《後備女友》(真人真事改編): Ch3

好快我地就去到間電影院。

「你想睇咩啊？」我問

「屎忽痕者得唔得？」指住個宣傳海報。

咦 呢套咪今日琪琪問我去唔去睇個套囉？佢。。。應該唔會係戲院掛

「好啊就呢套啦」







「其實我鍾意左你好耐， 只係你一直無發覺姐， 不如我地一齊啦」 電影螢幕既男主七情上面，聲音有d 沙啞。

女主塊面即刻紅都面晒， 聲都唔聲。

就係呢一刻，我感受到自己塊面俾人錫左一啖。

我個時真係嚇左一跳，然後偷偷咁望住隔離個彭于晏，佢向我微微一笑，我即刻dum底頭，然後發現我個心跳得好快好快，仲快過火箭沖上天，唔通呢d 就係戀愛嘅感覺？





無錯，16歲嘅我係無拍過拖嘅。一直都唔敢鍾意人，可能係因為啊爸啊媽留落嘅陰影掛。

「你.....」

話口未完， 我隻手就被佢十指緊扣。佢見我無反抗就將我隻手握得更加緊， 我估呢個係佢對我嘅肯定掛？

《屎忽痕者》呢套戲， 我根本無用心留意去睇， 相反係好享受呢個時刻，帶俾我無數既遐想，面上開始浮起笑容。

睇完戲， 我地拖住手，周圍係商場度行，過程有講有笑，完全唔似認識左一日。





「 呀詩？又話唔得閒既」 一把熟悉既聲音係我耳邊擦過。

wtffff 點解琪琪會係度架！

我即刻放開傑仔嘅手

「errrr 咩啊 我...話約左人啊嘛...咪唔得閒囉」我好尷尬咁笑。

佢輕瞟左一下我隔離既傑仔。 而係呢一刻，我心亂如麻，完全唔知點面對眼前既佢，於是就拉住傑仔嘅衫䄂跑出商場。

琪琪應該開始懷疑喇掛？

就係我不知所措既時候， 身邊既傑仔靠近我耳邊， 細細聲咁講：「 等陣上我屋企？」

吓？？？