話說,頭先響紙言個首頁果度睇左一下,有一篇文章叫做《三十歲的最後一個月,我成為了職業賭徒。》,文章寫作唔錯,值得一提既系主角前女友拋低既一條問題:如果賭王肯同你賭一鋪,贏左有一千萬,但係輸左就一槍爆你頭,你會點揀?

    其實我都諗左好耐。唔系因為面前既一千萬(其實宜家香港有一千萬都買唔到啲咩),反而系面前名成利就既好機會。

    冇記錯既話上集系用書面語好認真咁同大家講天命,講名成利就(阿媽教落,正經野要用書面語)。宜家再次無限loop,翻黎名成利就同埋安穩生活依個老生常談既話題。

    其實你可以咁睇:每一篇既作文,都係你同讀者既賭博。

    once you go black, you can't go back。





    始終你冇辦法完完全全貼合你所有既觀眾群,只能夠投機。有別于投資,你宜家系毫無準備,只能夠憑藉之前文章勝利或者失敗既經驗,再次下注。只不過每一次既賭本都會變得越來越大,賠率就越來越細。

    一開始出第一篇文就係處於溫情排定系狂野派,就好似估大細,賠率1:1,輸左仲有得翻盤,始終我唔相信人一落筆就可以馬上揾到屬於自己既寫作風格。

    跟住就開始攻略到底系玩愛情,科幻,僵尸,靈異,甜故依啲熱門既選項,定系勵志,社會,散文,短篇依啲冷門既選項。今次系熱門選項賠率1:1,冷門同樣1:1,但係明顯選項方面熱門範疇更多,更能夠名成利就。同樣,你宜家只系準備階段,翻轉頭都係可以。

    緊接而來既就係選擇到底揀邊科:短篇,靈異,社會,生活,愛情,科幻,殺手,奇幻,喪尸,同人,校園,驚悚,勵志,推理,武俠,穿越,悲慘,溫馨,散文,甜故,鬥智,冒險,搞笑,定系自創一派,合共1:24,今次系你第一盤要訓身落去既階段,記住,系冇辦法翻轉頭。

    跟住開始麻煩,到底結局應該點樣鋪排,劇情應該有咩走向……宜家就係圍骰既階段,賠率大家心知肚明。





    最後就係到底應唔應該再次做出突破,續寫一集。前面只有兩條路,就係停同埋行。雖然只有一個選項,但係賠率就係1:1000000000000,冇錯,成功率好似大海撈針。

    應該話,如果你係冇天分既話,依場就係所謂既‘仆街賭注’,反正前後都係仆街,比盡你都係到賠率1:24。

    如果你係有天分但係個天要你死既,下場其實同玩緊仆街賭注系零分別,完全冇。反正你一開始已經奠定失敗,咁樣你就算有天分,你都只會系一條好聽一啲叫水魚,難聽一啲叫憨鳩。

    注意,中間系冇所謂既灰色地帶,因為通常如果你1:24系玩得中,除非你真係完全完全毫無任何實力,否則你系可以玩到賠率1:1000000000000。

    但係,你覺得自己死纏爛打就可以?





    咪憨鳩啦!

    舉個栗子,有冇拍過拖?就算你冇,你會唔會對住你自己個女仔死纏爛打?

    死纏爛打代表你自戀同埋盲目。情景就係你自己凈系見到自己付出啲咩,但係忽視左人地需要啲咩,尤其系依個所謂既‘要求’其實非常現實,基本上唔合佢地意就係唔合佢地意。姐系你見到自己付出既系一條石斑,但係人地既要求就好似要一條長1米十幾斤既紅杉魚,而且多1CM重1G都係會死,既然明知釣到一條咁既魚要唔知燒幾多支香先釣到,加上市場需求不停變換,要響一個適合既時間點揾到當時需要既野,簡直就係一場明知冇可能贏但係你又無聊去玩既scare game。而依種scare,系慢慢慢慢滲入你骨髓既scare。當你一旦失敗,墮落,面對眾人既恥笑,謾罵,難道你仲能夠抬起頭,當一切都冇發生過咁正常遊玩?仲有最好笑系,既然明知會失敗,咁點解當初要好似一個病態賭徒一樣,將成副家產就咁倒入鹹水海?

    何況,唔屬於你既,就係唔屬於你。

    記得之前玩undertale既時候好中意聽一首trio,叫做stronger than you,入面有一句歌詞,but the kids like you don't play with the rule,就系咁,當你依啲唔知道系有實力定系自(以為)帶天命護體既人響度正正經經咁努力,總有一啲唔守規矩既人,唔知道系求其攞到一個good chance定系隨便亂up,都可以名成利就。

    要例子?有冇聽過beep beep ima sheep?

    其實一首歌可能代表唔到啲咩,但係睇下,從頭到尾只系一個不停重複歌詞既歌,可以話系打破規矩既野,而且難聽一啲,因為佢既洗腦能力可以話系幾令人覺得厭惡(當然比起依啲不足一提既野,不停loop既人好似仲仆街),但係就成功獲得大眾既青睞。

    又或者如果你係比較偏向於低YT果類,應該或多或少聽過大J。





    其實我可以話,我都唔理班憨鳩小學雞,佢系我見過咁多個既YTBER入面,最don't play with the rule既一個。

    世界就係咁。我個人覺得達哥絕對會系HK最強既GAMER,但係點解達哥咁循規蹈矩但係講野甩甩咳咳自大無能靠小學雞上位仲以為自己好撚勁既唔知邊忽大既大J可以超越佢?

    我唔敢話達哥咩野,始終我好尊敬佢既。但係我可以話,大J已經作為一個破壞規矩上位既垃圾。

    其實YT又好定點都好,始終要明白,如果你系果種滿腔熱血既新手作家既話,要好好考慮,到底響cheater滿佈同埋天命既惡作劇之下,你係咪真係可以成功。

    如果你係抱住玩玩下既心態,當然我唔會阻止你,但係如果你係打算同我一樣響度扎根既話,已經有一個人再次敗響依個贏在起跑線既世界。
已有 0 人追稿