自從住咗hall先知，扑野原來可以咁簡單: 《十一、等一個人回頭》11.1
「Leslie，有啲料到喎。」Coral另眼相看咁望住我：「幾日你就練好呢個動作，做得幾好喎。」
「係呀，我真係有返去練架。」我好開心咁笑咗下。
「繼續努力喇。」佢又拍一拍我，今次臉上掛住嘅笑容同上次完全截然不同。
Angus係遠處望咗過嚟，同我單咗下眼。
我以一笑回應，之後我地就各自繼續練習。
今次排練完咗之後，我地如常地跟大隊食宵，今次返hall嘅人就只係得我同Angus兩個。
「我地都照搭的士返去？」我地同其他人分道揚鑣之後，企咗係路邊。
「你趕唔趕住返去？」Angus側頭問我：「唔趕嘅話，我地行返去囉。」
「吓，呢到行到返去架咩？」我好驚訝咁問佢：「都幾個站架喎。」
「梗係行到喇。」佢拍哂心咁講：「得喇，信我喇，跟我行。」
我地沿住太子金魚街向白加士街方向行，之後轉入酒吧街方向，一直咁向前行。
「你成日行路返去架？」我好奇地問。
「得閒咪行下囉，食飽又可以消化下，又可以慳返幾廿蚊的士錢。」佢不以為意咁講。
「你唔覺好遠架咩。」我見到我地身處嘅位置，距離hall尚有一大段距離。
「行起上嚟就唔覺遠架喇，平時我自己行，聽下歌好快就會到。」
十月份嘅秋意漸濃，晚風比日間嘅來得清勁；咁樣行唔單只唔覺得攰，而且仲覺得異常地舒服。
行行下我地已經去到又一村嘅位置。深宵嘅又一村渺無人煙，一個人行可能有啲恐怖，不過有人陪又覺得呢條路清幽得嚟幾平靜，係個散步嘅好路徑。
「又幾快喎，都就嚟去到達之路。」我望望前方：「可能有人陪，都唔覺行咗一段路。」
「都話好快架喇。正呀呢，呢個天氣行好舒服。」暗黃嘅街燈影照住我同佢嘅身影，拉成一對長形剪影，照射係青瀝嘅石屎地上，緩緩地向前移動住。
「唔係你帶我行，都唔知可以咁樣行返去。」
「而家你咪知囉。」
之後我地都沉默不語地繼續行落去，雖然空氣係格外寧靜，連係遠處駛緊嚟嘅車聲都可以聽得一清二楚；不過並無之前係的士上面個份尷尬。
「係呢，之前係hall都無見過你，你好active架？」佢望一望我，之後又望返前方。
「ok喇，會玩下啲活動咁囉，下年仲想住呀嘛。」
「我其實都想係hall玩多啲，不過好多時我都拎哂啲時間去跳舞，所以都無咩時間可以參加hall啲活動。」佢嘆咗口氣：「我諗我下年都應該無機會住hall架喇，我咁摺。」
「咁呀，趁今年玩多啲囉，而家先十月，仲有成年可以玩呀。」
「我咩人都唔識架喎。」
「下次有活動叫埋你囉，如果你得閒嘅話。」
「好呀，你話架。」
－－－－－－－－－之後嘅日子，我同Angus雖然無whatsapp聯絡大家，不過都不乏見面嘅機會。
除咗排練以外，佢喺hall有咩要借要幫忙都會搵我。
「喂，係咪hall呀？」電話另一邊嘅背景好清靜，Angus應該係房，個時大概係凌晨三點幾左右。
「係呀，做咩。」
「想問你借洗衣粉呀，我無哂底褲著啦，今晚一定要洗。」佢好誠懇咁話：「唔該你呀，Leslie姐。」
「哦，我有呀。而家你上我房拎？」
「落lobby等呀，陪我食枝煙。」
之後我地行咗出宿舍外面嘅位置，果個唔係一個正式嘅吸煙區，不過大家都似乎習慣係呢到食煙。
「咁夜先嚟洗衫，痴線架。」我笑住咁鬧佢。
佢好純熟咁點起咗枝煙，之後吸咗一大口，並緩緩地吹出空氣中，令我眼前頓時炊煙裊裊。
「日頭邊得閒呀，同埋呢啲時間洗先好呀，唔洗同人爭機用。」佢向我單一單眼。
「你啱啱先返嚟？」我望住佢一身出街裝扮，應該連涼都未沖。
「頭先練完嘢之後食咗宵先行返嚟，差唔多喇。」佢抆起自己件Tee-shirt：「屌，未沖涼，好撚臭。」佢用力地索一索：「你要唔要聞下？」
「痴撚線，唔要呀。」佢將身體靠近我，之後我推開咗佢。
「哈哈，洗唔洗咁驚。」
「你快啲洗完返上去沖涼喇。」我擺出一個故作難受嘅樣子：「唔洗哄埋嚟我都聞到你啲汗味啊。」
「但我今日好撚攰喎，周身肌肉痛。」佢側頭按按自己嘅頸部：「一陣你有咩做呀？」
「無咩做，返房上網囉。」我不明所意咁講。
「咁你一陣去我房喇。」
「去你房做咩？」
「做我骨妹，幫我按摩。」佢食埋最後一口煙之後，同我講十分鐘後去佢房搵佢。
十分鐘後，我收到佢whatsapp叫我可以落去佢房搵佢。
雖然心裡面有絲毫猶豫，不過我都係照樣去咗搵佢。
我諗按摩啫，應該無咩事嘅。
我推門入去，見到Angus一頭濕髮，正用緊風筒吹頭。
「嘩，你咁快沖完涼嘅。」我直接走向Angus身邊，指住佢隔離張床：「你架可？坐唔坐得？」
「隨便喇。」佢繼續吹頭，同我講：「好快，我揚多幾下就乾。」
「嗯。」
過咗無幾耐，佢放低手上面嘅風筒，然後就坐咗係我身邊。
「嚟喇，幫我按下個膊頭。」佢指指自己後頸嘅位置：「好撚酸痛。」
「你都幾老實唔客氣架喎。」我將雙手放係佢膊頭之上，緩緩地動起手來。
「大家咁熟，幫我按幾下唔係都咁計較呀嘛。」佢背住我講。
「梗較唔較裂呀，樓細。」我極力模彷住譚仔姐姐嘅口音問佢。
「哈哈，戇鳩。可以大力啲喎。」佢聽到我把聲之後大笑起嚟，然後將膊頭放得更鬆。
我按咗佢膊頭一陣之後，就轉向按佢嘅頸部。
「又按得幾好喎你。你有按開架？」佢讚歎地話：「啊....係呢個位喇....」
「係屋企會幫我阿爸按，按得多大概都知咩位會舒服嘅。」我聳聳膊咁講：「最緊要唔好用死力，唔係幾大力按都唔會舒服，只會覺得好痛。」
「長知識了。等我學下你嘅手法，下次幫你按返，哈哈。」
「你話架，唔好走數。」
按完頸同膊頭之後，我拍拍佢：「好喇，夠鐘喇先生。」
佢「吓」咗一聲，好失望咁將頭轉向我：「咁快按完？可唔可以加鐘啊？」
「喂，再按要收費架喇喎。」我叉住條腰咁望住佢講。
「咁我加鐘囉，你都未按我個背。」佢好得戚咁講：「嚟喇，快啲按。」
佢索性成個人大字型咁趴咗係張床到。
「你咁樣我點按呀....」呢個姿勢就好似要我直接騎係佢背上咁。
「你坐係我背脊到喇。」佢好自然咁講。
「痴線架，唔好喇。」我心裡面既覺得尷尬，又怕咁樣好似比咗啲暗示佢咁，所以我唔敢咁樣騎上去。
「怕咩呀，唔會壓死我架喎，嚟喇。」佢拍拍床板，好似真係覺得我咁樣騎上佢身上係無問題咁。
「真係要坐啊？」我再三向佢確定。
「係呀屌，快喇。」
我吸咗啖氣，小心翼翼地將左腳跨過佢嘅背部，右腳就踏實床嘅另一方，好慢咁坐咗落佢背脊到。
「喂，係咪好重啊。」我開始係佢背部按壓起嚟，兩隻手指公來回地係佢背部上遊走。
「起碼我仲抖到氣，哈哈。」然後佢壓低聲線講：「不過可以輕返少少囉。」
「屌。都話唔好坐架喇。」我停低咗雙手嘅動作：「唔按喇！」
「喂，唔好呀。唔重呀，真係唔重，你繼續按ok？」佢急急地向我解釋：「嚟喇，你手勢咁好，比我享受多陣嘛。」
來來回回地按咗十幾次，我嘅雙手又落係佢頸上。
「好喇，真係差唔多喇，到我對手攰喇。」我快速地係佢膊頭好似切菜咁揼咗十幾下，之後話：「起身喇。」
之後Angus就坐返直個人，順時針地扭動佢嘅頭部：「鬆哂，正。唔該哂你呀Leslie！」
「屌，下次真係收錢，幫你按咗好耐喇。」我將自己嘅手指向後拉：「手指都軟埋呀。」
「你攰唔攰呀？一係我幫你按返喇。」佢用膊頭撞一撞我：「嚟喇，幫你喇。」
我毫不客氣咁將背部轉向佢，然後佢就幫我嘅膊頭按摩起嚟。
雖然佢嘅技術點都無我咁純熟，不過佢比我大力，所以都叫搭救到佢技術上嘅不足。
「典呀，See唔See服呀。」佢又學返我嘅口音。
「See服，有我一半喇。」我滿意地點點頭。
按按下，佢將我成個上半身都放咗係佢大脾上面。
「做咩？」我睜開眼望住佢。
「闔埋眼喇繼續，幫你按頭。」
我「哦」咗聲之後，佢就係我太陽穴上面打圈咁按摩。
係我舒服到差唔多瞓著之際，我感覺到我臉前有一陣呼吸緊嘅氣息。
我唔敢開眼，係我仲諗緊發生咩事嘅時候，Angus嘅唇已經緊貼住我嘅嘴。
我立即打開雙眼，見到Angus嘅臉正正就係我面前不足一厘米嘅距離。
「做咩啊？」我用一個蚊子般嘅聲線問佢。
「殊...」佢示意我唔好出聲，呢個姿勢維持咗好短時間之後，佢就反身將成個人壓係我身上。
「今晚我可唔可以攬住你瞓？」佢係我耳邊問。
我嘅心跳係呢幾十秒入面不斷上升，呢一刻我個腦一片空白。
其實我一啲都唔抗拒同Angus咁親密，不過我無諗過咁突然就會發展到呢一步。
佢見我無反應，佢就問多我一次：「可唔可以？」
我無點頭，亦都無搖頭；佢就直接瞓咗係我身邊，將雙手環抱住我。
或者此際嘅我根本心亂如麻，我唔識亦唔知道應該用咩態度對Angus，所以我將身體背向咗佢。
佢起初將我攬得好實好實，就好似一隻樹熊抱實棵樹咁。
後來佢見我身體嘅起伏漸漸變細，佢隻右手就由腰部逐格逐格咁向上爬，停留咗係我胸部前面。
佢用指頭係我胸部上大範圍地打轉，彷彿試探緊咩位置會令到我最敏感一樣。
佢不經意地觸碰到我嘅乳頭，我不禁輕輕顫抖咗一下。
我壓低自己喉嚨深處嘅喘息，將肉體上嘅興奮藏於心中。
可能係我唔敢表露自己享受嘅一面，我怕我一有任何反應，佢做嘅事就唔只係摸下咁簡單。
不過我呢個諗法好快就被現實打破咗，佢無放棄繼續進攻嘅動作，反而加大咗佢嘅搜掠行動。
佢索性將整個手心都緊緊包圍住我嘅胸部，一下又一下咁搓，情況就好似麵包師傳搓粉團咁，力度亦愈見起勁。
我無回頭，佢就只係好落力咁係胸部上糾纏；之後佢轉而向我下半身進發，手指不知不覺間已經係我大腿之中輕輕撩動緊。
呢種感覺有若一股電流傳入血液之中，令我渾身嘅神經線都被活躍起來。
我不自覺地將雙腳向上縮，Angus見狀就再次將自己壓向我，然後係我頸上面不斷地吻。
我將雙手圈住佢嘅後頸，手指係佢頸際間撥動。
大概係呢個動作刺激到佢嘅敏感地帶，佢突然間就好似一隻發情嘅狗仔咁係我身體唔同嘅位置留下佢嘅痕跡，有時會舔下我，有時唔會。
一番纏綿過後，佢終於伸手進入我嘅下體，高速地係洞口上掃動。
我感覺自己嘅下體已經一片濕潤，係一個隨時可以被佢進入嘅程度。
當係有理智嘅情況下，我一定會叫自已唔好咁隨便同人發生關係。
因為一開壞咗個頭，個關係就會一發不可收拾。
但係人係感情動物，亦有好多事會影響一個人嘅判斷能力。
而我都唔例外，特別係我眼前嘅人唔係一個普通男人，而係一個我可以用傾慕嚟形容嘅男人。
所以我毫無抵抗地比佢進入咗我嘅身體。
成件事發生得好快，快到我都未消化得切而家我做緊啲咩，件事已經好平靜地完結咗。
我默默地拾起散落係床上嘅衣物，著返自己嘅胸圍同底褲，期間佢一句聲都無出過。
因為佢沉默不語，我只好配合佢嘅安靜。
我好緩慢咁著返其他衣物，期望佢會開口講啲嘢，哪怕只係一句普通句子都好。
陷入沉默係呢個情況下絕對係一件尷尬嘅事。
結果佢係我著緊條短褲時，佢講咗句：「我落去食枝煙。」之後就逃脫咗呢間房。
我望住垃圾桶上面用過嘅安全套，心裡面覺得自己好低賤。
原來佢叫我嚟佢間房，就只係咁解。
－－－－－－－
當晚我係佢走咗之後都返咗自己房，然後我整晚都徹夜難眠。
雖然呢啲嘢可以話係你情我願，佢都無任何欺騙我嘅成份，不過心裡面難免有啲難受。
大概係我接受唔到事前同事後嘅反差，我不斷係到諗，如果頭先嘅事無發生過就好喇。
可惜呢一切只係個空想，發生咗就係發生咗，唔會有咩如果。
呢個世界根本無咩如果可言。
呢件事發生咗之後，佢無特別搵過我，我地嘅距離突然間又變返未相識之前咁。
於是我就嘗試學習裝作若無其事，盡量令呢件事變得更加輕描淡寫。
再見到Angus，已經係下一次嘅排練。
我同佢無好似之前咁係可以傾計嘅時間交談，有好幾次當係鏡入面嘅眼神對上咗之後，好快佢就會移開自己嘅目光。
每個星期我最期待嘅日子，如今居然變得如此渡日如年。
我好唔想見到佢，因為每當見到佢我都會諗返當晚我就好似一個白痴咁自動將自己嘅身體獻上咗。
排練完咗之後，如果係以前我一定會跟大隊去食宵夜。
但係如今嘅情況，我當然一啲都唔想去。
正當我想話走先嘅時候，Angus比我更加快提出。
「我今晚唔食喇。」Angus一路執袋一路講。
「吓？差你喎，你唔食就少一個人搭的士架喇喎。」Erica奇怪咁問：「好忙咩？做咩唔食呀。」
「今晚有嘢做。」佢拋低呢句之後，就奪門而出。
我表面上好似無留意Angus講咩咁，心裡面當然好在意佢講嘅一字一句。
我不斷地諗點解佢唔食宵，係咪因為我係到？
成餐宵夜大家仍然傾得興高采烈，唯獨係我整晚都好似啞巴一樣咁坐係到。
我無心情同大家交流，只係想快啲食完再返去瞓。
瞓覺就咩都唔洗諗。
今晚搭的士嘅人除咗我之外，就得返Erica、Eddie同另一個叫Vincent嘅男仔。
成程的士我都只係呆望窗外嘅景物，依舊係咩都無講過。
落咗的士之後，Erica同Vincent各自返咗自己hall，得返我同Eddie係到。
「Leslie，你唔開心呀？」佢突然吐出呢句，令我有啲驚訝。
「吓？做咩咁問。」
「平時見你都會講下嘢笑下，今日Angus唔係到你就成個人謝哂咁。」佢問我：「你地鬧交呀？」
「痴線，鬧咩交，我同佢又唔係有咩關係。」我無奈地道。
「我之前見到你同佢兩個人練嘢喎。」佢不懷好意咁笑咗下。
其實我同Eddie一啲都唔熟，不過呢刻我需要嘅係一個傾訴對象。
人好多時候都會將自己壓抑係心裡面嘅秘密講出嚟，因為放係心裡面唔發洩出嚟嘅話，個團鬱結不但唔會不藥而癒，反而會將你嘅心情壓得更加沉重。
我將我同Angus嘅事一五一十咁話哂比Eddie聽，佢聽完之後無太大嘅反應。
「我以為你應該會知道添。」佢嘆咗口氣。
「知道啲咩？」
「Angus都唔只第一次咁樣做架喇，我之前嘅teammate都中過招。」佢淡然咁講：「都唔係新聞，佢好識玩架。恃住自己靚仔跳舞又勁，好多女都鍾意佢。」
聽完之後我個心涼咗一截，突然覺得一直以來對佢嘅印象原來都只係幻影，現實嘅佢我根本從來無認識過。
「唉，發生咗就算喇，之後唔好喇。」佢拍一拍我膊頭，我只懂得以苦笑回應。
係囉，唔發生都發生咗囉，除咗「算喇」，我仲可以點？
－－－－－－－－
人係好奇怪，當一啲事情發生咗之後，即時我地幾無奈幾有情緒都好，我地都會有一個技能：就係將情緒收藏得好隱蔽，就當成無事發生過咁。
至少我會咁樣做。
因為咁樣可以避免不必要嘅尷尬，特別係你知道你仲要對住呢個人一段日子。
我同Angus之後嘅排練無特別多嘅交流，不過有機會講嘢嘅時候總會有一兩句搭得上嘴。
我都唔知自己呢種性格算係咩，但係我唔識嬲人。
唔係話我無脾氣同情緒，而係憎恨一個人嘅感覺好快就會隨住短時間而流逝。
的確我曾經有一刻好嬲Angus，因為我覺得佢好似呃咗我咁。
不過好快我就無咗嬲佢嘅感覺，可能係因為我知道現實上係我蠢先會發展到如今嘅地步。
所以我好快就無咗呢回事。
一日又一日咁過去，我以為呢件事都可以慢慢地係我腦入面淡忘。
一次排練嘅前一日，Angus嚟咗我房搵我。
「咩事？」我一開房門見到佢有啲錯愕，不過我無表現出嚟，純粹好自然咁問佢。
「你房有無人？」佢探頭望入房內：「我入嚟傾ok？」
之後佢就直接入咗嚟我房。
「點解你會知我咩房？」我無諗過佢會直接入我房搵我。
「你之前話過我聽。」佢不為所意咁講。
「哦。」
靜咗唔夠幾秒之後，佢就問我：「你係咪嬲咗我？」
「吓？無喎，做咩咁講。」
「上次呢......我食完煙返嚟，你走咗喎。」佢有啲唔好意思咁講。
「咁你都去食煙喇，咁我可以點啫。」我有啲悔氣咁回應。
「我去食煙啫，我又無話我唔返嚟。」佢好無辜咁講。
「喂，咁你個態度咁樣，我點知你想點....」
「屌，咁你又唔食煙，我咪無叫埋你落去囉。」佢行前將我擁入懷裡：「個晚我真係想攬住你瞓架。」
我無言以對。
雖然心入面知道咗佢可能唔只係對住我一個女仔係咁樣，可能出面仲有千千萬萬個「我」，都係佢好想攬住嚟瞓嘅人。
不過呢一刻我居然無推開佢。
當晚佢係我隔離瞓著咗嘅時候，我問咗自己好多次到底我而家做緊嘅事到底為咗咩。
我諗嚟諗去，唯一可以解釋嘅就係佢比咗啲我自己本來無法擁有嘅時刻。
陪伴對寂寞嘅人嚟講係一種上癮嘅藥物，永遠令人不能自拔。
－－－－－－－
我地嘅距離又再拉近返係一瞬間嘅事，比起之前唔同嘅係，我地除咗會出相入對以外，我地更加成為咗對方嘅枕邊人。
排舞之外嘅時間我仍然可以見到佢，感覺上我已經霸佔哂佢整個人。
佢同我嘅相處就好似男女朋友咁，縱然我地大家都無開口表明過啲咩，我地心裡面都似乎對呢段關係有個共識。
漸漸地我將Eddie同我講過嘅說話拋諸腦後，我諗佢而家應該無空餘時間搵其他女仔。
突然有一日，我收到個電話。
「喂，你係咪Leslie？」話筒傳來嘅係一陣陌生嘅女聲。
「係呀，你係....」我疑惑地係我腦海之中不斷搜尋呢把聲音嘅主人。
「我係Angus女朋友。」佢冷冰冰咁講。
我當下俾唔切反應，無立即回應，於是佢再度出聲：「喂？」
「係。」我堅定地回答。
「我想話你知，你已經唔係第一個。」佢好似唔意外咁同我講：「Angus佢好鍾意新鮮感，一有新嘅女仔出現佢就會出手，不過佢最後都會走架喇，因為佢每次都會返嚟我身邊。」
「咁既然你咁有信心，你打嚟同我講咁多有咩意思？」我討厭佢得寸進尺嘅態度。
「我想提醒下你啫，大家都係女仔，唔想你再浪費時間係佢身上。」佢理所當然咁講。
「你有無諗過你先係浪費時間果個？」我一口氣咁講：「如果Angus真係咁愛你，就唔會屢次因為新鮮感而搵第二個喇。你好意思打電話嚟叫我離開佢，你有無諗過係你自己留唔住佢呀？一係你就好好睇住佢唔好比佢出去搞搞陣，唔係你無資格咁樣打電話嚟教訓我。」
電話嘅另一方沉默咗。
「再講喇，我同佢而家同hall，同佢日對夜對果個係我。之前佢會返去你身邊，唔等於佢今次會。」我不甘示弱咁講：「你又唔係佢，你根本唔知佢諗咩。」
之後我再聽到嘅就只有空洞嘅「嘟、嘟、嘟」。
當晚Angus沖哂涼去我房到瞓嘅時候，我忍唔住向佢攤牌。
「今日你女朋友打俾我。」我毫無先兆咁同佢講，佢聽到之後停低哂手頭上嘅動作，成個人凝固咗咁。
「你如果咁愛佢，就唔會同我喇。其實你都唔係咁愛佢啫，係咪？」我試圖引導佢講出我想聽嘅答案。
佢依然無出聲。
「我想你面對返自己嘅情感咋。而家日日夜夜陪住你果個係我呀，唔係佢呀。」見佢毫無反應，我開始激動起上嚟。
「唔好咁樣。」佢冷冷地講。
「咁我可以點樣？你女朋友打嚟鬧我呀，但係我根本就唔知道你有女朋友！」我嘅眼淚不斷地湧出嚟：「話我知，我重要啲你先會俾咁多時間我。我同你以前啲女仔係唔同架嘛，係咪？」
我將心入面唔應該講嘅事實都講埋出嚟，去到呢個時候我已經無法自控地對佢大哭大鬧。
「你有無聽過需求定律？唔係econ教個種，係講緊關係上嘅需求定律。」佢好冷靜咁講：「我同Iris之所以仲會一齊，係因為佢有啲特質係佢獨有，而其他女仔身上係無；反之亦然，都有啲嘢係你身上有，而Iris無嘅嘢。」
「我覺得同你一齊跳舞好開心，你又可以係hall陪我，所以我想同你一齊。但係Iris佢係個好好嘅女仔，我同佢一齊可以做返自己，同埋我點樣玩都好，佢都唔會離開我。」佢好堅定咁同我講：「我唔會同佢分手。」
「痴線架？點解你可以將你滿口歪理講到理所當然咁？」我一路喊一路打佢心口：「點解你要咁樣呀....你知唔知道咁樣對我好唔公平架....」
「老實講，我從來都無應承過你啲咩，嚴格嚟講我無差你啲咩。」佢一副無情嘅臉令我覺得好陌生，所有親密係纏綿過後都只係一息間嘅幻象，瞬間破滅得無影無蹤。
「Leslie，好多謝你呢段時間陪我。我地好來好去，如果你接受唔到，咁就算喇，我都唔想勉強你。」佢講完之後就離開咗我間房，剩返我一個人坐咗係床上面。
呢件事對我嚟講難免有一定程度嘅打擊，一來我無試過做人第三者，而今次可以話係不知不覺嘅情況下做咗；二來我接受唔到居然有情侶可以咁樣相處，到底思想可以有幾扭曲先會接受到自己男朋友一直係出面搞三搞四。
後來我去咗搵我以前男朋友Terry，我會搵佢唔係因為我仲鍾意佢，而係佢係我人生入面都佔有一個頗重要嘅位置，因為佢曾經教識咗我好多嘢。
「你地呢段時間日對夜對，可能做咗好多事令你而家感覺好深，但只係因為你習慣咗佢，你未抽離到。」Terry同我講。
「咁我又真係習慣咗佢呢個人嘅。」我如實作答。
「你俾啲時間自己，可能一個星期，唔得嘅咪兩個星期，你唔好再搵佢，都唔好睇佢嘅嘢。你冷靜落嚟，可能你唔會再想追呢套劇，甚至有套新劇你會想追添。」
「你覺得我係咪唔夠愛佢？」我問Terry。
「係。佢女朋友可以做到包容埋佢係出面不斷地搵其他女仔，只要肯返去佢身邊就ok，你得唔得先？」
我頓時無語起來。
「我唔係話佢呢種愛就係好，只係好明顯你願意為佢付出嘅一定唔及佢本身個女朋友多。你太投入咋，醒下喇。呢個男人有必要浪費你時間咩？」佢苦笑咗一下：「你嘅圈子點都比我闊喇，要識男仔有幾難。唔好因為一個咁嘅男人嘥咗你啲時間喇，呢套劇唔啱咪第二套囉，好閒架咋。」
我無回應，腦入面不斷消化佢講嘅說話。
「嚟喇，唔好諗喇。返去沖個涼瞓返覺好，之後重新上路喇，你唔會等到佢架喇。」佢摸一摸我個頭：「我車你返去喇。」
「吓，你考咗車牌咩？」我驚訝地問。
「好耐喇，我地幾年無見，好多事變咗你唔知啫。」佢淺淺地笑咗下：「行喇。」
我坐係車頭嘅左邊，同平時一樣望住窗外面嘅風景。
「喂，你仲係無變架喎。」Terry一路駛駕住架車：「都係咁鍾意望住窗外面發呆。」
「都話唔係發呆囉，係睇風景。」
Terry扭開咗個電台，今晚個DJ又再次播放咗《冷雨夜》呢首歌。
窗外嘅畫面彷彿又同當日第一次同Angus搭的士嘅情境重疊咗咁；
當架車駛到去又一村嘅位置，街上面就好似有我同Angus當日行路嘅身影咁；
去到宿舍出面嘅位置，我又好似見到當日Angus係到食煙嘅樣子咁。
「到喇。」Terry同我講：「上到去早啲休息，唔好諗喇。」
「我知道架喇。」
行咗兩步，我回頭同佢講：「我唔會再追呢套劇架喇。」
我決定將所有同Angus嘅回憶都留低哂係Terry架車到。
一套爛尾嘅劇，點好睇都唔應該繼續追落去。
後來我地順利地演出，我同Angus係表演之後都再無見過。
聽講佢已經無再住hall，不過佢嘅去向對我嚟講，已經唔再重要。
因為我已經搵咗一套更加值得我追嘅劇。
－完－