簡介

想知題目嘅意思,快啲入嚟下啦! 呢篇文章係我嘅第一篇文章,希望大家可以支持我!



其實有一日,就係我玩緊冰嘅時候,我突然有感而發,我覺得冰同人其實真係好似係因為⋯⋯

冰一開始嘅形狀係不規則,冇一個係一模一樣嘅,而人同樣每一個人都唔會一模一樣

但經過時間同人為操縱,都會令冰同人一樣都會變得圓滑,冇咗自己嘅個人特質。

時間可以令冰成為一個全新嘅冰,同時可以令到一個人變成一個完全陌生嘅人

而因人為嘅操縱就係,冰因為人嘅喜好而改變得面目全非,人就係因為別人而改變自己生活習慣,亦可能係冇咗自我,變得好似只係為了別人而活。



各位睇到呢度有冇覺得冰同人好多共通點,如果冇亦都唔緊要嘅,因為以上嘅只係我個人意見。

其實我覺得就算有咁多共通點,不過最重要嘅係人有一個同任何嘢都唔一樣嘅一點

就係我哋係有自己嘅思想同有自己嘅主見

所以我哋就更加唔應該好似其他嘢一樣

我哋應該擁有自己嘅主見有自我,要為自己而活唔好咁容易因為其他人而改變,亦唔好為呢個社會而去改變,因為我就係我,係一個獨一無二嘅自己



我亦希望大家可以因為呢篇文章,而去思考下自己值得去為其他人改變咩?

不過如果可以因為別人提醒,改咗自己一啲嘅壞習慣,或係對方為你好先令你去改變,咁樣亦未嘗係一件好事嚟嘅!

最後呢篇係我第一次作嘅文章,首先多謝大家睇呢篇文章,亦冇睇到一半就放棄,雖然我嘅文筆唔係好好,所以我呢篇文就算係好唔好,都希望大家可以比個評語我!可以令我有進步!