《遇上妳》

今次嘅夢好特別，我夢見我同一個吾識嘅女仔去街玩，過程都幾開心㗎，大家都有講有笑，但係吾知點解，最後個女仔喊住同我講「對吾住」
然後就轉身跑走，當我想追上去問佢個陣，我就被人叫醒咗。最估吾到嘅係，呢件事之後真係發生左，仲要影響深遠。




「喂，你好起身啦，再吾起就遲到㗎喇」一把粗獷嘅叫聲，喚醒咗我呢隻沉睡嘅小綿羊
「遲咩到啊，暑假都未放完啊。」我睡眼惺忪咁講
我心諗「如果你吾係老豆，我一定一巴掌車落去」
「訓慒咗你啊，今日9月1號呀！」我老豆今次真係一言驚醒夢中人啊


我再望一望部手機，心諗「呢鋪仆街啦！」我即刻9秒9起身去刷牙換衫，狗衝出門口。
 你可能會問我，點解我會咁急，妖你，梗係趕往返去抄功課啦。
我呢個暑假除咗打LOL之外，真係咩功課都冇做過囉。（這是常識吧）
說時遲 那時快，好彩我屋企同地鐵站吾遠啫，話咁快我就跑到去地鐵站。
上到月台，人吾算太多，我就向住車頭方向走，去番平時企開嘅位等車 。



係喎，嚟到呢度我都仲未介紹自己，小弟我叫林文傑，今年中五，身高大概168，身型同個樣都係一般般。
住九龍但係係港島東讀書，可能你會問，咁你點解吾係九龍讀書啫？咁我小學呈分試考得差嘛。


唉，吾講咁多廢話啦，入番正題先。



 當我等緊上車個陣，有一個女仔行緊過我呢邊，離遠望到佢，已經有一陣陣嘅仙氣飄過嚟
佢同我隔咗一個車廂嘅距離，我靜靜雞咁偷望佢，目測嚟講，
呢個女仔都大概有163 ，都幾靚女㗎，眼大大，著住套白恤衫，紅綠色格仔裙，
仲好似係好文靜個種添。（之後識落完全吾覺佢係文靜 XD）
查實昅女呢家野呢，又昅得到，又吾佢比知，都真係幾需要技巧㗎，由於小弟冇咁嘅天份，所以昅多兩眼就算。




搭到去油塘站，先發現「依，原來佢都係轉車過港島返學㗎」，轉線之後仲要企係我面前
有靚女喎，梗係望多兩眼啦，好彩車廂入面人多，佢應該發現吾到我嘅。
不過佢之後係北角再轉往堅尼地城線，我就北角出閘轉巴士上山。
係坐上山個程巴士，我係度諗「我會吾會仲有見到佢嘅機會呢？不過，這些機會不是屬於我的……」