切實際。
 
 
最後我終於聽到關鍵詞語了。




 
那男生說  : 「輸咗三千蚊，咪當買個教訓囉 !!! 最多我放左學做多啲補習盡快追番囉 !」
 
女生咽哽的說  : 「至衰係你呀，本來今次旅行玩得開開心心.......」
 
 
三千元，跟我的情況相比還真的十分可笑。但想深一層，以大學生來說又真的是十分多， 那價錢大可以吃得非常好和體驗更加多的事情。
 
那女孩讓我想起誰人，當然不用我再次多解釋。
 




 
 
於是我下車的時候做了一個超級蠢事 。
 
「 喂哥仔 !! 呢度三千蚊 !!你哋唔好再嗌交， 你以後唔好賭 ! 同埋以後對女朋友好啲....」
 
那男孩呆著把錢收了。
 
 
我轉身就走，只聽到他大聲追問 :
 
 
「先生多謝你呀 !!!  你今日贏咗好多錢呀 ???」
 
我回頭冷笑了一聲:




 
 
 
「我今日輸到仆街。」