《後備女友》(真人真事改編): Ch10

佢奸笑一下，然後細細聲係我耳邊講：「 頭先係巴士站叫你又唔應～ 依家唔幫你都正常吖，嘻嘻」

之後就扮左個無辜樣出黎， 大聲講「下？！我咩都唔知㗎～，你地問番當事人啦～」 佢講完，全班就開始起鬨。

你一句，我一句咁。紛紛都向我投上怪異嘅目光。 我塊面變得更加紅，我即刻低頭， 完全唔敢去面對任何人。

「 喂喂喂... 唔好嘈...點解我聽倒有聲㗎...你地唔可以再咁㗎喇， 大個仔大個女...自律啦...要尊重老師..知唔知呀你班死仔包」 豬油膏開始左呢個長氣mode， 跟住大家都費事出聲， 免得再俾人煩住曬。

而我， 完全無心情聽佢講人生道理，心入面只係諗住坐我後面嘅小氣鬼。 我怒啤後面嘅佢，只見佢嚇左一跳，唔敢再講野，然後我地就開始上堂。不過都好嘅，搵番呢張支票，都可以夠我屋企一個月嘅開支嘅。





就係呢短短嘅幾個鐘時間， 坐後面嘅佢用筆篤左我10 幾次， 但係我每次都無理到佢，唔想再理呢d衰人。

「叮噹叮噹」 午飯嘅鈴聲響起，我望一望嘉琪，打算好似以前咁同佢一齊食lunch， 一齊吹水。 但係見倒佢同幾個女仔堆埋一堆，有講有笑，令到我更加心痛....唉， 今日都係自己一個食啦...

係我行落樓梯打算去食堂買飯個時，無意中聽到佢地好大聲咁講緊我壞話。

八婆A話：「嘉琪啊，佢係咪真係做緊雞啊？佢平時斯斯文文，睇唔出佢內裏咁open喎 哈哈哈」

「我親眼見到架喎，仲有假嘅？我同佢做左咁多年好朋友都差d比佢今次呃到啊，佢咁好戲唔去做演員真係晒曬。」嘉琪好似開左八婆mode咁係咁講，係咁講。





然後八婆B又加把口入去：「唉，嘉琪我真係覺得你好慘囉仲忍左咁多年，咪鬼同佢做fd啦」

「車，你唔係以為我真係想同佢做fd吖嘛？我同佢做fd係因為見佢係學校都幾多男仔追，先想叫佢分d比我咋嘛哈哈，唔通貪佢d錢咩」嘉琪一路恥笑住我一路講。

我個時係忍唔住，就好似火山爆發咁走左過去同佢地講：「其實我依家做咩又關唔關你地事？加上我唔係做緊你地所講嘅嘢。嘉琪，我想同你講有時眼見未為真，你唔清楚事情嘅來龍去脈唔該你就出少句聲啦。我最後悔就係識左你呢個所謂嘅「好朋友」。我以後都無你咁嘅fd吖！」

我講完之後佢地個個都好似啞左咁唔出聲，然後我轉身就去左食堂買嘢食，唔想再理d無謂人。

Louis突然嗌停我：「林允詩！Sorry吖唔係有心偷聽你講野，不過我覺得你講得真係好啱。如果你唔介意嘅話，不如我地一齊食啊？」





我啤一啤佢，然後冷冷咁講左一句「是但你」 就繼續落去買飯。而佢就好似犯左錯嘅狗仔咁， 跟到我實一實，過程完全無講過野。無幾耐， 我地兩個坐低左係canteen度，但依然無任何互動。

突然，佢打破沈默「不如我請你食？」。

「唔駛啦，費時欠你隻小氣鬼嘅人情就唔係咁好啦」

「 其實發生左咩事？我知我講錯嘢， 對唔住」

我瞟左佢一眼， 見佢誠懇嘅眼神，就話：「唉 好啦好啦話你知啦」

於是就一五一十咁將成件事話曬俾佢聽。

佢眼都唔眨，好專心咁聽住。 最後，佢信心滿滿咁講左一句：「放心我一定會幫你架」